هو أنت ليه معدتش بتتقبل الاخر معدتش بتتقبل المختلف عنك ؟

هو أنت ليه معدتش بتتقبل الاخر معدتش بتتقبل المختلف عنك ؟

بجد أيه حالة الاستقطاب اللي بقينا فيها دي حتي هنا في المنتدي كلنا مختلفين مع بعض ما طول عمرنا كننا مختلفين عن بعض كل واحد فينا ليه مذهبه في الحياه ليه بقينا ( متطرفين ) في فكرنا وبقينا نفكر اننا ( نحتكر ) الحقيقه وحدنا وأنه الاخر دا ولا بيفهم حاجه أصلا يعني الجماعه الاسلاميين مثلا المفروض يتسموا بالسماحه والخلق والتدين الحقيقي ( الجوهر ) وليس ( المظهر ) طبعا ليس كلهم هكذا ولكن البعض الذي يقوم بالسباب والانفعال علي ابسط الاختلافات معه وغالبا ما نري اكثر المنتسبين للمتدينين يقومون بالسباب والاهانات في تعليقاتهم علي المواقع الاجتماعيه تحت شعار ديني يعني بعد ما يقوم بتجريحك واهانتك يذكر لك أيه قرأنيه تدل علي انك وجهه نظرك التي تحتمل الصواب والخطأ هيا كفر وانك عدو الاسلام وعدو الدين وعدو الله ويعتقد أو يكاد يجذم انه لو قتلك الان سوف يدخل الجنه من أوسع الابواب رغم أنه من الممكن ان يكون الشخص المكفر هذا عند الله افضل ( ليه أي نقد لاي حاجه يؤدي بصاحبه الي التهذيئ والاهانه ) يعني انا ممكن اقول وجهه نظر مختلفه تماما عن حضرتك ( صادمة ) ليك تكون النهايه المنطقيه يا تتوقف من المنتدي او تتهان من بعض الاشخاص لمجرد انك اختلفت عن الجموع
طب انا هقولك حاجه ( صادمه ) المختلفين عنك دول هما اللي بيصنعو الحضاره تخيل
معظم او اغلب الناس اللي تفكيرها غير نمطي وتقدر تقول غير منطقي نوعا ما بالنسبالك صنعو تاريخ للامم زي اينشتين وارسطو وسقراط وغيرهم كتير من العلماء اللي غيرو في حياة الناس
طبعا مش كل مختلف عنك بالضروره عالم زره ولكن الامم بتتقدم بالخيال والافكار المختلفه والفكره وعكسها ومناقشه كافه الاشياء حتي اللتي يخجل الناس من مناقشتها وبيصنفوها علي انها عيب وضد الدين ولكن السؤال اللي محيرني بجد وقاهرني
هو أحنا ليه معندناش ثقافه تقبل المختلف عنك ( في الدين ) ( في الفكر ) ( في اي حاجه ) يا راجل دا لو مثلا يعني انت مسلم وأنا مسلم وقولتلك اني مبصليش ( أنت تجاهر بالمعصيه ) اعوز بالله منك دا انا مقولتلك اني مختلف عن دينك يا راجل انا علي نفس المله ولكني مش ملتزم فيها زي بالظبط المسيحي اللي مبيروحش الكنيسه ليه مبنتقبلش بعض وبنحاسب بعض وبنحكم علي بعض بالمظاهر يعني انا لو بروح الجامع وبصلي الفرض بفرضه تمام كدا طب أيه رأيك أني باخد رشوه ؟ ولا أيه رأيك اني بتحرش بالبنات في الشارع ؟ ولا أيه رأيك اني بسرق الغلابه ولاأيه رأيك اني مسئول مهم وبطلع قرارات تحارب الناس في قوتها وفي صحتها وعافيتها ها طالما انا بتصور في الجامع في صلاة الجمعه والكاميرات قدامي وورايا يبقي انا كدا عجبتك معلومه بس ( دا اسمه نفاق ) علشان الصلاه دي بين العبد وربه والتدين الحقيقي مش بالمفاخره بأني بصلي وانتو مبتصلوش وحشين أنتو تعرفو ايه عن صلاة الفجر اللي هيحاسبنا كلنا فوق في السماء وليس عبد علي الارض هيحكم عليا ويحاسبني ولا يمكن بحال من الاحول تدخل شخص كائن من كان في تديني أو التزامي أو يحاسبني اذا كنت بصلي الفجر ولا معرفش حاجه عنها ( طبعا دا كلام تخريف وجهل ) دي وجهه نظر حضرتك وانا احترمها جدا واقدرها كمان ولكن هل أنت تحترم وجهه نظري ولا تتدخل في شئوني ؟ أشك !!!
وبعدين بلاحظ حاجه تعباني نفسيا في الوعاظ بتوع الجامع الله أم اهللك فلان الله أم عليك بهم الله أم .... كتير بقي من دا ----- هو فيه أيه أيه ياعم الحقد والغل اللي بتبثه للناس دا في صلاة الفجر والناس بتقول أمين فين المحبه والتسامح ؟
أتمني متوقفش تاني بسبب الموضوع دا !!!

