الف الف مبرووووك على الرخصة
عرض للطباعة
الف الف مبرووووك على الرخصة
اقتباس:
بس معلش ممكن اسالك سؤال
انا دلوقتي بتعلم سواقه
في مركز خاص في فيصل جنب بيتنا
يا تري متعرفش هما ممكن يساعدوني في موضوع الرخصه ده و لا ايه؟
و لو ميعرفوش يساعدوني المفروض اعمل ايه يا جماعه؟
يعني اروح فين بالظبط و لا اعمل ايه؟
بضم صوتي لصوت بوسي
وتقريبا طلعنا جيران
ومقولكش علي اللي بيتحكيلي عن مرور فيصل قد ايه مش حلو
فياريت تقولنا علي شوية تفاصيل كدة والتعليم تبعهم ليه علاقة فعلا بالرخصة
يعني اتوكل علي الله واقدم فمدرسة المرور نفسها ولا ايه تحديدا
مانتا سامع اهو بيقولك مش بيعلمو سواقه
هما بس بيعلموك اللي هتتسال فيه في الامتحان
انا شخصيا المركز اللي بتعلم فيه اول ما بدات امبارح طلعوني في شارع الهرم و فيصل مرة واحده
و في اخر الكلاس سابلي كل حاجة و دور وشه و قالي طبقي اللي قلناه و اللي شوفتيني باعمله
بس طبعا مركز معايا بطرف عينه و رجله علي الفرامل عشان اي غلطه
بس بجد اتجرات مووووووووووت من الحركة دي و حسيت اني لوحدي
فعملت كل اللي قالي عليه و بقيت ماشيه في اول كلاس كاني بسوق بقالي سنة
و مبقتش خايفه خالص بجد
احسن بجد ابعد عن مدرسه المرور
انا كنت هاروحها و الناس كلها قالتلي تعب علي الفاضي و مفيش حاجة مفيده
الله يبارك فيكم يا جماعة ..
وزي ما بتقول بوسي انا والله ما اتعلمت حاجة مفيدة غير اني اعدي الامتحان بس و معايا الرخصة ومابعرفش اسوق :biggrin24: بس بسوق الاتوماتيك بس مش اوي برضوا مابعرفش اخش وسط االناس .. :confused:
وانا علشان كدا في مدرب هاتفق معاه هايعملني 10 حصص في هرم وفيصل ب 70 جنية بس لسة منتظر واحد صاحبي يكلموا علشان اشوف اية الظروف ..
وبالنسبة لمدرسة المرور سهلة انها هاتخليكي تعدي الامتحان حتي لو دهستي الحواجز كلها هايعدوك في الاخر ..
بس مش تخبطي كل الحواجز يعني :biggrin24:
انا لما روحت الامتحان لقيت الناس تبع مدرسة المرور بيخطبوا في الحواجز والناس العربية تبطل منهم والاقيهم بيعدوا ويروحوا امتحان الكمبيوتر فاطمنت : ) وامتحنت وخبط حاجز وعديت برضوا الحمدلله
اما لو ماكتش تبع مدرسة مرور هتلاقي العملية صعبة شويا ورخمة كمان ..
بس مدرسة المرور بتعديك في امتحان العملي بس وتيجي في امتحان النظري ( الكمبيوتر ) مايعرفكش .. المهم عندة انك عديت النظري انا لما روحت الحمدلله عديت الاتين بس ناس كتير سقطت في النظري علشان ماكنتش محضرة كويس للنظري ...
انا بقول طالما انتي في مدرسة خاصة كملي فيها وولو وجدتي نفسك الثقة انك تعدي الامتحان روحي انتي والمدرب بتاعك ومتخافيش وخلية يدربك علي الحواجز وضيقها وان شاء الله هاتعدي ..
في حالة مش واثقة انك هاتعدي اجليها اسبوع وادربي اكتر احسن من انك تروحي وتسقطعي وتستني 3 شهور ..
اخر حاجة ..
خلي المدرب بتاعك ياخدك مكان فاضي و يدربك علي الحواجز ( الاقماع ) ويضيقها وعدي بينها رايح وراجع مرة وواتنين وعشرة لحد ما تتمكني منها وتوكلي علي الله ..
انت قصدك حركة حرف الاس يعني بتاعه الاقماع دي؟
فهمني بليز
انا فعلا النهاردة كانت تاني حصه ليا و المدرسه اللي انا فيها بتعلم في الهرم و فيصل و بيمشوك لوحدك بعد ربع ساعه تقريبا بس بيبقو حاكمينك يعني طبعا
و قولي ايه موضوع المدرب بتاع الهرم و فيصل اللي هيديك العشر حصص ب 70 جنيه ده؟
انت قصدك 70 في الحصه صح؟
و يا تري هيعلمك علي عربيه من عنده و لا عربيتك انت؟
جاوبني الله يخليك
أها الأقماع أو العساكر أو الحواجز هي حرف الأس
............................
