خلاصة القول اللى بيقول منصور شيفروليه توكيل سيئ يمدنا بدلائل

**medo2_0** · 13-11-2012 06:16 PM

المشاركة الأصلية كتبت بواسطة speed_magnum

حتى الان. تعامل محترم جدا
يمكن لعدم توافر قطع الغيار او المبالغه في سعرها. اما كمعامله. لا غبار عليهم

شكرا لردك... اول حد اشوفه مش بيشتكى منهم

المشاركة الأصلية كتبت بواسطة mohamed.fawzy

اسمحلى معلش اسأل حضرتك هوا ايه الغرض من الموضوع ؟ ... مثلا حضرتك ناوى تشترى عربيه شيفروليه و خايف من التوكيل ؟

ايوه ياباشا ناوى ان شاء الله على اوبل استرا سيدان فعشان كده بسأل

المشاركة الأصلية كتبت بواسطة eng f3lix

كفاية ان العربية مبتجيش حتة واحدة من بلدها غير لما يلعب فيها الباشا ويشيل وسائل الامان

شكرا ً ليك على المشاركه ودى تبقى مشكله كبيره لان دى اهم حاجه فى العربيه
بس انا عاوز دلائل

المشاركة الأصلية كتبت بواسطة haissam24h

تعرف انه توكيل سى لما يقولك فانوس اوبترا ب750 ج وهو برة التوكيل ب150 و100 ومفيش فرق بينهم
تعرف انه توكيل سى
لما عربيه مش يبقى فيها غير 4 ازاز كهربه وتكيف وسنتر وكاسيت وسعرها 102 الف وبدون اى وسائل امان
منصور معامله محترمه مفيش مشكله
ناجح جدا فى النص نقل والشهاده تتقال للحق الدبابة مكسرة الدنيا
لكن سى جدا فى الملاكى خصوصا اوبترا ولاونوس نظرا لاقبال شديد بدون قطع غيار جاهزة +عيوب تقفيل ذى الاخ الى واخد عربيته ناقصه قماش سقف ودواسه
لكن فى الاول وفى الاخر لازم نقف جنبه لانه توكيل مصرى خالص بدون شركاء ونسب ويكفى احترام الاستاذ والوزير السابق محمد منصور لكن ممكن يكون فى اشخاص شغاله فى التوكيل بتسيى لسمعته
وفى النهايه السوق عرض وطلب وبين البائع والشارى يفتحله يعنى بالبلدى عجبك سعر الحاجه ادفع مش عجبك مش تاخدها

متشكر لييك جداً على كل اللى قولته ويارب الكلام ده يتغير لان كده هم كويسين بس مشكلتهم مش بيعرفوا يسوقوا السيارات نظراً لعدم توافر قطع الغيار!!!!

المشاركة الأصلية كتبت بواسطة mohammedrefaat

هو ايه اللى بيخلى اى سلعه غاليه او رخيصه مش هو خدمه ما بعد البيع هو ده اللى بيخليك تطمن و انت بتشترى اى حاجه
يمكن المعامله كويسه بس انا لما تيل الفرامل يفضى مش هاركب مكانه معامله و لو لقيت سعره مبالغ فيه فى التوكيل هاجيبه من بره و اركبه فى الحرفيين او صانيعى ثقه و فاهم فى العربية
انا بقى ايه اللى يخلى صباعى تحت ضرس منصور ماجيب اى حاجه تانيه فى نفس الفئه السعريه و هاتلاقى فيها نفس الكماليات و الامكانيات

شكرا ياباشا وانا ابتديت اعرف ايه سبب انه واخد سمعه سيئه وهو المبالغه فى اسعار قطع الغيار وعدم توافرها!

المشاركة الأصلية كتبت بواسطة أشرف العدوي

خد يا باشا ده دليل من الدلائل و بالمستندات و ياريت تقرا الموضوع لأخره لانه الموضوع ده بالنسبالي
هو منصور
http://www.nilemotors.net/nile/141086-a.html

شكراً ليك وهقرأ الموضوع ولى عوده

المشاركة الأصلية كتبت بواسطة أشرف العدوي

http://www.nilemotors.net/nile/253946-a.html
طبعاً الافيو مش محتاجة دليل

شكرا لمشاركتك

المشاركة الأصلية كتبت بواسطة mohamed.fawzy

خد عندك كمان انه خرف اللانوس و خلاها مزبله

بس المهم مجاوبتش على سؤالى انت بتسأل ليه ؟

جاوبتك اهو يار يس فى تانى اقتباس :)

المشاركة الأصلية كتبت بواسطة khaled_legend

بنت عمتي مالكه للسياره اللعينه المسماه شيفروليه افيو و كل يوم تقريبا في التوكيل لتصليح حساس ما يسبب خطأ في عداد ال rpm غير ذلك الشكوي المستمره من صوت "تزييق" من نظام التعليق و انا فعلا شعرت بذلك

