الموضوع: هى مش مقارنه طبعا بس انا عاوز اعرف اسعار الفيات الاونو والابيزا

فكر فى الاسكودا

المشاركة الأصلية كتبت بواسطة shshtawy

عاوز اعرف اسعار الفيات الاونو وموديلاتها وانهى احسن موديل فيها
الابيزا انا عرفت عنها حاجات كتير من انسان محترم جدا ( محمد ابيزا )
بس انا ياجماعه عاوز اجيب عربيه متتعبنيش لافى قطع غيار ولا فى السحب والجرى او البنزين انا عارف ان الابيزا هى الحل لده كله بس انا الناس كلها معترضه عيها مش عارف ليه
بس لى واحد صحبى بس هو الى موافقنى على الابيزا لانه ركبها وانا كمان ركبتها وهى عربيه مشاء الله جميله جدا بس انا المره الوحيده الى ركبتها جابت منى موتور بعد الرست هوس والغريبه ان الشكمان كان بيجيب زيت
بعد كده الميكانيكى قلى ان طرمبه الزيت وقفت وانا مش عارف اى عربيه طربمه الزيت بتاعتها بتقف تجيب موتور انا مش عارف ده عيب فى الابيزا ولا ايه انا كنت مسافر بيها وكان معايا 4 اصحابى اوزان مشاء الله وكنت ماشى بيها 170 وكان سحبها جميل جدا لحد محصل الى حصل وعملتلها عمره كلفتنى 4 الف جنيه وصاحب المعرض شال معايا كمان فى العمره
انا بحب الابيزا بس خايف منها قوى
والاونو عربيه جميله واقتصاديه بس مبتجريش على حسب علمى لانها 1000 سىسى وانا سئلت واحد معاه اونو قلى بلاش لانها مش هتعجبنى فى السحب والجرى انا مش عارف اعمنل ايه ومعايا 35 الف بس ومش قادر اتصرف فى اكتر من كده واستاذ محمد قلى ان 35 مش هيجبوا ابيزا حلوة فايريت حد يوضحلى اعمل ايه
واسف على الاطاله

يا باشا ربنا يخليك :):) ايه الكلام الجميل ده الف شكر ليك:):)

بص يا باشا انت عارف اننا ملاك من الزيرو العربية اللي كانت معاك قطعا قطعا كان في حاجة مش مظبوطة فيها طالما جابت موتور انت بتقول الميكانيكي قالك الطرمبة وقفت يعني دورة الزيت حصل فيها عطل انا معايا العربية عمري ما واجهت مشاكل في الزيت لو كنت واجهت المشكلة كنت بعتها لاني محبش العربية اللي تقرفني انا محبش اعد اعالج في عيوب جوهرية الشركة تنزل عربية وحشة و انا اعالج و ادفع لا ابيع واجيب نضيف لو كان اللي حصل معاك ده عيب فيها و بيحصل مع الناس كلها كنت بعتها فورا انما ده حاجة غير طبيعية و اكيد كانت نتيجة عك حصل في العربية

انما انا اساسا اساسا مجيتش ناحية طرمبة الزيت بتاتا من سنة 1994

طالما انت حابب الابيزا متخافش صدقني لو فيها عيوب جوهرية هعترف بيها و هقول فيها كذا و كذا و اساسا مش هبقي عليها لو فيها الكلام ده لانها ساعتها تبقي عربية تعبانة و لو فيها العيب ده مش هنصحك بيها و اقولك هاتها لانك لو جبتها و طلع فيها العيب الخطير ده هتدعي عليا في كل لحظة تفتكرني فيها و انا راجل عيان و مش ناقص :D:D

35 يجيبولك حالة كويسة معقولة من الابيزا و حظك ان اغلب الناس متعرفش بأن العربية بتجيب مبالغ دلوقتي و ممكن تكون محتاجة حاجات بسيطة تتظبط يعني انما كلمة بجد مني العربية مفيهاش اي عيب جوهري ولا في الموتور ولا العفشة ولا الفتيس ولا الشاسيه بتاتا البته و اللي يقول فيها ييجي يكلمني و اللي بيقولك الابيزا وحشه قوله كده جربت الاول هيقولك لا مجربتش بسمع بس قوله حط لسانك في بقك و بلاش فتي لما تجرب ابقي انطق بعدها

