حادثة الرحاب بالامس

السلام عليكم و رحمة الله

كالعادة و ربنا ما يقطع لينا عادة العربية بتاعة ولاد خالتى ادمرت امبار ح فى حادثة قاعدين لابينا ولا علينا فى البيت فى الرحاب و لاقينا بتاع الامن بيتصل وبيقول ان العربية اتخبطت و هى مركونة المهم نزلنا لاقنا عربية بيكانتوا مقلوبة و داخلة فى العربية تويوتا كورولا و مطلعة عبرية شيفرولية لانوس و المهم ان اللى كانوا راكبين البيكانتوا الحمد ل الله محصلهمش حاجة و الشهادة ل الله عربية الاسعاف وصلت فى اقل من 5 دقائق هى و الشرطة و عربات امن بتاعة المدينة المهم رحنا النقطة عشان نعمل محضر و اكتشفت الاتى فى عربيية رينوا فولينس البااب و الرفرف اليمين الاماى مفشوح بس دا مامن بالنسبة ل التويوتا و اللانوس مش مأمنين المهم و احنا فى النقطة الشاب المستهتر صاحب العربية خالة جة من الاسماعيلة و طالب انة يتصالح عشان الولد عندة امتحان النهاردة قلنا و مالة يتصالح بس بشرط انة يصلح اللى افسدة و دمرة , و رحنا بالفعل للسوقف التجارى و جيبنا سمكرى و تمن يا عم البرنس , الراجل قال اللانوس محتاجة حوالى 9000 جنية و التويوتا محتاجة حوالى 7800 جنية

المهم الراجل قعد يتحايل على اصحاب العربيات اللى متضررة عشان نخلص و رجعنا نقطة الشرطة تانى و هناك بيقول انا معايا 3000 جنية بس هما دول اللى قدرت اتصرف فيهم من هنا ل هنا رفضنا الصلح

بس السؤال بقى عشان سمعت حاجات غربية
انة هيخرج من النيابة
و ااننا مش هناخد تعويض منة ولا اى حاجة
وان ربنا يعوض علينا

اللانوس اللى طالعة فوق الرصيف دى كانت وافقة عادى من الخبطة طلعت فوق الرصيف
اسيبكم مع الصور

http://nileup.com/up/uploads/nilemotors_13528808341.jpg
http://nileup.com/up/uploads/nilemotors_13528808342.jpg
http://nileup.com/up/uploads/nilemotors_13528808353.jpg
http://nileup.com/up/uploads/nilemotors_13528809151.jpg
http://nileup.com/up/uploads/nilemotors_13528809152.jpg
http://nileup.com/up/uploads/nilemotors_13528809153.jpg
http://nileup.com/up/uploads/nilemotors_13528810201.jpg
http://nileup.com/up/uploads/nilemotors_13528810213.jpg
http://nileup.com/up/uploads/nilemotors_13528810212.jpg

طبعا صورة البيكانتو موضحة ليه الشاب اللي كان سايقها مستهتر وماعندوش احساس بالمسؤولية ...

أحييك أنك لم تتنازل عن المحضر واستمر فيه للنهاية حتى يصدر حكم بحبس هذا البني آدم ليكون عبرة لغيره ولكي يعرف أن حدود حريته تتوقف عند حدود حرية الآخرين

ولا فيها حبس ولا حاجة وهيخرج من النيابة والتعويض 50 جنية للاسف

ربنا يعوض عليكوا بس انتوا كان المفروض متخلوش الواد يمشي ألا لما توصلوا لحل عشان كدة غالباً الموضوع هيموت ومش هتعرفوا تاخدوا منه حاجة

اتقلب ازاي ده...هو كان بيعمل ايه بالعربية
اساسا شوارع الرحاب صغيرة ومفهاش جري خالص
حسبي الله ونعم الوكيل والحمد لله ان مفيش انسان اتأذي

