عرض للطباعة
الموضوع بأختصار هى عربية لادا 2107 روحت اظبط زوايا بتاع الزوايا قالى العربية دية محتاجة
1- زرجينة وهو اللى بيعملها بـ 100 جنيه
2- سمكرى علشان العجلة اليمين او الشمال مش فاكر مأخرة 1.5 سم
السؤال بقى هل فعلاً فيه حاجة اسمها زرجينة هواللى بيعملها بـ 100 جنيه ولا لا ؟؟
السمكرى اللى هيعمل الشغل فى العربية بتاع العجلة المأخرة هل هيأثر على العربية ولا لا ؟؟
تكلفة السمكرى هتبقى كام ؟؟
وشكرا جداً
للرفع
أنا أعرف إن الزرجينة دى حتة حديدة كدا لما تفك المساعدة بتضغط بيها السستة بتاع المساعد عشان تعرف تطلعها وتعرف تركبها تانى
جايز يكون فيه زرجينه تانى معرفهاش
الزرجينة عبارة عن انه بيربط العربية من الحتة اللى عايز يشدها في عمود بسلسلة ويفضل يشد بالبلانكو ( اللى هو زي الكوريك اللى بيرفعوا بيه الموتور ) لحد ما الحتة اللى بيشدها تتعدل ودى بتتعمل للسدر والشنب والقوايم والشنطة والعجل ، من الاخر اي جزء ممكن يتكبس بسبب خبطة ويبقى محتاج يتشد لبرة تانى ..
التكلفة على حسب الشغل اللى هيتعمل وحسب الصنايعي يعنى ممكن تروح لواحد معرفة ياخد اقل من 50 جنيه ، وممكن واحد ينفخك في 200 جنيه ، فعادى يعنى :d
الزرجينة عبارة عن انه بيربط العربية من الحتة اللى عايز يشدها في عمود بسلسلة ويفضل يشد بالبلانك وياخد حوالي من 50 الي 100 ودا طبعا علي حسب تعبه وانت اكتر واحد ممكن تقدر اللي هيعمله من نظرتك ليه وهو شغال وتقدر هل اللي هو عمله دا يستحق المبلغ ولا
ومهما قدرت تعبه هو بياخد الى هو غالبا بياخد أكتر من اللى هو يستحقه :)