الموضوع: يعنى ايه اللانسر ال 1300 عربية تانية خالص غير ال 1600 ؟؟؟؟؟

انا سمعت اكتر من مرة ان اللانسر ال1300 عربية تانية خالص غير ال 1600
انا مش فاهم الكلمة دى معناها ايه
هما مش المفروض نفس الموتور بس اختلاف فى السعة اللترية ولا الموتور مختلف فى ال1600 ؟
يا ريت حد فاهم يفهمنى اصلى لسة مشترى 1300 مانيول مكملتش شهر وكدة انا هندم انى مجبتش 1600

انا معايا لانسر 1600 اوتوماتيك وسوقت كتير 1300 مانوال
كل الى انا لاحظته
اولا الاثنين واحد فى الحجم والفرق بينهم مش صارخ اوى
بس ال1600
لو انت مشيك عادى بالعربيه يعنى مش بتشد بيها هتلاقى ان الفرق بينهم بسيط جدا ممكن متحسوش
لو انت بتشد بالعربيه هتلاقى ان 1600 عزمه احسن
لو انت ماشى على سرعه عاليه هتلاقى المتور فى ال1600 مستريح والrbm مش عالى
ال1600 ثباته احسن قليلا من ال1300 نظرا لانه اثقل فى الوزن كمان الكاوتش بتاعه 15 مش 14
+اختلاف الكماليات بين ال1600 وال1300
يعنى لو 1300 مصريه ب 1600 مصريه برضو هتلاقى ان 1600 زياده فى اير باج للسائق و فرامل abs طاره جديده +الطاره والفتيس والهاند بريك مكسى جلد كاوتش اكبر
لاخظ برضو ان الفرق بينهم 10 لاف جنيه :)