المشكله ان التوكيل "بيثبتوا" والدها ب"اي كلام في الحماده" و في نهايه الامر لا يتم تصليح شئ :copy of rfds:

اشكرك على المداخله..
هو العيب ده موجود فى كل الافيو ؟

**moaaz** · 13-11-2012 06:21 PM

بانسبالى كاان عندة مشكلة التبطيلة لوحدها .....بس اتحلت الحمد لله ولكن بعد مقاوحااات ,,وبتاع 8 زيارات للتوكيل ...مرة يقول ينزيين تعبان ..مرة كمبيتر محرك ..مرة بوجيهات مرة..و لما زهق قاللى انت معندكش مشكلة فى العربية ..اقوللو ياعم دى بتبطل وانا ماشى قالولى يعنى بتعمل كدا على طول ..قلتلوا لا قاللى خلاص ..لحد ما عملت مشكلة معاهم بعد يومين كلمونى قالولى تعالى عشان الحل جه وهو سوفت وير....من الاخر توكيل مش وحش بس مش محترم زى توكيل نيسان مثلا....بس معظم التوكيلات فى مصر زيه كدا وربنا يستر علينا

**medo2_0** · 13-11-2012 06:26 PM

المشاركة الأصلية كتبت بواسطة moaaz

بانسبالى كاان عندة مشكلة التبطيلة لوحدها .....بس اتحلت الحمد لله ولكن بعد مقاوحااات ,,وبتاع 8 زيارات للتوكيل ...مرة يقول ينزيين تعبان ..مرة كمبيتر محرك ..مرة بوجيهات مرة..و لما زهق قاللى انت معندكش مشكلة فى العربية ..اقوللو ياعم دى بتبطل وانا ماشى قالولى يعنى بتعمل كدا على طول ..قلتلوا لا قاللى خلاص ..لحد ما عملت مشكلة معاهم بعد يومين كلمونى قالولى تعالى عشان الحل جه وهو سوفت وير....من الاخر توكيل مش وحش بس مش محترم زى توكيل نيسان مثلا....بس معظم التوكيلات فى مصر زيه كدا وربنا يستر علينا

شكرا لمداخلتك...

بس لو الكلام كده فعلاً يبقى المهندسين اللى عندهم مش خبره والمفروض توكيل زى ده يبقى فى اكثر المهنديسين خبره

**dede_dodo88** · 13-11-2012 06:54 PM

أنا برضه قبل ما أفكر أجيب الأسترا سمعت كل الكلام السيء ده عن التوكيل و كانت أكتر حاجة مقلقاني الصراحة..
بس اللي خلاني أتشجع و أجيب العربية كذا حاجة.. سألت واحد صاحبي معاه عربيتين شيفروليه عن التوكيل و قالي أنه كويس و شكرلي فيه..و سألت واحد تاني معاه أسترا كان لسة عامل صيانة الـ5000 و كان مبسوط من المعاملة و شكرلي في مهندس الصيانة..
العربية نفسها أعتمادية و قليلة الأعطال فبكدة مش هحتاج التوكيل غير في الصيانات الدورية..
أغلبية التوكيلات في مصر سيئة السمعة إلا ما ندر و كله بيسوده نظام الفهلوة في التعامل مع المشاكل.. فلو أنا هفضل أنقي العربية على عامل التوكيل بس يبقى مش هوصل في أختياري لأي عربية..

أنا عن نفسي أحتكاكي مع التوكيل لحد دلوقتي كان في 3 صيانات (5,10,15) و مرة أحتجت أغير فانوس خلفي عشان أتكسر..
بالنسبة للأسعار أنا معنديش معاها مشكلة خالص و شايفها معقولة..
بالنسبة للمعاملة أنا معنديش معاها مشكلة برضه.. يمكن السخيف بس ان فرع الطيران بيبقى زحمة على طول فبطلت أروح هناك و بقيت أروح التجمع و مبسوط الصراحة هناك..

**hpxp** · 15-11-2012 01:45 AM

فيه تكات معاهم
وحصل معايا تكه وحشه اوييييييييييييييييييييييي ييييييييييي
1- عملت الصيانه ال60 وطلبت تغير طقم سيور تمام تمام خرجت الساعه 2:20 تقريبا تمام تمام الساعه 12 بليل سير المجموعه وقع
حط نفسك بقي مكاني
لكن هدوا الدنيا لما روحت
1-ياعني شالو حساب الونش
2- ادوني صيانه ببلاش يعني المصنعيات عليهم
لكن في مقابل عطله 3 ايام عن الشغل
غير كده كانو فاكين كمبرسر التكيف وشحنوة لكن صوته كان مروحه حديد بترقع في بعدها لو طفيت التكيف والعربيه واقفه وهجبلك الموضوع الي كنت عامله واقراه وشوف بنفسك