لو كملنا سير في طريق الضلال هذا لن نفيق الا بالطريقه الصعبه

سلام عليكم
مع اتفاقي معاك الا اني شايف انك غير موفق في اختيار المثال

اقتباس:

---

مثلا يعني انت مسلم وأنا مسلم وقولتلك اني مبصليش ( أنت تجاهر بالمعصيه ) اعوز بالله منك

---

المجاهر بالمعصية هو اللي بيقولها عااااااااادي كأن مفيش حاجة مش بيقولها و هو ندمان عليها , فلو انت الحالة التانية فده واحد مش مختلف (على حد علمي) , اما لو انت الاولاني فماتجيش تبقى بتعمل حاجة غلط و تقول لي انا مختلف , ما الحشاش لامؤاخذة بيقول برده انه مختلف و المتحرش كمان

و الكلام طبعا تعليقا على المثال مش على شخصك

لأننا لسة مش متعودين على تعدد الآراء
لسة ماشيين بالقصور الذاتي من عصر الرأي الأوحد
..
مسألة وقت لا أكثر
والوقت في عمر الأمم مش بالشهور .... بالعقود

أحد الأسباب المهمه هو عدم وجود ثقافه الإختلاف فى الرأى عندنا من الأساس
إلا من رحم ربى .
والكلام دة فى العموم بصرف النظر عن أى إنتماء سياسى أو دينى أو إجتماعى
يعنى إحنا بنرفض فكرة إن حد يختلف معانا فى الرأى ودة نتيجه موروثات قديمه جدا .
هتلاقى الصفه دى تقريبا عندنا كلنا لكن بنسب وفى مواقف مختلفه .
هتلاقيها حتى فى أبسط صورها حتى داخل البيت الواحد فى محيط الأسرة الواحدة .
العقيدة الموجودة عند كتير مننا هى إن رأيه هو الصح ومجرد فكرة انك تختلف معاة فى الرأى دة فى حد ذاته غلط من وجهه نظرة ومش هيتقبل حتى المناقشه معاك حتى لو رأيك صح وهو غلط . هو من الأساس رافض الفكرة .
فمن المؤكد مش هيكون عندنا تعدد للأراء بشكل منظم لازم نتغير ودة محتاج وقت طويل .

اقتباس:

---

المشاركة الأصلية كتبت بواسطة khaled_legend

لو كملنا سير في طريق الضلال هذا لن نفيق الا بالطريقه الصعبه

---

بالظبط هو دا اللي انا بتكلم عنه طريق الضلال الله يفتح عليك حضرتك شايف انه كلامي ده ضلال هو ده بالظبط اللي أنا بتكلم فيه بغض النظر عن مدي أختلاف كلامي عن المألوف لحضرتك أو ماتراه صحيح من وجهه نظرك فحضرتك شايف انه دا ضلال فين بقي الصدر الرحب وفين المناقشه والمجادله بالمنطق وبالفكره ولا ذي فيلم عادل امام ( لا تناقش ولا تجادل يا أخ علي )
فيه حاجه غلط عندنا في تفكيرنا وأنا مقصدش حضرتك طبعا انا بتكلم في العموم أي حد مختلف عنك وعن اللي أتعلمته وأقصد هنا الثوابت عند الشخص علي طول يا شاذ يا ملحد يا علماني يا ليبرالي يا كافر رغم اني اعتقد ان الحكايه مش كدا خالص الحكايه انه فيه غلو في الخطاب الديني للناس فيه بعض الوعاظ الجدد بيعطو افكار متشدده للناس البسيطه في العلم فبياخدوها زي ما هيا من غير اي تفكير ولو بسيط في مدي صحتها ومدي وجودها فعلا في الدين بنفس المقصد المتشدد أم لا
زائد أنه فيه قاعده في الغرب ليا اصدقاء غربيين بتقول ايه ( Do not judge, or you too will be judged )
متحكمش علي حد ودي اسمها freedom الحريه واللي جايه منها democracy الديمقراطيه وبالتأكيد احنا في سنه أولي ديمقراطيه

اقتباس:

---

المشاركة الأصلية كتبت بواسطة تامر.محمد

سلام عليكم
مع اتفاقي معاك الا اني شايف انك غير موفق في اختيار المثال


المجاهر بالمعصية هو اللي بيقولها عااااااااادي كأن مفيش حاجة مش بيقولها و هو ندمان عليها , فلو انت الحالة التانية فده واحد مش مختلف (على حد علمي) , اما لو انت الاولاني فماتجيش تبقى بتعمل حاجة غلط و تقول لي انا مختلف , ما الحشاش لامؤاخذة بيقول برده انه مختلف و المتحرش كمان

و الكلام طبعا تعليقا على المثال مش على شخصك

---

أخي العزيز أسف لو ضايق حضرتك المثل دا ولكني كنت قاصد انه يكون غليظ شويه علشان اشوف رد الفعل في تقبل الاخر اللي هو مش أخر قوي بالنسبالنا يعني مثلا هو ليس عبد ولا زنجي ولا بوزي او هندوسي ولا بهائي ولا سيخي
الذي يعبد اشياء اخري دون الله ودول منهم كتير قوي في الغرب ومع ذلك الدولة تحتوي الجميع دون تفرقه او تمييز انما عندنا هنا لازم تكون مسلم سني لتصبح مواطن عادي اما لو كنت غير ذلك فحدث ولا حرج علي ما تفعله الدوله فيك لاختلافك عن الجموع ( ثقافة الجماعه )

اقتباس:

---

المشاركة الأصلية كتبت بواسطة aif

لأننا لسة مش متعودين على تعدد الآراء
لسة ماشيين بالقصور الذاتي من عصر الرأي الأوحد
..
مسألة وقت لا أكثر
والوقت في عمر الأمم مش بالشهور .... بالعقود

---

اقتباس:

---

المشاركة الأصلية كتبت بواسطة alaa74

أحد الأسباب المهمه هو عدم وجود ثقافه الإختلاف فى الرأى عندنا من الأساس
إلا من رحم ربى .
والكلام دة فى العموم بصرف النظر عن أى إنتماء سياسى أو دينى أو إجتماعى
يعنى إحنا بنرفض فكرة إن حد يختلف معانا فى الرأى ودة نتيجه موروثات قديمه جدا .
هتلاقى الصفه دى تقريبا عندنا كلنا لكن بنسب وفى مواقف مختلفه .
هتلاقيها حتى فى أبسط صورها حتى داخل البيت الواحد فى محيط الأسرة الواحدة .
العقيدة الموجودة عند كتير مننا هى إن رأيه هو الصح ومجرد فكرة انك تختلف معاة فى الرأى دة فى حد ذاته غلط من وجهه نظرة ومش هيتقبل حتى المناقشه معاك حتى لو رأيك صح وهو غلط . هو من الأساس رافض الفكرة .
فمن المؤكد مش هيكون عندنا تعدد للأراء بشكل منظم لازم نتغير ودة محتاج وقت طويل .