بالنسبة لاسعار قطع الغيار و الصيانة اديني ودنك كده واسمع:D:D

فانوس ادام فاليو تايواني ممتاز:180
علامة s امامية استيراد :60 جنيه
عواكس خلفية استيراد:150 جنيه
اسبراتير الكتروني جديد:1100 جنيه
استيراد من الوكالة:300 من غير اي حاجة
استيراد من دمياط:225
من بورسعيد:200 بالوش بالسلوك بالغطا
طقم عدادات استيراد:350
سلك دبرياج اسباني اصلي:250
طقم بلي عجل ادام:الماني اصلي انتاج meyle الالمانية سعره 230 جنيه
طقم بلي عجل خلفي:الماني اصلي 130 جنيه
طقم تيل ادام:ريمسا اسباني اصلي 110 و في ايراني كمان و ممتاز جدا بس مش فاكر سعره
فلتر هواء valeo اسباني:30 جنيه
فلتر زيت الماني:30 جنيه
طقم بوجيهات:flag الماني بيعدي معايا 80 الف كيلو انا بجيبه لاصحابي بسعر تاني غير سعره خالص و علي فكرة 3 شمعة لو عايز تعرفه اسألني علي الخاص
سير كاتينة:techno الماني حوالي 70 80 جنيه
اولسيهات كاتينة:20 25 جنيه تقريبا
العربية بتاخد بنزين 90
بتاخد زيت موتور توتال كوارتز:70 جنيه 5000 كيلو بس انا ساعات بوصله 12000 كيلو
سعر العربية نفسها بيتراوح ما بين 34-37 الف للحالات العادية
37-40 الف للحالات الكويسة
40-41 حالات نضيفة جدا
41-45 الف و محدش يقولي مش موجود الارقام دي عشان 2 وقعوا تحت ايدي بالاسعار دي بس بيبقوا بتكييف و بحالة الفابريقة من الاخر بيعرقوا ميه من الشكمان يعني عربيات لسه ممشيتش اصلا

اي حاجة عايز تعرفها راصلني علي الخاص او هنا و نمرتي 0111217894 عشان انا احتمال اسافر بكره

المشاركة الأصلية كتبت بواسطة mexmarine

انا مع محمد إبيزا مع انى محمد و كان عندى إبيزا برضه D;
بص يا باشا يمكن محمد عنده فكره عن قطع الغيار لانها عنده اول يد من 94
لكنى ركبتها 3 سنين و بعتها و من 3 شهور ومن ساعتها مش عارف أرسى على عربيه تانيه بس لو لقيت منها تكييف و حاله زى ما محمد بيقول عليها هشتريها بإذن الله
انا ركبتها ثلاث سنين و لم اغير شيئ غير موبينه اتوماتيك ب 200 استيراد
و فانوس خلفى بـ 85 استيراد اسبانى اصلى و عواكس خلفيه بـ 150 جنيه
و زيت و بنزين بس , عربيه محدش يتجرأ و يعديك داخل البلد و استجابه فى السرعه ليست فى اى عربيه اخرى اما خارج البلد فسرعتها القصوى بأربعة افراد 150 كيلو
و لوحدك ممكن 160 كيلو ,, المهم شرط الحاله لانها عربيه مغريه و شقيه جدا و اللى ركبينها بيتحولوا بداخلها(مش عارف ليه) اما الاونو فهى وضع اخر , اقل من 1000 سى سى و حدود اخرى و ان كانت ارخص فى قطع الغيار و نصيحتى لك لو نزلت السوق ووجدت اونو و ابيزا (خد الانضف و الاحدث) و تمنياتى الطيبه

و شهد شاهد من اهلها :):)

كمان يا باشا كانت حالتها معقولة اللي بتجيب 150 بأربع افراد انا عربيتي مع انها لسه في عزها بس ايام ما كانت احسن من كده كمان كانت بتنط علي 170 مرتاحة وعملناها كتير يعني و مش اخرها كده بتعدي السرعة دي كمان و طالما كان معاكا ابيزا يبقي عارف انها اعنف مكنة 1300 سي سي ممكن تركبها و مبتحسش انها 1300 و جوا البلد الرخامة بيها علي المكروباصات و العربية التانية الاحدث منك اللي فاكر نفسه كدهبتبقي ممتازة في المواقف دي :D:D:D عربيتي و حافظها بقي :)
وعلي فكرة 99% من اسعار القطع انا عارفها من باب المعرفة انما مغيرتش الكلام ده اصلا غير حاجات خفيفة نسيت اقولك ان في توكيل meyle جوز المساعدين الالماني الاصلي ب 850 جنيه مساعدين ادام