الموضوع: الكربون

المشاركة الأصلية كتبت بواسطة Amr Axel

يا راجل حرام عليك سنة ده زمانه بيدعي عليك هههههههههه لا كفاية عليه كده و خلاص مبقاش موضة اوي هنا
و خلي بالك و انت بتشيله عشان اللون و لو الدهان بهت و اللمعة راحت ممكن تاخد العربية غسلة محترمة و تديها وش بولش بنفسك سواء نوعية من سيمونز او فورميلا او ترتل بس كلهم غاليين يعني تلاتيينات فيما فوق
ياما تجيب بولش كريم من اي موان قوله بولش عربية هيديك علبة لونها اصفر برتقالي بحوالي 6-7 ج تكفيك يجي 4 سنين مرة - مرتين كل سنة و هترجع اللمعة في اللون تاني
و طريقة الاستخدام تغسل العربية كويس اوووووي و تسيبها لحد ما تنشف و تجيب قطن و البولش و تفرده ع العربية تاخد حتة كريم و تفردها زي شرط و بعدين تفردها بشكل دائري بحتة قطن اد كف الايد و تفضل شغال بشكل دائري لحد ما يجير و تعمل الموضوع ده واحدة واحدة يعني كبوت لوحده ثم باب ثم شنطة ثم سقف
و ميكونش فيه شمس عشان ميأثرش ضوء بس عشان تشوف و متسيبوش اكتر من تلت- نص ساعة ع العربية و بعدين تجيب فوطة ناعمة و تشيل البولش بنفس الطريقة اللي وزعته بيها و اتفرج ع اللون تاني كأنك لسه جايبها و ممكن تديها وش غسيل بالجردل و تنشف لو عايز :)

ده يا عمرو في حالة ان اللون طفا من الغسيل والشمس انما اللزق للأسف بيشيل طبقة من الدهان (طبقة الورنيش) ودي عمرها مهترجع لا ببوليش ولا بالطبل البلدي...
بيبقى حلها ان مكان اللزق يتنضف كويس ويتاخد وش ورنيش فقط وده ميعتبرش رش لان اي سمكري شاطر بيعرف ان ده ورنيش فقط...
تحياتي

Sent from my LT18i using Forum Runner