الموضوع: حساب للادا شوفو الراجل ده حسبها ازاى

المشاركة الأصلية كتبت بواسطة mekawy2000

قبل ما أقول أي حاجة أنصح أي حد انه يقرا تقييم الألف كيلو الأول عشان يفهم انا بتكلم على إيه

أنا همشي بنفس الترتيب اللي كنت كتبته في تقييم الألف كيلو بس لو حاجة ما علقتش عليها تبقى زي ما هي ....
• استهلاك البنزين : طبعا بعد تسجيل بيانات تفويل العربية على المدى الطويل ده أعطى فكرة احسن عن استهلاك العربية... هي عملت 1589 كيلو بكمية بنزين = 128 لتر نصفها تقريبا بنزين 90 و النصف الآخر 92 يعني معدل الاستهلاك حوال 12.4 كيلو لكل لتر مش 11.7 زي ما قلت قبل كده ((( آدي أول مفاجأة )))

استهلاك ممتاز - وهيفرق بين اللانجكشن والكربيراتيرا

• استعمال بنزين 92 بدل 90: أولا فرق السعر مش كبير (2 جنيه في الصفيحة) ثانيا بيعمل فرق في آدء الموتور زي انخفاض صوته و انخفاض مؤشر ال economy يعني انخفاض استهلاك البنزين و طبعا الفروق دي بسيطة .....
• سحب العربية بعد المطبات : السحب كويس بس محتاج تدوس على البنزين ...( اللي انا كنت بعمله هو اني كنت بحط عيني على مؤشر الإيكونومي و ما خليهوش يدخل في الاحمر و طبعا كانت العربية بتحتاج وقت عشان تاخد سرعتها تاني)

البنزين ال 92 احسن بكتير من 90 وطبعا ال 80 فى السحب والاستهلاك بعكس الى بيتقال ان ال92 بطير بسرعة

• ثبات العربية حتى 110 ممتاز و طبعا بعد كده بتتأثر

يفرق من باور الى عادة - عموما متوسط الباور من 90 الى 110

• تمويجة العربية في الملفات أعتقد إني اتعودت عليها مش هي اللي اختفت لأن الشاهين في نفس الملفات دي و على نفس السرعة بتكون أكثر ثباتا
• الدهان الخارجي طبعا مش عاجبني بس لقيت حل : جلانس منظف الزجاج و الأسطح الملساء بعد ماتغسل العربية استعملة عليها بس تمسحه بفوطة نظيفة أو مناديل ورقية ... وطبعا هترجع تلم تراب تاني بعد يومين j
• مجال الرؤية: لسه ضيق زي ما هو ... بس انا اتعودت عليه خلاص ( وعلى فكرة ما غيرتش المرايات)

لو غيرت المريات هيبق احسن

• الدركسيون : بعد عمل مشحمة تحسن بصورة بسيطة... و كمان انا ربيت عضلات خلاص من كتر استعماله و بقيت أرجع بالعربية بإيد واحدة زي ما قال الأخ expert.... بس أحيانا بحتاج الإيدين ( أحيانا)
• الفرامل لسه بتصفر بس برضو اتعودت عليها و ما بقيتش احس إنها ضعيفة زي ما كنت بقول

مش كل التيل الى بيصفر

• لسه بستعمل الموبايل بدل الكاسيت j)
• الأبواب اتحسنت بصورة ملحوظة ما عدا الباب الخلفي شمال يمكن لأنه الأقل استعمالا

التشحيم والتزيت بيظبط الدنيا

التغييرات اللي عملتها للعربية:
1- تركيب كارتيرات فوق العجل لحماية صاج العربية
2- تركيب حلية رفارف ... لزوم الكارتيرات
3- تركيب فرش أرضيات مشمع لسهولة تنظيف السيارة من الداخل
4- فصل مفتاح تسخين الزجاج الخلفي خوفا من وقوع حوادث لا قدر الله
5- وضع الحاجات التالية في التابلوه : كوب ماء معدني عشان اشرب من أي حته و انا في الطريق – نوته لمتابعة بيانات العربية ( اتكلمت عنها في موضوع منفصل) – قلم جاف – معطر جو – علبة مناديل – بكرة ورق تواليت لتنظيف الزجاج باستعمال الجلانس – شمسية زجاج عشان لو ركنت في حته فيها شمس
6- وضع جركن مياة خضراء في الشنطة ( سائل تبريد بدل المياه العادية سعر الجركن 12 جنيه)
آسف على الإطالة يا رب الكل يستفيد
منقول

تسلم الايادى يا كبير

ربنا يباركلك

استازى العزيز احمد باشا جمال تحياتى الى استاذ الميكانيكا القسم خسر واحد لاداوى كبير
البنزين 80للادا افضل من 90 و92 بسبب انضغاط البستم على غرفه الحريق لاكن الادا مش فارقه معاها كله ماشى

بعد التحيه,
هو مش استخدام نوع البنزين مرتبط بالسى سى بتاع العربيه برضه ولا ايه؟؟
ومع تجربه شخصيه فى مواتير اللادا بيفرق كتييييييييييييير قوى فى صوت الموتور وفى السحب وفى التنتيش كمان يعنى لو حضرتك فى مطلع وشديت على العربيه مع ال 80 انسى انك تجمع سرعه بطريقه ملحوظه وطبعا الصوت بالنسه لي اهم حاجه انه بيبقى هااادى

كيف يعنى مش فاهم حته ان البنزين مرتبط بالسى سى وماذا تعنى السى سى بالنسبه للسياره وازاى تفرق بين السى سى والحصان وايه الفرق بين السياره ال8 صباب و16 صباب معلش اعزرنى حاول تبحث فى المواضيع المطروحه على شان ده موضوعى يطول شرحه

تحيه للسادة الاعضاء ...
معلش أنا مش خبير أوى بس عابز أعرف هل الاستهلاك بيفرق من نوع بنزين لاخر يعنى على سبيل المثال العربية ممكن تعمل مثلاً 20 كيلو بلتر 90 و15 كيلو بلتر 80 ....ولا نفس المعدل بالنسبة للنوعين

من الطبيعى هيكون فى فرقفى الاداء من ناحيه السحب والثبات فى عمل المحرك لاكن هى نفس الكليومتر فى الاستهلاك مع فارق بسيط نتيجه القرص على السياره لتحسين معدل الفرق بين النوعين من البنزين بالنسبه لانواع البنزين المتاحه فى مصر من ناحيه النقاء فهى واحده وليس فى اختلاف اما بالنسبه للتركيبه فيوجد اختلاف فى كميه الاوكتان بتختلف مابين انواع البنزين مثال البنزين 95 وده اعلى بنزين فى مصر نزبه الاوكتان 8.9من عشره اما ال80فنسبته3.8من عشره