شباب انا مش معايا برسونا 2009 اتوماتيك عامله 150 الف مش عارف امتى اغير زيت الفتيس
والفتيس بينتش مع الغيار فياريت تنصحونى بنوع زيت معين سعره ويا ترى فى شروك معينه لتغييره
وشكراً جزيلاً
عرض للطباعة
شباب انا مش معايا برسونا 2009 اتوماتيك عامله 150 الف مش عارف امتى اغير زيت الفتيس
والفتيس بينتش مع الغيار فياريت تنصحونى بنوع زيت معين سعره ويا ترى فى شروك معينه لتغييره
وشكراً جزيلاً
حضرتك مش معاك برسونا ازاي ؟ ههههههههههههههههههههههههه هههههههههههههههههه
حضرتك غيرت الزيت امتة؟
لانه بيتغير على ال 40 الف وكل 40 الف
على العموم بلاش زيت توتال وخليك في فالفولين ده احسن منه
معلومات من مانيول للبرسونا :-
سائل الفتيس الاوتو :- بياخد 7.7 لتر
النوع Proton ATF-9 SPIII
هات فالفولين الجركن الأحمر، الزيت بيتغير كل 40,000 بالكتير كل 60,000
اخبار موبيل ايه بالنسبة لزيت الفتيس الاوتوماتيك؟ والواجا تاخد كام لتر؟
الواجا تقريبا 6 - 7 لتر مش فاكر بالظبط
والله ياباشا انا مجربتوش قبل كدة
اللي جربته توتال وفالفولين
فالفولين احسن بكتير
حرام عليكو واحد صاحبى معاه النترا 2009 جابت فتيس بسبب انو قعد 150 الف من غير ميغير زيت الفتيس الاوتو ......ياجماعه دى مصاريف انتو فى غنا عنها ووجع دماغ مع التوكيل او الصنايعيه وفى الاخر مش هترجع زى ما كانت
جزاكم الله خيراً على الردود
بس انا كنت عاوز اعرف سعر الزيت البورتون الاصلى فى حدود كام الى هو Proton ATF-9 SPIII
والفالفولين الاحمر سعره كام وكام لتر
يا ريت تفيدونى الله يكرمكم بسرعه لحسن انا مش مطمن لان العربيه عامله 150 الف وبدأ الفتيس ياخر فى النقل
10000000000000 شكر لشباب بروتون المحترم
ادخل صفحه ميتسوبيشي كان في موضوع شفته هناك عن منافذ بيع زيت ATF SPlll وهو الزيت الاصلي بتاع ناقل الحركه الاوتوماتيكي للبروتون
ياشباب انا سالت على زيت الفالفولين ماكس لايف لقيت اللتر بــ 85 جنيه !!!
يعنى ال8 لتر بـــ 680 جنيه سعر خزعبلى
وعصام وصفا بيغير الزيت توتال بـــ 280 شامله مصنعيه التغيير
وزيت شيل لقيت اللتر بـــ 30 جنيه ×8 =240
بس سمعت بقه حاجه كده والله اعلم ان زيت الفتيس زيه زى زيت الموتور يعنى بعد 100.000 كيلو لازم يكون تخليقى 100% وده الى قالهولى توكل فالفولين على الماكس ليف
عموماً شكراً ليكم جميعاً وانا غالباً هغير بشيل
طيب اخر كلام نجيب زيت نوعه ايه؟
ويتغير فين؟
متهيألي زيت فتيس الواجا هو هو بتاع الجين والبيرسونا
انا تقريبا كنت جايب اللتر في الفالفولين ب 28 جنيه او 30 مش فاكر بالظبط
كنت من شوية في شارع دمشق بغير البطارية، وتصادف ان محل البطاريات جنب محل المدينة فقولت بالمرة اشتري منه فلتر زيت وأسأل على زيت الفتيس. الراجل قاللي ان زيت الفتيس الاصلي بتاع العربية حيجيله قريب، ولو انا مستعجل أجيب موبيل ٣٢٠ علشان دا نفس المواصفات بتاع زيت الفتيس بتاع الواجا.
انا قولت اقول المعلومة دي للافادة