بقولك بعد كاتتعلمي في المركز الخاص تروحي تقدمي في مدرسة السواقه بتاعة المحافظه عشان تضمني تاخدي رخصه لأ أنا تبع المدرسة ودفعت الفلوس وحمتحن بكرة إن شاء الله هم قالولي بيعدوا في الكمبيوتر لكن الأس بتدي اللي جانبك 50 جنيه وهو يتحكم في الدواسات ويقولك يمين وشمال ..
بس المشكله أني متعلمتش أس !!! عارفه روحت أشوف الأمتحان أزاي امبارح فسألت الراجل اللي بيقعد جانبك وأنتي بتمتحني قلتله ممكن بس أجرب أسوق الأس هنا عشان حمتحن السبت وخايف قالي بص هو من الأخر كل اللي أمتحنوا قدامك دول مبيعرفوش حاجه عن الأس وبص يابني اللي حيمتحنك مهما كان حتى لو مش أنا أديله 50 جنيه وهو حيقوم بالواجب !!!!
طيب قولي يا محمد
هي مدرسه المرور دي بتاخد وقت اد ايه في التعليم
و اذا كان زي ما قال مبتعلمش حاجة يبقي اروح اعمل فيها ايه و انا اصلا هابقي متعلمه و كمان هي اساسا مش هتعلمني حاجة؟
يعني مينفعش اروح امتحن بس و اديله ال50 جنيه دي و خلاص؟
مع اني اصلا مش باحب كده و مش هاعرف اعمل كده
بس قولي هو يعني لو ماخدش الفلوس دي مش هينجحني؟
مش عاوزة احس اني باعمل حاجة حرام
بصي يا بوسي
هي بتبقى 10 حصص و حصة إشارات (كمبيوتر) بتروحي تدرسيها في مكان تبعهم يعني أنا في إسكندرية خلوني أدرسها في المديريه القديمه . وبيديكي بيهم 10 وصولات ووصل للإشارات وكارنيه بأنك مقيده عندهم . لما بتدرسي الأشارات بيختم عليها عشان يبقى معناه أنك أخدتيها
وبيختم على وصل من وصولات حصص السواقه برضو قال إيه أنك أتعلمتي
ومدة الدراسة في أي وقت من الساعه 7الصبح لحد 1 الظهر لفترة 6 شهور تدرسي خلالهم ..
بس طبعا أي حاجه حكوميه بتبقى سلطه لما تروحي تدرسي عندنا في أسكندريه بتدي الراجل الوصل ويكتب عليه رقم العربيه اللي حتسوقي عليها وتفضلي مستنيه الدور وطبعا بيكونوا أمم مستنيه فغالبا مش حتسوقي أنا عن نفسي مسقتش غير مرتين وبيني وبينك مش فارقه معايا لأني بعرف اسوق بس قلت عشان أتعلم الأس عندهم ولحد دلوقت معرفتش أخده من الزحمه
أنا وأنا بسلم الأوراق امبارح لاقيتهم بيسألوا عن الكارنيه بتاع المدرسه وقالوا للناس ده أهم حاجه يعني من الأخر لازم تبقي تبعهم ..
لأ مش شرط تدي اللي جانبك فلوس بس هم نفسهم حمضانه وهو اللي بيطلب أنا عن نفسي قرفان من الحكايه دي .. لأني لاحظت في أتنين في الأمتحان مدهوش وطبعا وقعوا للأسف !! فبصراحه مش عارف أعمل ايه .. عالعموم أنا حنزل دلوقتي المدرسه دي وشوف أيه النظام
بس أنا في رأي تخلصي وتتعلمي كويس جدا في مدرسه خاصه وماعليكي أنك بعديها تشتركي صوري في المرسه دي عشان تضمني نجاح بإذن الله .
نسيت أقولك
هي بتبقى ب 380 جنيه وبيطلبوا شهاده طبيه بتتعمل ب 20 جنيه
وبيطلبوا صورتين وأنتي بتقدمي وصورتين للشهاده الطبيه ووقت أما تيجي تسحبي ملفك عشان تمتحني برضو 4 صور وبتدفعي ملف كمان ب 11.5 وشوية دمغات كده يعني قولي تخشلها ب 500 جنيه أو حواليها التوتال بالـ 50 اللي بياخدها اللي يمتحنك ..
ههههههههههههههه زي ما روحت زي ماجيت .. زحمه موت ومعرفتش أسوق وأتعقدت ..