---

شكلها هتطوول قوي مع الاسف أنتقلنا من الاستبداد السياسي للفاشيه الدينية

والله انا حاسس اني هتوقف تاني والله انا بنتقد وبعبر عن وجهه نظري بس مش أكتر مش بفرضها علي حد ووجهه نظري دي اصلا غلط تحتمل الصواب وليست صواب تحتمل الخظأ فيا ريت يكون صدركو رحب بيها

اقتباس:

---

المشاركة الأصلية كتبت بواسطة kok3

أخي العزيز أسف لو ضايق حضرتك المثل دا ولكني كنت قاصد انه يكون غليظ شويه علشان اشوف رد الفعل في تقبل الاخر اللي هو مش أخر قوي بالنسبالنا يعني مثلا هو ليس عبد ولا زنجي ولا بوزي او هندوسي ولا بهائي ولا سيخي
الذي يعبد اشياء اخري دون الله ودول منهم كتير قوي في الغرب ومع ذلك الدولة تحتوي الجميع دون تفرقه او تمييز انما عندنا هنا لازم تكون مسلم سني لتصبح مواطن عادي اما لو كنت غير ذلك فحدث ولا حرج علي ما تفعله الدوله فيك لاختلافك عن الجموع ( ثقافة الجماعه )

---

ما ضايقنيش ولا حاجة :) , انا بس حبيت اوضح انه غير منطبق على اللي عايز تقوله
بالنسبة لنقطة الديانات و المذاهب المختلفة في الدولة فالموضوع كبير جدا و محتاج لدراسة مستفيضة و خارج مبدأ المكاسب السياسية , و ده شبه مستحيل الا بعد استقرار الاوضاع

اقتباس:

---

المشاركة الأصلية كتبت بواسطة kok3

شكلها هتطوول قوي مع الاسف أنتقلنا من الاستبداد السياسي للفاشيه الدينية

---

انا على فكرة مستغرب من نقطة الفاشية الدينية اللي ناس كتير بيقولوها , و انا مش شايف اوجهها ... مش فاهم ليه بجد و ايه اوجه الفاشية الدينية اللي احنا عايشين فيها دي !

الى صاحب الموضوع
سيادتك اتكلمت عن الاستقطاب
ولم تبرز غير الاسلاميين اين بقية المستقطبين واكثرهم
وذكرت ايضا عدم وجود ثقافة الاختلاف وايضا لم تظهر غير الاسلاميين
اذا كان يجب ان يكون عنوان الموضوع
الاستقطاب والتخلف والفاشية للاسلامين
لاني مفهمتش غير كدة من موضوعك
واخيرا ختمتها وقولت الفاشية الدينية
وانا لم ارى الاشية الدينية
غير في قنوات لميس وعمرو وريم
تحياتي

اقتباس:

---

المشاركة الأصلية كتبت بواسطة kok3

احنا في سنه أولي ديمقراطيه

---

إحنا فين و سنه اولى فين !! :7_9_6v[2]:

احنا لسه بنحبى ... :babyroll:

