الموضوع: صوت تسقيف (كركرة) Engine knocking

المشاركة الأصلية كتبت بواسطة Anti_virus_abdo

السلام عليكم
انا عندي مشكلة في العربية و هي ان بقالها 4 شهور كدا الموتور فيه صوت (تسقيف-كركرة) بطريقة مبالغ فيها جدا
الموتور بيبدأ يظهر فيه الصوت لما العربية تسخن, يعني في اول تلت ساعة تشغيل العربية بتبقي زي الفل و لو ماشي في طريق سريع بردة زي الفل, اول ما بتوصل لل Ideal temp. الي هي بتبقي نص العداد بعديه ب 5 دقائق بتبدأ المعاناة
الصوت واضح جدا جدا و بيبقي جامد اوي في الطلعه طبعا, مهما عليت ال RPM و انا طالع و بتكركر علي كل الغيارات حتي علي الثالث و ال RPM فوق ال 20!, و هي علي السلانسيه بردة لو دوست بنزين جامد مفاجئ بتعمل الصوت للحظة في الاول كدا
الي لحظته بردة انها في الطلعة و انا بطلع ال RPM بينزل جامد اوي مهما كنت دايس بنزين
طبعا بالتكييف او علي مطلع الموضوع بيبقي رهيب, كنت بحرم نفسي في عز الحر و الزحمة من التكييف عشان الموضوع دا
جربت بنزينات كتير اوي كله نفس الكلام فالموضوع مش موضوع بنزين لأنها مكنتش كدا, و جربت بنزين 95 نفس الكلام
نضفت البوابة
حطيت CYCLO Max 44 علي تفويلة
و لسه عامل صيانه من 2000 كم (الصوت موجود من قبلها بس طبعا التوكيل ايدك منه و الارض) و غيرت الزيت طبعا و البوجيهات و الفلاتر و (قالولي في اوماترا) انهم حطوها علي الجهاز كذا مره و مفيش حاجة كله تمام
دلوقتي انا مش عارف اعمل ايه تاني؟ الحاجو الوحيدة الي في دماغي اني اغير ال Knock sensor بس هل لو فيه حاجة تكركر لما تسخن بس؟ مش المفروض يبقي علي طول؟
فلو حد عدا عليه الموضوع او عنده اقتراحات عشان بجد الموضوع دا مضايقني جدا جدا
شكرا جزيلا طبعا
و اسف علي التطويل, و معلش استحملوني اسلوبي في الكتابة مش منظم :)

السبب فى العيب ده ال Knock Sensor

هو المسئول عن كشف اى اهتزازات غير طبيعية فى الموتور

وهو اصلاً مصمم للحد من القرقعة ( التسقيف - الكركرة )

وشوية حاجات كمان


نصيحة: بلاش سواقة كتير والعربية بتسقف

والتوكيل دة الطبيعى بتاعهم انهم مبيعملوش حاجة غير الصيانات ولو عملوها صح كمان

لو عاوز تسأل حد فاهم فى التوكيل - المهندس/سيد - مركز خدمة فيات - فرع الدراسة

المشاركة الأصلية كتبت بواسطة Anti_virus_abdo

شكرا يا باشا علي الرد: )
ااه مانا بقول ان ال knock sensor هو الشاكك فيه بس مش متأكد عشان كدا قلت اشاركم لو حد عنده رأي تاني
ااه ما المشكلة ان ال detonation غلط جدا و خصوصا مع الوقت علي الموتور بس هعمل ايه مجبر اني اسوق كدا
بالنسبة التوكيل انا اكتر مهندس يحترمة هو سيد بس قلتله علي ال knock sensor قالي ان مش هو السبب طبعا مش هتكلم علي المهندس الي معاه :)

يا باشا العفو
انت اصلاً ما شاء الله محدد العطل

اوماترا تتحدث عن نفسها..
يعنى عاوز اقول انهم ممكن يفكولك حاجة وميعرفوش يركبوها تانى..

المهندس سيد شخصية محترمة وفاهم كويس.. راجع معاه طالما قال العيب مش ال Knock Sensor

نفسى حد يفتح مركز خدمة محترم ويكون بيفهم فى الفيات ويوفر قطع الغيار بدل المعاناه اللى بنشوفها فى التوكيل وعدم الخبرة للفنيين اللى هناك..

انا اعرف ميكانيكى فيات شاطر فى مدينة نصر لو تحب ممكن اقولك على مكانه

انا عندى نفس موضوع السقيف وانا اعتقد ان الموضوع سخونة موتور
ياريت لو اتحلت المشكلة حضرتك تقولنا على الحل