الموضوع: اختبارات تصادم الصني الجديدة

بسم الله الرحمن الرحيم


كلنا كنا مراعيين عامل الأمان في اختيار العربية, ويمكن ده سبب من أهم الأسباب اللي خلتني شخصياً اختار العربية دي.... لأن للأسف باقي الموديلات في ماركات تانية لا تتمتع بوسائل أمان من الأصل, لازال المستوردين بيروحوا المصانع يطلبوا منهم عربيات "فاضية" وفيها "شوية كماليات" ... تغري المستهلك المصري وتفرح الـ "زبون" ... اللي بيختار بلوتوث وجنوط ومشغل ام بي ثري ويروح يسيب أمانه وأمان الناس على الطريق !!!


وعلشان موضوع اختبار تصادم نيسان صني كان أثير من فترة قريبة, فحبيت اخلي الصورة واضحة للكل علشان مانسيبش قراراتنا لأهواء ناس تتلاعب بيها , لأن أي صديق أو بياع في معرض هايقعد يفتي كعادة المصريين في القرارات المصيرية, الأرقام والحقائق دايماً تتكلم, ونجيبها من مصادرها الأصلية


الفيديوهات القادمة هاتحتوي على التجارب الحقيقية على السيارة , وعايز من حضراتكم تركزوا كويس على "الركاب" .... وعلى مدى قابليتهم للتأثر بالحادث , وهل جسم العربية هايدخل عليهم وقت وقوع الحادث لا قدر الله - زي ماركات تانية - ولا لأ .... وياريت ناخد بالنا ان تقييم العربية بيعتمد بشكل أساسي على أمان الركاب وأمان المشاة في الطريق, مش على مدى تدمير الهيكل الخارجي - اللي هايمتص الصدمة عنك - لا قدر الله


ولازم كمان نراعي ان الاختبارات دي معيارية , يعني في معظم الأحيان بتكون الخبطات في الواقع بسيطة ومش مؤثرة , إلا في حالة الرعونة الشديدة والظروف القهرية لا قدر الله وربنا يكفينا جميعاً شرور الطريق وشرور الناس وسوء سلوكهم


نبدأ بسم الله:


1- التصادم الأمامي

Nissan Versa | 2012 | Frontal Crash Test | NHTSA High Speed Cam | CrashNet1 - YouTube


http://www.youtube.com/watch?feature...&v=MyhumlOIWKw


(ملحوظة هامة جداً) : لما بيكون جنبك حد راكب قدام, ياريت تخليه يلبس حزام الأمان علشان الوسادة الهوائية الخاصة بيه تشتغل, لأن في معظم الأحيان لو الحزام مش محطوط , وسادته مش هاتشتغل




2- التصادم الجانبي من الثبات (نلاحظ ان موديل أمريكا مجهز بوسائد أمان جانبية كمان)

Nissan Versa | 2012 | Side Crash Test | NHTSA High Speed Cam | CrashNet1 - YouTube



3- تصادم جانبي بيمثل لو العربية اتزحلقت ولفت ودخلت في عامود على جانب الطريق , الطبيعي انها تتقسم نصين

Nissan Versa | 2012 | Pole Crash Test | NHTSA High Speed Cam | CrashNet1 - YouTube


http://www.youtube.com/watch?feature...&v=-opoKXOk_6U

أرجو من الجميع مراعاة القيادة الآمنة وقواعد السلامة في الطريق , لأن أرواح الناس مش لعبة , وتضييق الطرق على الناس هو من صميم أكل حقوق الناس, وماحدش يطلب انه يلاقي حقه وهو بياكل حقوق الناس (للتذكرة علشان الناس بتنسى)


سلام عليكم

شكرا على الفيديوهات و الموضوع

فى التصادم الأمامى قطع زجاج او بلاستيك الفوانيس الأماميه وقت التصادم بتطير وتندفع زى الطلقات وفى كل إتجاه ...؟؟ وربنا يحمينا ويحمى الجميع .

المشاركة الأصلية كتبت بواسطة ahmed88

طب بالنسبة للحوادث البسيطة اللي هيا تمثل أغلب مشاكلنا في مصر ...
العربية تتخبط وهيا مركونة ...
في شارع زحمة واحد كسر على واحد وخبطه في الجنب ...
هل الحوادث البسيطة دي اللي هيا - إن شاء الله - ملهاش تأثير على سلامة الركاب هتتكلف كتير عشان تتصلح خصوصا للي مش مأمن ؟؟ .. أقصد يعني الصاج هيستحمل أنه يترد عند سمكري ولا هيكون عايز يتغير في الجزء اللي اتخبط - رفرف مثلا أو باب ؟؟ ..
دا أكتر حاجة تهمني في الموضوع بصراحة ....

دي محتاجة تجربة عملية , عن نفسي موتوسيكل خبطني من ورا وكنت واقف وباركن وهو مش شايف ... ماحصلش حاجة الحمدلله تقريباً غير خدش خفيف

فيما يتعلق بالاكصدام ... هو بيتخلع بسهولة لكن تكلفته مش كبيرة في نفس الوقت

فيما يتعلق بالصاج, مش هاقدر اديك إجابة صحيحة فمش هافتي, الموضوع كله كان عن الأمان مش عن تكلفة الإصلاح, ودي بتختلف من عربية للتانية, رغم ان حسب معلوماتي ان الناس اللي خبطوا خبطات مش كبيرة ماتكلفوش كتير

وربنا يحفظك ويحفظنا ويسلم طرقنا جميعاً ويقينا شر الحوادث والحاجة للإصلاح