| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 16

  1. #1

    الصورة الرمزية memo_sms

    رقم العضوية : 107619

    تاريخ التسجيل : 14Jul2011

    المشاركات : 44

    النوع : ذكر

    الاقامة : Jeddah

    السيارة: Ford Focus

    السيارة[2]: Ford Tours

    دراجة بخارية: نصر ١٢٨

    الحالة : memo_sms غير متواجد حالياً

    افتراضي 6 شهور جنان على الاقل للى بينوى يشترى عربيه جديد او مستعمل - Facebook Twitter whatsapp انشر الموضوع فى :

    hasad">

    شغل جنان فعلا, اللى نوى انه يشترى عربيه بيجيلوا هسس فى نفوخه على الاقل 6 شهور, سواء هيجيب عربيه جديده او مستعمله.


    كل واحد فكر يجيب عربيه مثلا بـ 30 الف وياخد اونو ولا حاجه فى نفس المستوى يقولك طيب ما ازد واخش لـ 40 الف واخد لانوس مغرقه الدنيا وقطع الغيار (كالعاده الشعب بيقلد فى كل حاجه, واحيانا بتبقى ميزه), شويه تسحب معاه على الجديد ولو تقسيط ويروح داخل على الحاجات ام 60 الف, يلاقي مشاكل يقولك طيب ما اخد مستعمل نضيف بنفس المبلغ ويبقى كده وصل بالسلامه لمودلات الالفين مستريح, يلاقى الدنيا مش مظبوطه والناس بتلبس فى المستعمل وكلام عن قطع الغيار وقرف التوكيلات ويبقى خايف, يرجع للجديد بس يخش على 90 و100 الف, وتبقى عنيه على ام 130 الف, ويفكر يجيبها مستعمل, وهكذا القصه لحد ما يجيلوا نصيبوا وخلاص. دى قصه حقيقيه مش من نسج الخيال على فكره.

    انا هقول قصتى ببساطه شديده لان النفوخ قرب يضرب
    اولا انا معجب بالعربيه البروتون البيرسونا, كامكانيات وسعر وكمان تنفع لعيله يعنى مش صغيره, بس القرف والهبل اللى الناس بتشوفه مع التوكيل والعربيه نفسها احيانا حاجه تتعب الواحد نفسيا, وكنت ناوى اجيبها جديده ان شاء الله
    المهم قررت انى ابعد شويه عنها وافكر فى خيارات تانيه واضغط الميزانيه كمان عشان مزعلش عليها لما تتبهدل, وانا مليش فى القسط, المهم نزلت مصر اجازه عجبتنى الماتركس واكتشفت ان الشعب كله معجب بيها ومغرقه الدنيا مش مشكله المهم انها كويسه, وبعدين شوفتها معجبتنيش الكنبه اللى ورا ضيقه, العربيه كبيره من بره او عاليه بمعنى اصح لكنها صغيره ورا وكمان واطيه على الارض جدا, يعنى نفرين وزن تقيل يركبوا ورا والعربيه تزحف جنب اخوتها زى اللانوس, وبصراحه عنيا على الكارينز ومغرقه الدنيا بردوا طبعا وهى كويسه وعاليه على الارض نسبيا.

    المهم فى يوم عديت جنب معرض فى كوبرى القبه ولقيت حبى القديم البرسونا, حبيت اسأل عليها بغرض الفضول مش اكتر, لقيتها جديده مش مستعمله وسعرها 96 الف, المهم قولت ابوص عليها فضولا بردوا وانا بتفرج عليها كان جنبها سيراتو 2010 بحوالى 95 الف, جميله طبعا من بره ومن جوه (انا بتكلم على الشكل العام مش حاله العربيه) بس طبعا العربيه ضربت الرقم القياسى فى عدد السرقات, ومش ثابته على الطريق حسب معلوماتى لانى مركبتهاش (عشان محدش يزعل منى ), كل ده بقى مش مهم المهم وانا بتفرج على السيراتو لقيت عربيه تالته واقفه اسد جنبهم كدا, فولكس باسات, بقوله تبعك, قالى اه 71 الف موديل 2000 وعداد 140 الف, بصراحه وقفت ابوص ليها اكنى اول مره اشوف الباسات لانى كنت بقارنها باللى جنبها موديلات 2010 و2012, مع انها شكل قديم وطلع بعدها شكلين جداد تقريبا ولا حاجه, وساعتها افتكرت ان فى شركات كده سابقه الدنيا, مرسيدس, بى ام, وفولكس وغيرهم, يعنى مثلا تلاقى البى ام فيها abs من قرن فات والناس دلوقت بتشترى العربيات 2012 وabs اوبشن فيها جنان يعنى, غير انهم سابقين فى التصميم بتاع العربيه نفسه وشكلها الجمالى والفخامه بتاعتها.