حسبى الله ونعم الوكيل
حسبى الله ونعم الوكيل

اللهم انتقم من كل مستهتر متهور
آدى اخرة التهور والهبل اللى كل يوم بنشوفه فى الشوارع وبنسمع عنه ونقراه فى المنتديات
أرواح ناس كل يوم بتزهق بدون وجه حق
وممتلكات ناس بتدمر قاعدين فى بيوتهم لا بيهم ولا عليهم
اللهم انتقم
حسبى الله ونعم الوكيل
ربنا يعوض عليكم

كنتوا أخدتوا ال 3000 وقلتوا مش هنتنازل غير لما تجيب الباقي
من أفسد شئ فعليه إصلاحه

لا حول و لا قوة الا بالله
اللى زى ده حلال فيه الضرب بالرصاص

لو كل واحد مستهتر عارف انه هيتخرب بيت اللي جابوه لما يبوظ عربيات الناس من التعويضات اللي يتبت فيها خلال 48 ساعه كان مشي في الشارع زي الجزمه
انما تقول ايه في القانون اللي ميعرفش غير يغرف من الناس وبس انما يجيب للناس الغلبانه اللي عربياتها اتكسرت حقها ---------- بلاش اكمل احسن

لا حول ولا قوة إلا بالله العل ىالعظيم
قدر الله وما شاء الله فعل وربنا يعوض على كل أصحاب العربيات اللى فى الحادث
يعنى بسبب واحد متهورغير متزن كام واحد يتأذى .
للأسف السبب فى دة سوء التربيه من الأهل لأنه المفروض يكون فى توعيه وتربيه
يعنى إيه سواقه ويعنى إيه أحترام الطريق والمحافظه على سلامه وأرواح وممتلكات الغير .
تانى حاجه التسيب والتساهل الرهيب فى عمليه استخراج رخصه قيادة وكلنا عارفين الرخصه بتطلع ازاى !!!!!!!!!!!!!!

اخيرا قانون المرور اللى هو شكلا وبدون تطبيق رادع على كل منحرف أو منفلت .
لأنه ببساطه أى واحد فينا لا قدر الله عند حدوث اى حادث له غالبا مش بيفكر فى أى طرق قانونيه علشان عارف انه للأسف مش هياخد أى حاجه بل بالعكس هيتبهدل .

ربنا يسترها علينا جميعا ويكفينا شر الغباء والمنفلتين والمتهورين .

الحل بسيط جداً
شوية بنزين وتولع فى عربيتة عشان ماتسويش عشرة جنية
عشان لما يشترى عربية تانية يحط عنية فى وسط راسة

هو قال مفيش معايا غير 3000ج طيب تمام ناخدهم منه ونجيب وصل امانه بباقى المبلغ ويمضى هو او خاله وتبقى معاك ضمانه هى ورقم المحضر وتروح لمحامى محترم ابن ناس وترفع قضيه عليه طالما ان الشرطه بتقولك ربنا يعوض عليك وتقول ان كان من الممكن ان انا او اى حد نموت فى الحادثه بسبب شباب طايش وساعتها المحامى هيخليه يبيع هدومه علشان يسدد باقى المبلغ انما انك تسيبه كدا يبقى عربيتك باظت وتروح من سمكرى للتانى وتصلح غير العطله غير ان العربيه مش هترجع زى الاول وهو قاعد فى بيته مرتاح ولا همه حاجه.

لا حول ولا قوه الا بالله
ربنا يعوضك ان شا ءالله خير بس فعلا ده مش لازم يتساب كده بس ده برضه بسسب تقصير الامن عندنا على الفكره انا شغال فى السعوديه ومش عايز اقولكم هنا النظام والله ماشى على الكل فى موضوع الحوادث ده بالذات يعنى الى ماعندوش تامين بيتحجز لحد مايدفع الفلوس غصب عنه

للأسف لا هتاخد حق ولا باطل ... أنا حصلت لي نفس المشكة وواحد بهدل العربية بتاعتي

وعملت له محضر من أكتر مش شهر ومفيش أي جديد ...

وعلى فكرة السمكرة في الحوادث دي أسهل حاجة المصيبة كلها بتبقى في العفشة وخصوصا

اللانوس اللي طلعت فوف الرصيف أكيد عفشتها ضاعت ...

ربنا معاك ...

