قطع غيار

**ahmad_salama** · 13-11-2012 11:45 PM

لمبه سيرفيس بتنور ساعة الدوارة (بتغيب) وبعد مالعربيه تدور بتطفي مش عارف ده طبيعي ولا لاء
والعربيه مبرجله في السلانسيه وفي المشي ف احطها ع كمبيوتر ولا ده ممكن يكون سببه ايه ؟

**ahmad_salama** · 14-11-2012 12:05 AM

المشاركة الأصلية كتبت بواسطة eng.geo

محمد السيد في منزل كوبري الدقي جنب سمير وعلي علي طول

ده جنب سمسمه ؟؟

**ahmad_salama** · 14-11-2012 12:07 AM

المشاركة الأصلية كتبت بواسطة algazar2

هتجيب كاتينه و بليه و شداد جيتس - طقم سيور - بوجيهات - فلاتر ( زيت - هواء - بنزين ) - تغير زيت طبعا
تغير زيت الباور و الباكم و زيت الفتيس و مياه الريدياتير

اقرب مكان للمهندسين يبقى ابو الحسن فى بين السرايات معرفش فين بالظبط استاذ ممدوح يقولك بالظبط
او المنير فى اول فيصل بس احتمال يبقى قافل عنده حاله وفاه

شكرا يا كبير :)

**ahmad_salama** · 14-11-2012 12:08 AM

المشاركة الأصلية كتبت بواسطة eng.geo

ابو الحسن
قدام جامعة القاهرة في شارع المرور جنب المدينة الجامعية

شكرا يا باشا :)

**MMamdouh** · 14-11-2012 03:01 AM

المشاركة الأصلية كتبت بواسطة Ahmed Nasser

انا اعرف ان لمبة التشك لما تنور يبقى مافيش مشكلة
بيبقى فى حساسات مثلا زى حساس الشكمان بيدى قريات مش مظبوطة
ومع ذلك لمبة التشك مش بتنور

لو غلط فى حاجة ياريت حد يقولى

الكونترول بيسجل خطاء لما يلاقى حساس مش شغال او مدى قراية خارج المدى الطبيعى بتاعة... غير كدة مش هيسجل عطل ولا يشغل لمبة لتشك

مثال على كدة تلف حساس الحرارة بتاع مية التبريد... احيانا الحساس يفقد حساسيتة و يبقى مثلا قارى ان المية حرارتها 30 مع ان الحرارة الحقيقية 70 او 80... بالنسبة للكونترول هو شايف ان الحساس شغال و مدى قراية فى المدى الطبيعى لشغلة بالتالى اللمبة مش هتنور خالص

نفس الكلام بالنسبة لحساس الشكمان... المفروض قرايتة بتتغير بين 200 الى 900 او فى الحدود دى... لما بيبقى فيه حساس تعبان ممكن القراية تبقى بين 400 الى 600 فقط و هنا برضة الكونترول شايف ان الحساس شغال و بيدى قراية فى حدود المسموح بيها

الحالات دى بيبقى مفيد وضع العربية على سكانر و متابعة القرايات و مقارنتها بالوضع الحقيقى للعربية... يعنى مينفعش عربية لسة جاية من مشوار و قراية مية التبريد 40 او تبقى العربية دايرة اكتر من ربع ساعة و قراية حساس الشكمان بين 300 و 400 فقط

MMamdouh

**ahmad_salama** · 14-11-2012 09:18 AM

طيب هو انا دلوقتي وقبل ما اغير اي حاجه عندي شوية المشاكل دي :
1. العربيه ع السلانسيه مبرجله ساعات بتوطي لدرجه اني بحس انها هتبطل
2. الدوارة بتاخد حوالي 5 ثواني مارش مع دخان اسود مع ريحه بحسها ريحة شياط اكتر منها ريحة بنزين
3. ريحة الشياط دي بتستمر معايا مش بتروح ومعرفش الدخان الاسود مستمر ولا لاء
4. او كبست بنزين تنتش انما لو شلت رجلي وسايست بنزين تسحب حلو اوي
5. من يومين روحت مشوار صغير بتاع 3 او 4 كيلو كده وروحت مبطل العربيه وجيت ادورها علي طول مارديتش تدور. المارش كان بيعتل كان البطاريه فاضية مع ان البطاريه جديده وفي الضمان وكنت اجرب النور العالي مع الكاسيت مع نور الصالون كانو بيبقو شغالين. جربت ادور حوالي 5 او 6 مرات وكانت لمبه سيرفيس منورة هي ولمبه البطاريه بعد كام محاولة العربيه دارت عادي من غير تعتيل من المارش.

ياريت تطمنوني وتقوليلي ابص علي ايه بالظبط علشان هبدا من انهارده انشاء الله صيانة العربيه

**MMamdouh** · 14-11-2012 03:56 PM

الرشاشات بتسيل وغالبا عندك مشكلة فى دورة التبريد

MMamdouh

**MMamdouh** · 14-11-2012 06:39 PM

حسب اللى قولتة العربية مرضيتش تدور بعد ما سبتها شوية فا ممكن يكون فية سخونية زائدة خللت الموتور تقيل فى الدوارة و لما الموتور برد شوية دارت

دا احتمال بعيد و متبداش تحفر واره الا لو القصة دى بتتكرر كل ما تبطل العربية

MMamdouh