    المهم قررت اعمل لفه على عربيات من نفس الوضع مستعمل, قبل ما اكمل محدش يقولى انت بتقارن بين فئات مختلفه وسنين تصنيع مختلفه, وقطع غيار قليله او اغلى, انا عارف وكل حاجه وليها عيوب ومميزات, انا بدور على عربيه عائليه وعاليه على الارض لان اللى بيحصل فى الشوارع جنان مش طبيعى وطبعا بسعر معين. المهم لقيت اتنين من المانيا واتنين من فرنسا
    طبعا الفولكس الباسات ماشى معاك السعر حلاوه لحد 2002 مثلا وبعدين يضرب فجأه, قولت لا انا عاوز سعر وكمان سنه تصنيع.
    نروح على سكودا A4, مع انى مش حابب شكلها (ازواق محدش يزعل) بس جامده طبعا بشكل عام, المهم هتلاقى السعر حلاوه لحد 2004 او 2005 ودى اقل عربيه سمعت مشاكل عنها من اصحابها, طبعا انا بتكلم على مشاكل عربيه مش توكيل او قطع غيار غاليه وكده.
    قولت نكمل ونشوف بقيت الحبايب, روحت على الفرنساوى لقيت الرينو الميجان, هتكلم على موديل 2008 بس, عشان عشان ابقى بعدت عن المشاكل بتاعتها اللى فى النسخ القديمه خصوصا مشكله الفتيس بتاعه 2005 والنسخه بتاعه 2008 تقريبا مسمعتش ليها مشاكل, وكنت شوفت اختها الاحدث الفلوانس وركبتها, تحفه فنيه طبعا, بس بردوا العربيه اكبر مشكله فيها الصيانه صعبه ومشاكلها قاتله, بمعنى انها توقف العربيه فورا مش تمشى حتى وتستر شويه لحد ماربنا يفكها علينا بحد يصلحها, مع انى كنت معجب بالفلوانس وكنت ناوى عليها جديد كمان النسخه اللى تحت الهاى لاين عشان مش بحب الدلع الزياده .
    المهم سيبت الرينو ورحت لقرايبهم فى بيجو, لقيت 307 موديل 2008 عشان شكل جديد مع ان الاقدم تحفه, بس اهو السعر ماشى معانا حلاوه فى نفس الكلام بتاع اخواتها اللى فاتوا, وكمان كان فى مشاكل فى الدينامو الدينامو فى النسخ الاقدم واتحل او قل بعد كده.

    فى عربيه كمان بس انا استبعدتها وهى الفورد فوكاس, ودى ركبتها بتاع سنه وكانت موديل 2006, وبصراحه العربيه حماله قسيه وبهدلتها ومقالتش لا, وكنت بسافر بيها اكتر من الف كم مع توقف مرتين كل مره بتاع ربع ساعه ومشتكتش ماشاء الله بس العربيه مصر شبه منعدمه, مع انى اعرف ناس معاهم الفوكاس بس مسألتش على وضعها لان مشوفتها فى شهر كامل غير مره واحده او اتنين بس فى الشوارع.
    كل دول بيتكلموا من 70 الف مثلا الى 85 الف وحسب الحاله اكيد

    السؤال بقى اللى بيطرح نفسه, لو مكانى تعمل ايه؟
    وهل ممكن تجيب واحده من دول ولا ايه وليه؟


    انا ناوى اشترى خلال شهور قليله, ان شاء الله لما انزل مصر تانى....


