افضل وارخص نوع زيت للسيارة هيونداى اكسيل 1500 خليجيى
عرض للطباعة
افضل وارخص نوع زيت للسيارة هيونداى اكسيل 1500 خليجيى
ماينفعش يا معلم جنب كلمه افضل تحط ارخص :D
جرب موبل سوبر
Total هو طلبك زيت نضيف جدا و هاتحس بفرق كبير من أول ما تحطة فى عربيتك
سعر الجركن 4 لتر 5000 كم = 57 جنيه
لو عايز أرخص هايكون كالتكس لكن مش بجودة توتال
أنا سامع على إمارات مصر إنه نضيف أوى بس مجرتش لسه ومش أعرف بكام
انا لسة شارى السيارة من 3 شهور ومش عارف صاحب السيارة اخر مرة غير الزيت امتى اعرف ازاى ان الزيت عايز يتغير
مبروك العربية :)
غير الزييت إحنا كده كده فى الصيف و الحر وده لمصلحتك و مش هاتيجى على غيار زيادة بس تحافظ على صحة الموتور
غير علطول و عد لنفسك علشان تبقى فى السليم و انصحك بزيت شل (الجركن الأصفر) ب 65 جنيه و ممكن يقعد 5000 كم انا بغير على 3000 - 3500, وده لينك لموضوع جامد من عمنا سبعاوى عن الزيوت http://www.nilemotors.net/Forum/viewtopic.php?t=167
يعني إنت من يوم ما إشتريت العربية مغيرتش زيت؟؟؟؟؟؟؟؟؟ :?:اقتباس:
انا لسة شارى السيارة من 3 شهور ومش عارف صاحب السيارة اخر مرة غير الزيت امتى اعرف ازاى ان الزيت عايز يتغير
ليييييييييييه كده؟؟؟؟؟؟؟؟؟؟؟؟؟؟ :!:
أول ما تشتري عربية المفروض تغير زيت وفلتر زيت وفلتر هواء من غير ما تسأل
وبعدين تحسب لنفسك حسب نوع الزيت اللى هتستخدمه
لو العربية مبتهربش زيت يعني الموتور نضيف أنصحك تحط زيت النوع اللي عمره 10000 كيلو وكل مرة تغير زيت وفلتر وتريح دماغك
يا اخ بركات غير الزيت بسرعه مش تسيبه كده و كمان غير الفلتر و هات اي نوع زيت و امشي عليه بس زي ما الاخ ميمو قال التوتال كويس و الاخ نادر برضه قال علي لموبيل سوبر(انا بستعمله و كويس جدا) و لو حتجيب كالتكس برضه حلو بس لحد 1500 كيلو بالكتر و تغير و هو ب 27 جنيه باين.
و نصيحه بقي روح غير فلتر هوا و فلتر بنزين و سير كاتينه و سير دينامو و بوجيهات علشان تبقي عارف الحاجه دي اتغيرت اممتي و تغيرها باستمرار و العربيه ما تزعلكش يوم
اعرف ازاى ان العربية مبتهربش زيت