محدش عايز حاجة في الأسكندرية ؟؟

**فتح الباب** · 21-07-2013 08:06 AM

بمناسبة اسكندريه كنت سمعت ان كارفور اليكس بقى بيقفل الساعه 12 بالليل ده صحيح ولا لا
واذا كان الامر كذلك فمتى الامر يعود الى طبيعته . شكرا

**ezzeldin** · 21-07-2013 11:32 AM

والله يا حسام انت راجل ذوق وزي العسل ومثال لجدعنه الاسكندرانيه........انت خلتني اقرا كل الصفحات ....لوسمحت انا عندي اوكتافيا a5موديل 2005ستبترونك..والعربيه دي جميله جدا بس ماشيه كتير وفيها حكات بسيطه ...كنت عاوز واحد بتاع دوكو ممتاز يجددهالي لانها محتاجه رش حزام للنضافه ...وكنت عاوز اعملها زينون يكون اصلي ..ياريت تعرف حدكويس ويفضل انه يكون قريب للعجمي لاني دكتور ووقتي ضيق جدا ...وتاني مره شكرا لذوقك العالي.......

**ahmed_moeaz** · 21-07-2013 11:34 AM

المشاركة الأصلية كتبت بواسطة smsm_nabawy

ف واحد في آخر شارع العاشر من رمضان.. في شارع "30" متفرع من شارع 45..
أسمه الأسطى رضا.. ده انا ركبت عنده السوست.. و شدادات.. هي ورشة محترمة و الأسطى ده و الصنايعية الي فيها شاطرين أوي... و مش غااللين!!
و جنبهم محل أسمه "المتحدة" لظبط الزوايا... و كده!! الأثنين بصراحة شاطرين اوي...

[overline]جزاك الله خير وان شاء الله هظبت عندهم النهاردة ممكن تدينى خلفية عن الاسعار احتياطى خصوصاً ضبط الزوايا [/overline]

**ahmed_moeaz** · 21-07-2013 11:35 AM

المشاركة الأصلية كتبت بواسطة فتح الباب

بمناسبة اسكندريه كنت سمعت ان كارفور اليكس بقى بيقفل الساعه 12 بالليل ده صحيح ولا لا
واذا كان الامر كذلك فمتى الامر يعود الى طبيعته . شكرا

مش عارف مواعيد رمضان ايه انا اخر مرة كنت فيه قبل رمضان بيومين كان بيقفل واحدة

**hossam_abdallah** · 22-07-2013 06:05 AM

السلام عليكم
أولا كل سنة وانتم طيبين ورمضان كريم
ثانيا أنا طالب منك طلي يابشمهندس
انا عربيتي جيلي اميجراند نفسي اعملها تعديل خفيف علي شكلها ونزلت صور ليها متعدلة
كنت عاوز اعرف التعديل ده يكلف كام والاقيه عند مين في سموحة (استيكر السقف والاسبويلر) ورأيك ايه في التعديل ده وشكرا

ImageShack� - Online Photo and Video Hosting

ImageShack� - Online Photo and Video Hosting

**MoH.SaLaDiN** · 24-07-2013 02:51 AM

طبعا كل سنة وانت طيب وكل الاسكندرانية بخير عندى ليك استفسار صغير انا معايا كيا ريو سيدان وكيل وكنت عايز اركبلها حساس ركن طبعا قلت حاجى على نفسى واركبه فى التوكيل عشان الضمان بس اتصدمت من التوكيل لما قالى ان كيا كوريا مانعة تركيب اى حاجة على كهربة العربية ولما زنقته فى الكلام وقلتله ان فيه حساس ركن wireless يعنى ملهوش دعوة خالص بكهربة العربية قالى خلاص هاتهولى الاول اشوفه ولو تمام يركبه مفيش مشاكل
فانا عايزك تقولى على كذا محل اكسسورات عربيات بيبع حساس الركن ده وهل انا ممكن بعد ماشتريه ارجعه تانى ده فى حالة لو التوكيل ماوفقش يركبه لانى ماشفتش الحساس ده انا مجرد شفت كذا واحد فى المنتدى اتكلم عليه
واخيرا انا ساكن فى سموحة عشان تديلنى على اقرب مكان
تحياتى

**smsm_nabawy** · 24-07-2013 05:03 PM

أولاً أنا آسف جداً على التأخير في الرد عن الناس الي طلبت حاجة..

بس ال كام يوم الي فاتو دول كانو صعبين اوي و عندي حالة وفاة

جدتي..
أسألكم الدعاء لها بالرحمة و المغفرة!! اللهم آمين!!

و أن شاء الله أفوق بس و أرد عليكم يا رجالة!! :(

**ezzeldin** · 25-07-2013 04:37 PM

المشاركة الأصلية كتبت بواسطة smsm_nabawy

أولاً أنا آسف جداً على التأخير في الرد عن الناس الي طلبت حاجة..

بس ال كام يوم الي فاتو دول كانو صعبين اوي و عندي حالة وفاة

جدتي..
أسألكم الدعاء لها بالرحمة و المغفرة!! اللهم آمين!!

و أن شاء الله أفوق بس و أرد عليكم يا رجالة!! :(

اللهم اغفر لها وارحمها وادخلها فسيح جناتك والهم اهلها الصبر والسلوان