  2. #2

    الصورة الرمزية Mohyeldin1974

    رقم العضوية : 129114

    تاريخ التسجيل : 04Sep2012

    المشاركات : 833

    النوع : ذكر

    الاقامة : القاهره/ London

    السيارة: Xxxxxx

    السيارة[2]: Astra cosmo

    دراجة بخارية: no

    الحالة : Mohyeldin1974 غير متواجد حالياً

    افتراضي -

    والله انا فى نفس موقفك تماما مع اختلافات بسيطه
    بس فى راى الشخصى وفى حدود 85 الف تقدر تجيب كورولا 2004 او 5 زى الفل
    عائليه شنطه صالون فخامه سحب اقتصاديه قطع غيار صنايعيه توكيل عاليه عن الارض بياعه تكييف وتابلوه واهم حاجه اقتصاديه فى ظل ظروف البنزين اللى هيغلى فى مصر ده
    انا برشحها لان كان معايا 2006

    ان الله لا يغير ما بقوم حتى يغيروا ما بأنفسهم


  3. #3

    الصورة الرمزية Mohamed.Ramah

    رقم العضوية : 40298

    تاريخ التسجيل : 14May2009

    المشاركات : 5,965

    النوع : ذكر

    الاقامة : Heliopolis- Masr El Gedida

    السيارة: I do not have

    السيارة[2]: لا

    دراجة بخارية: I do not have

    الحالة : Mohamed.Ramah غير متواجد حالياً

    افتراضي -

    نصيحة لحضرتك لان اغلبنا فكر فى كل الحضرتك قولتلة وحصل معانا اكيد من راى لو حابب تشترى مستعمل يبقى بلاش من مصر

    مصر مجتاجة عربية تستحمل المطبات والبهدلة نظرا للشوارع المبهدلة والمطبات المفاجأة والتكسير فى كل مكان فخليك فى الجديد ومتطلعش بالمبلغ لفوق ال 130.000 لان البلد دة خسارة فيها العربيات النضيفة شوف احتياجاتك وفى سيارات حتنزل بداية من 2013 وادفع مقدمة وامرك لله اشترى بالقسط بس دة اضمن واريحلك بكتير من مواضيع التعامل مع الميكانيكية او تاخد عربية وتكتشف عيوبها يوم بعد التانى

    [img3]http://s11.postimg.org/5u651o4eb/bsmlhe41104899dnj0zx5.gif[/img3]


  4. #4

    الصورة الرمزية Hossam_hassan4

    رقم العضوية : 122409

    تاريخ التسجيل : 28Mar2012

    المشاركات : 532

    النوع : ذكر

    الاقامة : Misr

    السيارة: Citroen ds3

    السيارة[2]: Polonez

    دراجة بخارية: no

    الحالة : Hossam_hassan4 غير متواجد حالياً

    افتراضي -

    سوق المستعمل ده واسع اوي :) و الاختيارات كتيره و الفروق في الفلوس طفيفه خاصه في الفئه دي بس انا رايي تجيب حاجه مش ماشيه كتير يعني مثلا فلونس ماشيه بتاع 20000 او 30000. مازدا 3 ماعتقدش مثلا ان فلونس تفرق كتير عن فانتازيا جديده صح ليه تقارنها بa4 موديل 2004 !!!


  5. #5

    الصورة الرمزية seso100100

    رقم العضوية : 42878

    تاريخ التسجيل : 24Jun2009

    المشاركات : 141

    النوع : ذكر

    الاقامة : Alexandria

    السيارة: Skoda Octavia Fantasia

    السيارة[2]: Hyundai Elantra

    دراجة بخارية: NO

    الحالة : seso100100 غير متواجد حالياً

    افتراضي -

    اقتباس المشاركة الأصلية كتبت بواسطة Mohamed.Ramah مشاهدة المشاركة
    نصيحة لحضرتك لان اغلبنا فكر فى كل الحضرتك قولتلة وحصل معانا اكيد من راى لو حابب تشترى مستعمل يبقى بلاش من مصر

    مصر مجتاجة عربية تستحمل المطبات والبهدلة نظرا للشوارع المبهدلة والمطبات المفاجأة والتكسير فى كل مكان فخليك فى الجديد ومتطلعش بالمبلغ لفوق ال 130.000 لان البلد دة خسارة فيها العربيات النضيفة شوف احتياجاتك وفى سيارات حتنزل بداية من 2013 وادفع مقدمة وامرك لله اشترى بالقسط بس دة اضمن واريحلك بكتير من مواضيع التعامل مع الميكانيكية او تاخد عربية وتكتشف عيوبها يوم بعد التانى
    +1


