النترا 2012 md جننتني :(

**easy2002** · 13-11-2012 12:56 AM

السلام عليكم ورحمة الله وبركاته

أنا معايا النترا 2012 الشكل الجديد ماشي بيها 6000 كيلو حتى الآن والعربية تمام والحمدلله لكن من فترة جيت بطفي العربية وبطلع المفتاح المفروض ان السنتر يفتح والإضاءة بتاعت الصالون تنور وتطفي تدريجي الموضوع ده محلصلش معايا لكن بعدها بحوالي ساعه رجعت اشتغلت الاضاءة تاني حصل معايا الموضوع ده دلوقتي ومش عارف من ايه

وكمان الريموت مبقاش يشتغل كويس لدرجة انها فضحتني ف مرة عشان جيت أفتحها بيه ومفتحتش ففتحتها بالمفتاح

ياريت حد يقولي ايه الحل وشكرا جزيلا ليكم

**egyptodentist** · 13-11-2012 01:52 AM

الموضوع نتيجة ان جهاز الانذار ده بيركبه غبور هنا في مصر الا لو عربيتك خليجي او هاي لاين
عموما الموضوع بسيط ممكن يكون فيوز جهاز الانذار وده سهل انه ممكن يعلق ويشتغل
ممكن السلك اللي مغذي جهاز الانذار مهزوز مش اكتر من كدة

**MohamedSamy06** · 13-11-2012 02:04 AM

موضوع الانذار دا مش عارف ... لكن الاضاءه دي حصلت معايا بردو ان نور الصالون كله مشتغلش لما طفيت العربيه وفضلت افتح واقفل في العربيه وبردو مفيش وبعد 10 دقايق بس رجعت اشوف ايه القصه اشتغل عادي ... دي اول مره تحصل معايا على فكره

**devil_storm** · 13-11-2012 07:22 AM

المشاركة الأصلية كتبت بواسطة egyptodentist

الموضوع نتيجة ان جهاز الانذار ده بيركبه غبور هنا في مصر الا لو عربيتك خليجي او هاي لاين
عموما الموضوع بسيط ممكن يكون فيوز جهاز الانذار وده سهل انه ممكن يعلق ويشتغل
ممكن السلك اللي مغذي جهاز الانذار مهزوز مش اكتر من كدة

كلامك معكوس الالنترا md غابور بينزلها بانذار بلدها و الخليجي هي اللي التاجر بيركبلها انذار هنا في مصر و كمان بيركبلها هنا السنسور بارك لكن غابور بينزل السنسور استوك من بلدها

**easy2002** · 13-11-2012 12:18 PM

المشاركة الأصلية كتبت بواسطة mohamedsamy06

موضوع الانذار دا مش عارف ... لكن الاضاءه دي حصلت معايا بردو ان نور الصالون كله مشتغلش لما طفيت العربيه وفضلت افتح واقفل في العربيه وبردو مفيش وبعد 10 دقايق بس رجعت اشوف ايه القصه اشتغل عادي ... دي اول مره تحصل معايا على فكره

بالضبط كده اللي بيحصل معايا ومش عارف سببه ايه

**atyam** · 13-11-2012 12:21 PM

بالنسبة للريموت روح عند اى ساعاتى وخليه يركبلك بطاريات يابانى وانسى انه يعمل معاك كده تانى

**egyptodentist** · 13-11-2012 06:19 PM

المشاركة الأصلية كتبت بواسطة devil_storm

كلامك معكوس الالنترا md غابور بينزلها بانذار بلدها و الخليجي هي اللي التاجر بيركبلها انذار هنا في مصر و كمان بيركبلها هنا السنسور بارك لكن غابور بينزل السنسور استوك من بلدها

يا باشا اول وتلني فئة غبور اللي بيركب الانذار بدليل اللمبة بتاعت الانذار اللي فوق التابلوه ثانيا يا باشا الريموت علي لوجو gb محفور من وراه ولو فكيت الجهاز هتلاقي مصنوع في مصر .......انا ليسه شاري ال rb وانا في المعرض اتفرجت علي الالنترا اول فئة لان سعرها كان قريب من الهاي لاين الrb ولقيت نفس الريموت واللمبة اللي بقولك عليهم......انا متأكد لانه معايا النيو اكسنت نفس الريموت ابو gb لوجو من ورا وجيت اركب وحدة رفع ففكيت الجهاز عشان ادور علي الفردة اللي بتغذي وحدة الرفع وللاسف لقيته صنع في مصر وكمان في 6اكتوبر والفردة ملغية والحمد لله غيرت الجهاز خالص عشان كمان مش فيه فردة فتح الشنطة.....والجهاز القديم موجود (اللي هوا الاصلي) هصورللك بأذن الله (صنع في مصر )...
بالنسبة لموضوع الخليج بصراحة لااعلم .....بس عامة اللي متأكد منه انه الريموت الاصلي (الكوري) بيبقي سلاح مش ريموت منفصل

**ibnmoaz** · 14-11-2012 01:00 AM

الاستاذ الفاضل الموضوع في منتهي السهوله.وهو عباره عن سوسته في الكونتاكت نتيجه التراب من الجو بتعلق بس دخل المفتاح تانيوخرجه بسرعه
الموضوع هيخلص. وابقي انفخ الكونتاكت بهوا في اي بنزينه وخﻻص. انا حصلي ده قبل كده كزا مره .اخوك عامل 34000 كلم بتلعربيه

**easy2002** · 15-11-2012 11:22 AM

المشاركة الأصلية كتبت بواسطة ibnmoaz

الاستاذ الفاضل الموضوع في منتهي السهوله.وهو عباره عن سوسته في الكونتاكت نتيجه التراب من الجو بتعلق بس دخل المفتاح تانيوخرجه بسرعه
الموضوع هيخلص. وابقي انفخ الكونتاكت بهوا في اي بنزينه وخﻻص. انا حصلي ده قبل كده كزا مره .اخوك عامل 34000 كلم بتلعربيه

شكرا جزيلا يافندم انا هجرب الموضوع ده

**easy2002** · 15-11-2012 11:23 AM

المشاركة الأصلية كتبت بواسطة egyptodentist

يا باشا اول وتلني فئة غبور اللي بيركب الانذار بدليل اللمبة بتاعت الانذار اللي فوق التابلوه ثانيا يا باشا الريموت علي لوجو gb محفور من وراه ولو فكيت الجهاز هتلاقي مصنوع في مصر .......انا ليسه شاري ال rb وانا في المعرض اتفرجت علي الالنترا اول فئة لان سعرها كان قريب من الهاي لاين الrb ولقيت نفس الريموت واللمبة اللي بقولك عليهم......انا متأكد لانه معايا النيو اكسنت نفس الريموت ابو gb لوجو من ورا وجيت اركب وحدة رفع ففكيت الجهاز عشان ادور علي الفردة اللي بتغذي وحدة الرفع وللاسف لقيته صنع في مصر وكمان في 6اكتوبر والفردة ملغية والحمد لله غيرت الجهاز خالص عشان كمان مش فيه فردة فتح الشنطة.....والجهاز القديم موجود (اللي هوا الاصلي) هصورللك بأذن الله (صنع في مصر )...
بالنسبة لموضوع الخليج بصراحة لااعلم .....بس عامة اللي متأكد منه انه الريموت الاصلي (الكوري) بيبقي سلاح مش ريموت منفصل

على فكره يا باشا انا اول فئه اوتو ومفتاحي سلاح مش ريموت وكذلك اول فئة مانويال ممكن صاحب المعرض مجبلكش المفتاح بتاعها

وشكرا ل مرورك ياباشا