سؤال لرجالة المنتدى عن جهاز الانذار..

**MEMOAHMED14** · 13-11-2012 03:26 PM

أنا مركب جهاز انذار فى العربية دايو لانوس 2007 نوعه وولف ... كنت عايز أعرف ازاى أرفع حساسية جهاز الأنذار حتى يطلق صفارته لأقل حركة بجانب السيارة ... مش بس لو حاولت افتح الباب.. أرجو الرد من فضلكم بالتفصيل عشان لو فى مشكلة عندى احلها خصوصا السرقات كترت أوى اليومين دول ...

**Ahmed Nasser** · 13-11-2012 03:55 PM

من حساس الصدمات ودة غالبا الكهربائى مركبة تحت الطبلوه فوق رجليك كدة
ولو مش شافة انزل تحت الطبلوة وخبط هتلاقى لمبة حمرا بتنور هتبص عليها هتلاقى فى مسمار بمفك عادة وعلية

**MEMOAHMED14** · 13-11-2012 04:14 PM

فعلا موجود تحت الطابلوه جهاز صغير مربع وفيه بكره صغيره بلفها يمين وشمال بايدى واللمبة بتنور بس مفيش تأثير فى الحساسية .. يعنى هى دى ولا فى بكره ولا مسمار تانى عشان انت بتقول مفك ... وشكراا ليك ياغالى

**mero100** · 13-11-2012 04:50 PM

هيه البكره اللي العضو بيتكلم عنها و موجوده في سنسور الصدمات تحت التابلوه او غالبا عند رجليك بجوار الدواسات

حتلاقي فيها مؤشر ( -) و مؤشر ( + ) .... حتلف البكره ناحيه المؤشر الموجب .... و بكده حتحس العربيه بأي اهتزاز او اقل لمسه .

**ahmed.zahra** · 13-11-2012 05:39 PM

طب بالمناسبة دي انا عندي الإنذار نوعه قديم شوية اللي هو suniii و كان شغال كويس جدا من زمان بس دلوقتي الحساسية بتاعته بقت عاليه على طول و بيصفر لو عربية عدت جنبي حتى و انا مقلل الحساس ع الآخر يا ترى ده له حل؟

**Ahmed Nasser** · 13-11-2012 06:22 PM

المشاركة الأصلية كتبت بواسطة memoahmed14

فعلا موجود تحت الطابلوه جهاز صغير مربع وفيه بكره صغيره بلفها يمين وشمال بايدى واللمبة بتنور بس مفيش تأثير فى الحساسية .. يعنى هى دى ولا فى بكره ولا مسمار تانى عشان انت بتقول مفك ... وشكراا ليك ياغالى

كدة الحساس باظ
روح التوكيل او لكهربائى شاتر يعملهولك

المشاركة الأصلية كتبت بواسطة azahra

طب بالمناسبة دي انا عندي الإنذار نوعه قديم شوية اللي هو suniii و كان شغال كويس جدا من زمان بس دلوقتي الحساسية بتاعته بقت عاليه على طول و بيصفر لو عربية عدت جنبي حتى و انا مقلل الحساس ع الآخر يا ترى ده له حل؟

اعتقد برضو رضوا الحساس باظ ولازم كهربائى شاطر