  6. #6

    الصورة الرمزية mohmdabdo

    رقم العضوية : 131286

    تاريخ التسجيل : 14Nov2012

    المشاركات : 7

    النوع : ذكر

    الاقامة : القاهره

    السيارة: جولف

    السيارة[2]: سكودا

    الحالة : mohmdabdo غير متواجد حالياً

    افتراضي -

    السلام عليكم
    اولا مينفعش مقارنه بين الزيرو واي عربيه مستعمله خالص
    رايي الفوكاس انا اتوهمت بالعربيه وكنت فاكر ان قطع غيارها عليا لكن اكتشفت انها زي اللانسر كدا والعربيه تحفه وتقدر تجيب حاله كويسه لانها ملهاش سوق والوكيل الجديد عامل شغل حلو
    التويوتا خصوصا الشكل بتاع 2005 سعرو مبالغ فيه جدا في مصر عشان محبوب اللانسر احسن ممكن تجيب حاله و موديل اعلى
    الاوكتافيا a4 كويسه جدا بس مجربتهاش بس منتشره جدا وقطع غيارها كتير


  7. #7

    الصورة الرمزية تامر.محمد

    رقم العضوية : 5118

    تاريخ التسجيل : 01Feb2008

    المشاركات : 11,185

    النوع : ذكر

    الاقامة : Cairo

    السيارة: Megane II 2010

    السيارة[2]: كانت دايو لانوس1 99 - وزة :)

    دراجة بخارية: none

    الحالة : تامر.محمد غير متواجد حالياً

    افتراضي -

    انا لما لفيت لفتك دي جبت ميجان
    ما كانش الباسات ظهر قدامي فما فكرتش فيها , لكن اظن كنت هاخاف من قطع الغيار
    فكرت في بي ام 316 اول الالفينات , و برده خفت من قطع الغيار

    الميجان انا شايفها متوسط لكل دول لو اعادة البيع مش فافلة معاك اوي , عربية لو صنتها كويس هاتصونك زي ما قالوا لي, ممكن يبقى لها شوية وجع دماغ لكن انا عادي اني اهتم بيها , و رفاهيتها و فخامتها و كمالياتها وثباتها محترمين جدا

    دي خلاصة حسبتي
    ما زغللش عيني اي عربية و انا راكب الميجان الا السيفيك 2010 , كان قدامي بنفس المبلغ ادور على سيفيك 2007 basic , و لقيت الميجان بالنسبة لي افضل عشان الكماليات و الموديل (2010) و الكيلومتر

    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]


  8. #8

    الصورة الرمزية amrelsha3er

    رقم العضوية : 92405

    تاريخ التسجيل : 25Mar2011

    المشاركات : 1,383

    النوع : ذكر

    الاقامة : cairo hurghada

    السيارة: step way

    السيارة[2]: toyota

    دراجة بخارية: i cant :D

    الحالة : amrelsha3er غير متواجد حالياً

    افتراضي -

    انا برضو فى حيرتك وكنت معجب باخت البيرسونا (جين2) بس محصلش نصيب فيها مع انى بجيب زيرو
    بص لو حضرتك هتجيب مستعمل فى رنح الاسعار دى
    انا شايف الانسر البومه 2008 او 2009 1600سى سى عربيه اعتماديه ومفهاش مشاكل وبتاعه سفر وبتاعه شغل
    وكل حاجه وقطع غيارها فى اى حته
    ده احسن ليك من الجديد ولا قسط ولا بنك ولا وجع قلب وعربيه فلوسها فيها يعنى ممكن تبيع متخسرش
    صلى استخاره وسيبها على ربنا واسعى :)

    elsha3er


  9. #9

    الصورة الرمزية samyyousef

    رقم العضوية : 53526

    تاريخ التسجيل : 21Nov2009

    المشاركات : 1,215

    النوع : ذكر

    الاقامة : cairo

    السيارة: brava

    السيارة[2]: opel

    دراجة بخارية: لا يوجد

    الحالة : samyyousef غير متواجد حالياً

    افتراضي -

    ربنا معاك


  10. #10

    الصورة الرمزية memo_sms

    رقم العضوية : 107619

    تاريخ التسجيل : 14Jul2011

    المشاركات : 44

    النوع : ذكر

    الاقامة : Jeddah

    السيارة: Ford Focus

    السيارة[2]: Ford Tours

    دراجة بخارية: نصر ١٢٨

    الحالة : memo_sms غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة Mohyeldin1974 مشاهدة المشاركة
    والله انا فى نفس موقفك تماما مع اختلافات بسيطه
    بس فى راى الشخصى وفى حدود 85 الف تقدر تجيب كورولا 2004 او 5 زى الفل
    عائليه شنطه صالون فخامه سحب اقتصاديه قطع غيار صنايعيه توكيل عاليه عن الارض بياعه تكييف وتابلوه واهم حاجه اقتصاديه فى ظل ظروف البنزين اللى هيغلى فى مصر ده
    انا برشحها لان كان معايا 2006
    الكرولا حلوه طبعا لكنها مش واسعه لما جربتها, وغاليه عشان تويوتا, وبقيت كلام حضرتك موافقك تماما, بس الكرولا مش فى دماغى

