يا فلوسى اللى ساحت يا اما

**mizo31981** · 14-11-2012 02:29 AM

انا كنت فاتح حساب قديم فى البنك الاهلى المصرى وسحبت كل اللى كان فية وسيبتة مفتوح بقالة كام سنه ولقيتهم باعتين ليا جواب بيقولوا فية انى عليا فلوس مصاريف ادارية ولازم اسددها علشان اقفل الحساب
انتوا ايه رايكوا انفضلهم وللا ادفع الفلوس علما بأن الحساب ميلزمنيش فى تلاتين الف جزمة وياترى فيها اى حاجة جنائية ولا حاجة ؟
ياريت اللى عندة معلومة يفيدنى

**S O P H O S** · 14-11-2012 04:43 AM

كراي فقط
حضرتك استفد من الحساب وخت حقوقك كاملة وفلوسك
يبقي اقل تقدير تدفع الفلوس دي وهي مش هتكون كتيرة
بس علي الاقل متحسش ان في اي حد ليه عندك اي شئ ..

**yalahwy2010** · 14-11-2012 07:42 AM

المشكلة انك لو ما دفعتش هيسجلك عند البنك المركزى انك فى القوائم السلبية وممتنع عن السداد
فا يا تسوى معاهم ودى....عن طريق انك تدخل وتقابل مدير البنك......وانت وحظك....يا إما تكبر وتدفع (وده رأى) وتريح دماغك

**sas5** · 14-11-2012 07:52 AM

السلام عليكم ورحمه الله
حساب البنك لما مبيبقاش فيه فلوس خلال فتره زمنيه معينه ولاتوجد حركه عليه يتم اغلاقه
لكن المطالبه بمصاريف اداريه بدون ان يكون هناك فلوس فى الحساب هذه نكته جديده
البنك لن يستطيع الشكوى للبنك المركزى ولاحاجه لانك لم تاخذ فلوس منهم
اذهب الى مدير البنك وتكلم معه من مركز قوى وهدده انت بانك سوف تشتكيه لللاداره العليا والبنك المركزى ولاتقلق من شى
واخبرنا بالتطورات معك

**dede_dodo88** · 14-11-2012 07:57 AM

يعني على حسب اللي فهمته أنه مجرد حساب مفيهوش رصيد يعني لا كارت أئتمان و لا قرض..
فلو زي ما انا فاهم و أنت سايب الحساب مفيهوش فلوس كذا سنة و مش فارق معاك أصلاً فنفض تماماً و متروحش تعمل أي حاجة و هما هيتضروا يقفلوه و الموضوع مفيهوش أي حاجة جنائية..

**أبو صلاح** · 14-11-2012 08:17 AM

ياباشا هو ده حساب جاري ولا حساب ادخار
ولا حساب ائتمان زي كريديت كارد او خلافه؟

**BESO516** · 14-11-2012 11:21 AM

نفضلهم ومتروحش لو مش همك الحساب خاااااااااالص لأنك ممكن تحتاجه بعد كده لو مش فاتح واحد تانى وحد جه يحولك فلوس عليه

فلو مش محتاجه يبقى سيبك منهم

**alking_2006** · 14-11-2012 12:52 PM

ادفعلهم علشان متنزلش بلاك ليست فى البنك المركزى
و علشان دا دين عليك كمان
كان واجب انك تروح تقفل الحساب لما سحبت الفلوس

**Ahmed_Adham** · 14-11-2012 01:10 PM

المفروض ان الحساب لما ميتعملش عليه عمليات فى فتره معينه يحددها البنك (احيانا سنه او سنتين) بيتحول لحساب Dormant أي يتم تجميده لحين ظهور صاحب الحساب والمفروض كل بنك له سياسه فى التعامل مع النوع ده من الحسابات اللي هتحتاج تعرفها الاول قبل ما تقرر هتعمل ايه فى الموضوع.

**dede_dodo88** · 14-11-2012 01:27 PM

هو لو حساب توفير فالبنك مش هيعرف ياخد المصاريف دي طول ما مفيش فلوس في الحساب.. بس لو حساب جاري البنك هياخد المصاريف حتى لو مفيش فلوس في الحساب و هيقلبك الحساب و هيبقى في كده عليك unauthorized overdraft و هيفضل كده فترة لحد ما الحساب يتقفل و تتبلغ بلاغ ليستد في المركزي ... فلو كده يبقى تروح تدفع الفلوس دي احسن..

الموضوع: يا فلوسى اللى ساحت يا اما

LinkBack

أدوات الموضوع

عرض

-

-

-

-

المواضيع المتشابهه

فيشة المروحة ساحت

نفسى احط فلوسى فى بنك اسلامى

الفوجات ساحت من الزينون عايز حل

ماسورة الهوا ساحت !!

جاهز و فلوسى على الترابيزة

الكلمات الدلالية لهذا الموضوع

المفضلات

المفضلات

ضوابط المشاركة