السلام عليكم
اتفق تماما مع الزميل Mahmoudysf.حضرتك ركزت علي الاسلاميين .وانا اصلا ضد هذه التسمية كأن غيرهم مش مسلمين.الاعلام صاحب هذه التسمية.هل كل الفصائل الاخري يتقبلون الرأي الاخر؟ طبعا ليس كلهم. وهل هم غير متطرفين؟ ايضا ليس كلهم.
اذا كما حكمت حضرتك علي المحجبات من قبل,حكمت علي الاسلاميين كما تسميهم بنفس الطريقة.يعني حضرتك فعلت ما تشتكي انت منه و هو عدم تقبل الاخر.
اريد ان اوضح وجهة نظري اولا بشكل عام و هي انني لا احكم ابدا علي فصيل بأكمله ولا شعب و لا فئة معينة و لا اي مجموعة افراد يمثلون اي اتجاه الا اذا اعلنوا جميعهم عن رأي معين أو موقف معين.أو احيانا يكون معظمهم له صفات معينه كبعض الشعوب و لكن ايضا ليس كلهم بشكل مطلق.
ولا أحكم علي اي دين من خلال من يدينون به و لكن من خلال تعاليم هذا الدين.فالاسلام و المسيحيه ينهون عن السرقة و القتل و يأمرون بالخير و حسن المعاملة و التسامح ولكن كم من مسلم او مسيحي سارق او قاتل؟ هل المشكله في الدين ام في من يدينون به؟.
مثلا الحجاب و الصلاة فرض في الاسلام مع باقي التعاليم و الاوامر و النواهي .هل معني هذا ان المحجبة او المصلي اللذان لا يتبعان بعض الاوامر الاخري او يفعلون بعض النواهي ان المشكله في الحجاب او الصلاة أم في الاشخاص انفسهم؟
كل انسان مسئول عن افعاله و يحاسب عليها ولا يجب ان نقول لاحد مثلا(مش نافعك صلاة و لا صيام) بل ربما يتوب الله عليه يوما فيحسن اسلامه و ننصحه بالمعروف.اذن انا مثلا مسلمة مطلوب مني ان اتبع تعاليم ديني من صلاة و صيام و حجاب ...الخ.الافضل أن افعل كل ما استطيع فعلة لارضي الله.المظهر مع الجوهر.المظهر ليس كل شئ ولا نحكم علي احد بمظهره و لكنه مثل غيره من الاوامر.مثلا هل يعقل ان تذهب الي عملك او كليتك منكوش ,ترتدي قميص مكرمش و غير مهندم وتقول انا شاطر و من الاوائل او موظف ممتاز و المظهر ليس كل شئ؟ لماذا لا نجمع بين كل شئ.
يا اخي الفاضل ان الانسان جسد و روح و كل له غذاءه. غذاء الجسد الطعام و الشراب ليعيش و غذاء الروح العبادات من صلاة و دعاء و صيام. صدقني من يركز في الصلاة و يخلص النية ستنهاه صلاته عن الفحشاء و المنكر.و كذلك من يعرف ان الصيام عن المنكرو تقوية الارادة لاطاعة اوامر الله هو الهدف من الصيام و ليس فقط ترك الحلال من طعام و شراب.
لا يضيرنا اذا كنت تصلي ام لا و لكن ترك الصلاة ليس شيئا للتفاخر او حتي فيه اختلاف رأي.اذن فيم نختلف؟ انا لا افهم مسأله الخلاف في الرأي في امر كالصلاة .هذه عبادة بين العبد و ربه.انت حر
هل تشك مثلا ان الصلاة فرض؟ لا اعتقد لان الفروض لا خلاف بين العلماء عليها فهي و الصيام و غيرهم من الفروض واضحة في القران و السنة. هل تعرف اركان الاسلام الخمس؟الشهادتين,الصلاة الصيام, الزكاة (لمن امتلك النصاب) الحج (لمن استطاع اليه سبيلا)
الخلاف ممكن في الاراء السياسية .في القوانين الحاكمة.....لكن في ثوابت او اساسيات الدين.كيف؟
نصيحة ليس لها علاقة بمسألة الخلاف في الرأي لا تحرم نفسك من مناجاة الله..الله هو من خلقنا و هو الذي يعرف ما ينفعنا و في كل العبادات فوائد لا حصر لها في الدنيا ايضا و راحة نفسية كبيرة و شكر العبد لربه .أعتقد انك قرأت عن اكتشاف علماء غير مسلمين لفوائد العبادات كحركات الصلاة التي هي رياضة و السجود في اتجاه القبلة التي هي مركز العالم يمنع الخرف و يخلص الجسد من الشحنات الزائدة(قرأت ان هذه دراسة يابانية).الصيام فوائده كثيرة نسمعها كل عام في رمضان من الاطباء المصريين. هذا غير السنن و احاديث النبي عن الطعام و الشراب و النوم .اسفة للاطالة و خروجي عن الموضوع