    اقتباس المشاركة الأصلية كتبت بواسطة Mohamed.Ramah مشاهدة المشاركة
    نصيحة لحضرتك لان اغلبنا فكر فى كل الحضرتك قولتلة وحصل معانا اكيد من راى لو حابب تشترى مستعمل يبقى بلاش من مصر

    مصر مجتاجة عربية تستحمل المطبات والبهدلة نظرا للشوارع المبهدلة والمطبات المفاجأة والتكسير فى كل مكان فخليك فى الجديد ومتطلعش بالمبلغ لفوق ال 130.000 لان البلد دة خسارة فيها العربيات النضيفة شوف احتياجاتك وفى سيارات حتنزل بداية من 2013 وادفع مقدمة وامرك لله اشترى بالقسط بس دة اضمن واريحلك بكتير من مواضيع التعامل مع الميكانيكية او تاخد عربية وتكتشف عيوبها يوم بعد التانى
    كلام حضرتك مظبوط, بس انا نويت اضغط السعر, ومقدرش على القسط مش بعرف انام وعليا فلوس (ربنا يسد ما علينا كلنا), غير قصص الفوائد والربا وبحس بان قسط العربيات نصب عالى جدااا, عشان كده انا ملتزم بالمبلغ ده

    اقتباس المشاركة الأصلية كتبت بواسطة Hossam_hassan4 مشاهدة المشاركة
    سوق المستعمل ده واسع اوي :) و الاختيارات كتيره و الفروق في الفلوس طفيفه خاصه في الفئه دي بس انا رايي تجيب حاجه مش ماشيه كتير يعني مثلا فلونس ماشيه بتاع 20000 او 30000. مازدا 3 ماعتقدش مثلا ان فلونس تفرق كتير عن فانتازيا جديده صح ليه تقارنها بa4 موديل 2004 !!!
    المستعمل والجديد كمان بقى سوقهم واسع مع دخول العربيات الصينى كمان, والفلوانس بالمواصفات دى مش هتقل عن 100 الف, انا بقارن بحاجتين انا ملتزم بيهم, السعر وعائليه, مع وضع الاحدث والافخم فى الاعتبار واكيد الحاله :)

    اقتباس المشاركة الأصلية كتبت بواسطة mohmdabdo مشاهدة المشاركة
    السلام عليكم
    اولا مينفعش مقارنه بين الزيرو واي عربيه مستعمله خالص
    رايي الفوكاس انا اتوهمت بالعربيه وكنت فاكر ان قطع غيارها عليا لكن اكتشفت انها زي اللانسر كدا والعربيه تحفه وتقدر تجيب حاله كويسه لانها ملهاش سوق والوكيل الجديد عامل شغل حلو
    التويوتا خصوصا الشكل بتاع 2005 سعرو مبالغ فيه جدا في مصر عشان محبوب اللانسر احسن ممكن تجيب حاله و موديل اعلى
    الاوكتافيا a4 كويسه جدا بس مجربتهاش بس منتشره جدا وقطع غيارها كتير
    انا مقارنتش جديد بمستعمل بس انا قولت التدرج الطبيعى للكائن المصرى وهو بيشترى عربيه وهو بينتقل من مستوى لمستوى عشان يجيب عربيه زى اى كائن تانى :)
    وموضوع مقارنه الجديد بالمستعمل بقت وارده جدا الايام دى, يعنى مثلا تجيب العربيات اللى انا قولت عليها (العربيات دى اتوماتيك وياما اعلى فئه او اللى تحتها يعنى مش Basic) ولا تجيب اسبرانزا A11, انا عارف ان الفرق كبير بين الاتنين , بس السعر واحد وده المبلغ اللى معاك هتعمل ايه؟, فكر كده وهتلاقى نفسك محتار

