السلام عليكم ورحمة الله

من ساعت ماشتريت الفيكترا الجميله ربنا يباركلي فيها وانا دايما بفكر ازاى اخليها اجمل ..

اولا هي فيكترا 97 مانيوال .. مزعلني فى العربيه دي قلة الأوبشن .. عالرغم انها وحش عالطريق بس محتاج الى يقدرها صح ..

ومزعلني اكتر انى من ساعة ما جبتها والعين شغاله عليها الله ينور ... ماستر دبرياج ... اتخبططت وهي واقفه من ورا واتغيرلها فانوس ... سواق ميكروباص ربنا يسامحه بحق جاه النبي عمل نفسه اعمي ودخل فى الرفرف الى قدام ...

المهم انا صلحت الحاجات دى وفيه شوية حاجات فى دماغى كده عايز اعملها ومحتاج رأيكو ..

اولا .. انا عندى المرايتين شبه منتهيين .. ومع السرعات بيترجرجو .. م الاخر محتاجين تغيير

رحت سألت عالمرايه التايوانى .. قالي ب 150 ( اليدوي ) - و ب 180 ( الكهربه ) فى الرينج ده

طبعا الفرق كلام فاضي ..

فا انا بفكر اروح لكهربائي بس يكون قرد فى الاوبل .. نلعب فى الضفيره ونركبلها زراير ال cdx بتاعت المرايات واخليها كهربا بدل اليدوي..

حد فكر او جرب يعمل الموضوع ده ... ومين احسن واحد يعمله ..

كمان فيه حاجه ..


الشكل بتاع ال 97 مش عاجبني اوى ... كنت عايز احطلها اكصدامات وعتب ال 2000 ..

عايز سعر الطقم كامل تايوانى .. اكصدامين وعتبتين ... او اكصدامين فقط لو مش هينفع عتب ..

وسعر الفانوس العدسات الامامى 2000 كام .. والعادى بتاع ال 2000 كام برضه

وبالنسبه للفوانيس الخلفي .. هل هي هي ولا بتتغير ...


...


وأخيرا بقه ... انا شرط اساسي عندى انى اركب جنوط .. ومش ناسيها .. بس الاول مستني تجربة اى حد كان معاه اوبل ... بالنسبه للعفشه ... هل عادى لو ركبت 17 عالعفشه الستوك الى فيها ولا هتتعبني واضطر اركب عفشه سبور

ولو حبيت اشتري جنوط الفيكترا الاوريجنال استيراد الى بتنزل فى ال cdx ... مقاس 16 او 17 .. بتعمل كام ؟؟؟



Thank you