الموضوع: ازاى الطريق من التحرير للتجمع الخامس

المشاركة الأصلية كتبت بواسطة mohamed_selim

من التحرير تاخد كوبرى اكتوبر فى اتجاه مدينة نصر و تنزل الاخر طوالى (اللى هو فى اتجاهك لا يمين ولا شمال) هتلاقى نادى السكه الحديد على يمينك و طوالى هتلاقى اوليمبيك جروب على يمينك و طوالى هتلاقى الطريق خلص تخش شمال (فى هناك مصنع كوكاكولا) و من بعده يمين على محور الشهيد و طوالى هتعدى على بنزينة تعاون على الشمال و طوالى هتلاقى كوبرى تاخده هيلف بيك شمال على محور na (طنطاوى حاليا) و تمسك الطريق ده طوالى لحد ما تعدى الدائرى كده انت فى التجمع فى اول شارع التسعين



احب فقط ءأكد انك في آخر كوبري اكتوبر ح تلاقي 3 نزلات خليك في النزلة اللي في الوسط زي من الأخ محمد قال ... ويعد كدة امشي علطول للآخر ح تلاقي الطريق لف شمال عند معسكر الجيش وبعدن يمين بعد شركة الكوكا كولا ... كدة بقيت في محور طنطاوي
وبعد ما تطلع على محور طنطاوي بشوية ح تلاقي كوبري لسة معمول جديد
ح تطلع الكوبري ( مطلع الكوبري في الحارة الشمال ) وبعد كدة خليك طوالي
ح يقابلك استاد الدفاع الجوي الجديد ثم تقاطع الدائري ... انت كل ده طوالي لا يمين ولا شمال
بعد تقاطع الدائري انت بقيت في شارع ال 90

الساعه 7 30 الصبح ممكن تاخد من 45 دقيقه لساعه و الله اعلم (ممكن تاخدها فى نص ساعه لو الدنيا لوزو لو فى حاثه ولا حاجه موقفه اطريق ساه و نص ... انت و حظك) الرجوع فى نفس الوقت هيكون نفس رينج الوقت (ممكن زياده حاجه بسيطه)
لو هتمشى من التحرير على 4 30 هتاخد ساعه و نص تقريبا و تانى انت و حظك

من التجمع لارض الجولف هتطلع من شارع التسعين (او اى مخرج للتجمع) على الدائرى فى اتجاه طريق السويس و تمشى لحد ما تعدى jw mariot و تنزل نزلة الماظه اللى هةى تانى نزله بعد الفندق و اول نزله بعد ما تعدى من فوق طريق السويس هتكمل طوالى و هتلاقى كوبرى تطلعه و طوالى هتعدى من تحت كوبرى الاوتوستراد و هتلافى دار المدفعيه على شمالك و تلف اليوترن اللى بعدها (بعد ما تقطع شريط المترو) و ترجع تخش اى يمين كده انت فى ارض الجولف ....

الساعه 6 هتاخد الطريق ده فى ساعه او اكتر ... طريق السويس من بعد كوبرى الجيش بيكون واقف بطريقه فظيعه فى الوقت ده عادة ... انت و حظك :)