    اما الفوكاس فهى قليله جداا فى مصر وهتلاقى ناس مسمعتش عنها اصلا مع انها عن تجربه تحفه, اما اللانسر البوما فدى من العربيات اللى بحترمها جدا وقعدت معايا فتره وحاطتها اختيار اخير لو زهقت من البحث, بس انا بصراحه عايز اغير لحاجه اعلى شويه, والتويتا زى ما انت قولت مبالغ فيها اللانسر افضل بالنسبه ليه منها

    اقتباس المشاركة الأصلية كتبت بواسطة تامر.محمد مشاهدة المشاركة
    انا لما لفيت لفتك دي جبت ميجان
    ما كانش الباسات ظهر قدامي فما فكرتش فيها , لكن اظن كنت هاخاف من قطع الغيار
    فكرت في بي ام 316 اول الالفينات , و برده خفت من قطع الغيار

    الميجان انا شايفها متوسط لكل دول لو اعادة البيع مش فافلة معاك اوي , عربية لو صنتها كويس هاتصونك زي ما قالوا لي, ممكن يبقى لها شوية وجع دماغ لكن انا عادي اني اهتم بيها , و رفاهيتها و فخامتها و كمالياتها وثباتها محترمين جدا

    دي خلاصة حسبتي
    ما زغللش عيني اي عربية و انا راكب الميجان الا السيفيك 2010 , كان قدامي بنفس المبلغ ادور على سيفيك 2007 basic , و لقيت الميجان بالنسبة لي افضل عشان الكماليات و الموديل (2010) و الكيلومتر
    الميجان جميله, بس محسوكه حسب ما حسيت, لكن فى عربيات بتاعت مرمطه :) انا عايز من دى مش عشان هتتبهدل معايا, لا بس عشان انا متبهدلش معاها, زى قصه البيرسونا عربيه حلوه لكن هتبهدلنى ان عطلت ووقعت فى ايد الوكيل, الميجان وكيلها حلو وده يشفعلها كتير, وتفضل الميجان اختيار موجود ولكن اقلهم.
    هو حضرتك جبت الميجان موديل كام؟ وبكام؟ ومن اد ايه؟ وانه فئه؟ مش مهم تقولى رقمها:)

    اقتباس المشاركة الأصلية كتبت بواسطة amrelsha3er مشاهدة المشاركة
    انا برضو فى حيرتك وكنت معجب باخت البيرسونا (جين2) بس محصلش نصيب فيها مع انى بجيب زيرو
    بص لو حضرتك هتجيب مستعمل فى رنح الاسعار دى
    انا شايف الانسر البومه 2008 او 2009 1600سى سى عربيه اعتماديه ومفهاش مشاكل وبتاعه سفر وبتاعه شغل
    وكل حاجه وقطع غيارها فى اى حته
    ده احسن ليك من الجديد ولا قسط ولا بنك ولا وجع قلب وعربيه فلوسها فيها يعنى ممكن تبيع متخسرش
    صلى استخاره وسيبها على ربنا واسعى :)
    هى اختيار فعلا لكن اخير عشان التغيير مش اكتر, وان شاء الله هصلى استخاره



 
صفحة 1 من 2 1 2 الأخيرةالأخيرة

المواضيع المتشابهه

  1. أوبشن جديد فى الميجان ...... بالنسبة ليا على الاقل :)
    بواسطة figoo2001010 في المنتدى ريــــنو
    مشاركات: 11
    آخر مشاركة: 09-10-2012, 11:26 PM
  2. ارجو المساعده عايز عربيه بــــ 50000 موديل 2005 على الاقل
    بواسطة Elsobky في المنتدى قســـــــــم المقارنــــات
    مشاركات: 3
    آخر مشاركة: 08-08-2012, 11:48 AM
  3. للبيع Htc Lgend مستعمل 7 شهور (بالصور)
    بواسطة ahm_afify في المنتدى نايل موتورز مول
    مشاركات: 3
    آخر مشاركة: 09-06-2011, 02:35 AM
  4. مهم لكل من يريد ان يشترى بايك مستعمل
    بواسطة hondaaaa في المنتدى مختــلف أنواع الدراجات النارية
    مشاركات: 10
    آخر مشاركة: 07-07-2010, 03:48 PM
  5. للى عاوز يشترى مستعمل ادخل اقرا الموضوع ده
    بواسطة masrawy99 في المنتدى المنتــــــدى العـــــــــــام للسيــارات
    مشاركات: 10
    آخر مشاركة: 24-11-2008, 10:02 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2