يا جماعه لسه جايب العربيه وعاوز اعملها طقم سيرفيس
اولا اجيب ايه بالظبط
ثانيا اقرب حد للمهندسين اجيب منه وياريت يكون حد ثقة وحاجته كويسة
عرض للطباعة
يا جماعه لسه جايب العربيه وعاوز اعملها طقم سيرفيس
اولا اجيب ايه بالظبط
ثانيا اقرب حد للمهندسين اجيب منه وياريت يكون حد ثقة وحاجته كويسة
نسيت اقول ان العربيه نوبيرا 1 موديل 97 مانوال
هتجيب كاتينه و بليه و شداد جيتس - طقم سيور - بوجيهات - فلاتر ( زيت - هواء - بنزين ) - تغير زيت طبعا
تغير زيت الباور و الباكم و زيت الفتيس و مياه الريدياتير
اقرب مكان للمهندسين يبقى ابو الحسن فى بين السرايات معرفش فين بالظبط استاذ ممدوح يقولك بالظبط
او المنير فى اول فيصل بس احتمال يبقى قافل عنده حاله وفاه
ارشادات جميله ... تحيه لأجمل منتدى سيارات .
ابو الحسن
قدام جامعة القاهرة في شارع المرور جنب المدينة الجامعية
وفيه كمان الفؤاد في ش السوادن ابراج الشرطة
وقصادة الناحية التنية مكة
طيب عاوز اعمل ع العربيه كمبيوتر سكان علشان اتاكد ان كل حاجه شغالة بشكل سليم
حد يعرف مكان كويس قريب برضو من المهندسين ؟؟
ملهاش لازمه تعمل سكان طالما ان لمبة التشيك مش بتنور!
لمبه سيرفيس بتنور ساعة الدوارة (بتغيب) وبعد مالعربيه تدور بتطفي مش عارف ده طبيعي ولا لاء
والعربيه مبرجله في السلانسيه وفي المشي ف احطها ع كمبيوتر ولا ده ممكن يكون سببه ايه ؟
الكونترول بيسجل خطاء لما يلاقى حساس مش شغال او مدى قراية خارج المدى الطبيعى بتاعة... غير كدة مش هيسجل عطل ولا يشغل لمبة لتشك
مثال على كدة تلف حساس الحرارة بتاع مية التبريد... احيانا الحساس يفقد حساسيتة و يبقى مثلا قارى ان المية حرارتها 30 مع ان الحرارة الحقيقية 70 او 80... بالنسبة للكونترول هو شايف ان الحساس شغال و مدى قراية فى المدى الطبيعى لشغلة بالتالى اللمبة مش هتنور خالص
نفس الكلام بالنسبة لحساس الشكمان... المفروض قرايتة بتتغير بين 200 الى 900 او فى الحدود دى... لما بيبقى فيه حساس تعبان ممكن القراية تبقى بين 400 الى 600 فقط و هنا برضة الكونترول شايف ان الحساس شغال و بيدى قراية فى حدود المسموح بيها
الحالات دى بيبقى مفيد وضع العربية على سكانر و متابعة القرايات و مقارنتها بالوضع الحقيقى للعربية... يعنى مينفعش عربية لسة جاية من مشوار و قراية مية التبريد 40 او تبقى العربية دايرة اكتر من ربع ساعة و قراية حساس الشكمان بين 300 و 400 فقط
MMamdouh
طيب هو انا دلوقتي وقبل ما اغير اي حاجه عندي شوية المشاكل دي :
1. العربيه ع السلانسيه مبرجله ساعات بتوطي لدرجه اني بحس انها هتبطل
2. الدوارة بتاخد حوالي 5 ثواني مارش مع دخان اسود مع ريحه بحسها ريحة شياط اكتر منها ريحة بنزين
3. ريحة الشياط دي بتستمر معايا مش بتروح ومعرفش الدخان الاسود مستمر ولا لاء
4. او كبست بنزين تنتش انما لو شلت رجلي وسايست بنزين تسحب حلو اوي
5. من يومين روحت مشوار صغير بتاع 3 او 4 كيلو كده وروحت مبطل العربيه وجيت ادورها علي طول مارديتش تدور. المارش كان بيعتل كان البطاريه فاضية مع ان البطاريه جديده وفي الضمان وكنت اجرب النور العالي مع الكاسيت مع نور الصالون كانو بيبقو شغالين. جربت ادور حوالي 5 او 6 مرات وكانت لمبه سيرفيس منورة هي ولمبه البطاريه بعد كام محاولة العربيه دارت عادي من غير تعتيل من المارش.
ياريت تطمنوني وتقوليلي ابص علي ايه بالظبط علشان هبدا من انهارده انشاء الله صيانة العربيه
الرشاشات بتسيل وغالبا عندك مشكلة فى دورة التبريد
MMamdouh
انا غيرت فلتر البنزين والهوا دلوقتي لاقيت التنتيشه اختفت الحمد لله والعربيه بقي سحبها هايل جدا
بالنسبه للرشاشات ان شاء الله انا ناوي اغيرهم كده كده علشان خاطر المشكال الكتير الي سمعتها عن الرشاشات وعلشان عندي اعراض مشاكلها
بالنسبه لدوره التبريد يا ممدوح انت ليه بتقول ان فيها مشكله ؟؟ وابص علي ايه فيها ؟
حسب اللى قولتة العربية مرضيتش تدور بعد ما سبتها شوية فا ممكن يكون فية سخونية زائدة خللت الموتور تقيل فى الدوارة و لما الموتور برد شوية دارت
دا احتمال بعيد و متبداش تحفر واره الا لو القصة دى بتتكرر كل ما تبطل العربية
MMamdouh
لو ريحة الشياط دى لما العربيه بتبقى سخنه او لما تشغل التكييف ممكن تكون المروحه بتاعه الريدياتير قفشت و الشياط ده من الماتور حصلت معايا و مش لاقيلها ماتور و مش لاقيها جديده :)
غير كده ممكن حاجة فى الكهربا ساحت او كيس بلاستك جه على الشكمان و الريحة دى منه
بص تحت العربيه كده لو فى حاجة لازقة فى الشكمان و اهم حاجة تكون غيرت الكاتينه و البليه
في حاجه برضو : عداد الحرارة مش شغال ومبصتش ع المروحه اشوفها بتشتغل ولا لاء
شغل التكييف و انت واقف المروحتين هيشتغلوا لو ما اشتغلوش يبقى كده فيه حاجة غلط
امبير الحراره واقف يبقى فى حاجة غلط حساس حراره بايظ العداد بايظ فيه حاجة غلط لازم تخلى كهربائى يبصلك عليها عشان دى حاجة مهمه هيه و لمبه الزيت لازم يبقوا شغالين تمام عشان العربيه متعملش معاك الدنيئة
و لو المروحة فيها حاجة هتلاقيها باينه تحت المروحة من الحوض من جوه على الكارتيره الى جنب الشداد الى قدام
لاحظت ان الامبير ساعات بيشتغل وساعات لاء ف غالبا هيكون حساس هبقي اخلي كهربائي يتاكد
بس اتاكدت انهارده ان المروحه بتشتغل عادي الحمد لله بتاعة الردياتير.
هو الحساس ده يعملو كام ؟؟
معنديش فكره عن سعره
استاذ ممدوح يفيدك اكتر منى
في انتظار رد الاستاذ ممدوح
25 جنية
MMamdouh
للاسف طلع العيب ف امبير الحرارة وبدور علي عداد دلوقتي :(
لازم اي عداد قديم اخد منه الامبير او اني اجيب عداد كامل استيراد