خاله معاه 3 الاف جنيه قوله هاتهم كويسين ويمضي وصل امانة

لو مش عاوز يدفع اصلا غير ال 3 الاف جنيه بس

امسكوه كتفوه خدوهم منهم ولو كانت الظروف مناسبة

تمضوه بالقوة على وصولات امانة

او عالاقل تصوره بطايقهم وطبعا معاك رقم عربية الولد وتهددوه لو مدفعش التصليحات كاملة حتبعتو حد يولع في عربياتهم كلهم كده حيخافو ويفضلو علطول على اعصابهم وحيدفعلك وقتها

ال 3000 جنية دول ل كل اللى عاملين الحادثة ههههههههه مش لينا بس على فكرة و الله الموضوع مش فلوس اساسا و المشكلة فعلا الواد صعب علينا فعلا و كنت خايف علية بجد مش بهزر يعنى لما يكون عندة امتحان و هو مش وش بهدلة و لما يتحط كلبش فى ايدة و يترحل مع مجرم للنيابة هتبقى تجربة قاسية جدا علية
و انا اتكلمت مع خالة و الراجل محترم جدا و قال و دا مجرد كلام من خال الولد انة هيجيب الفلوس لما تتوفر معاه مرضاه ل الله مش حاجة و اتمنى انة يصدق

اقتباس:

---

المشاركة الأصلية كتبت بواسطة aly_moh

ال 3000 جنية دول ل كل اللى عاملين الحادثة ههههههههه مش لينا بس على فكرة و الله الموضوع مش فلوس اساسا و المشكلة فعلا الواد صعب علينا فعلا و كنت خايف علية بجد مش بهزر يعنى لما يكون عندة امتحان و هو مش وش بهدلة و لما يتحط كلبش فى ايدة و يترحل مع مجرم للنيابة هتبقى تجربة قاسية جدا علية
و انا اتكلمت مع خالة و الراجل محترم جدا و قال و دا مجرد كلام من خال الولد انة هيجيب الفلوس لما تتوفر معاه مرضاه ل الله مش حاجة و اتمنى انة يصدق

---

نفس اللي اتقال من الواد اللي خبطهالي ... معلش انا فرح اخويا النهاردة وانا هرجعهالك أحسن من الاول

لحد ما الموضوع نام وبعدين طااااااار ...

ماتصدقش حد في البلد دي ...

كيا بيكانتوا تعمل كل دة

مش هيخرج طبعا طالما في محضر وشهود
هيتحول للنياية ويتعمله قضيه للدفع للحبس
بس القضية والمحاكم حبالها طويلة

اقتباس:

---

المشاركة الأصلية كتبت بواسطة aly_moh

ال 3000 جنية دول ل كل اللى عاملين الحادثة ههههههههه مش لينا بس على فكرة و الله الموضوع مش فلوس اساسا و المشكلة فعلا الواد صعب علينا فعلا و كنت خايف علية بجد مش بهزر يعنى لما يكون عندة امتحان و هو مش وش بهدلة و لما يتحط كلبش فى ايدة و يترحل مع مجرم للنيابة هتبقى تجربة قاسية جدا علية
و انا اتكلمت مع خالة و الراجل محترم جدا و قال و دا مجرد كلام من خال الولد انة هيجيب الفلوس لما تتوفر معاه مرضاه ل الله مش حاجة و اتمنى انة يصدق

---

ناس طيبين اوي يا خال :)

ماهو الواد لو متعلمش واتحط الكلابوش في ايده هيخرج منها وبردو هيبقى مستهتر ويخبط عربية تانية وهكذا لحد مايتقرص قرصة التنين ويحط عقله في راسه ويمشي بما يرضي الله

أنتوا تتفقوا مع بعض (أصحاب العربيات المتضررة) و تجيبوا محامي شاطر و ترفعوا قضية علي صاحب العربية و تطلبوا التعويض اللي أنتوا عايزينه و كان المفروض تطلبوا توقيع كشف كحوليات علي اللي سايق علشان لو مخمور يبقي فيها سجن

اللي زي ده لازم يتربي هو و أهله

لا حول ولا قوة إلا بالله

السلام عليكم بالنسبة لموضوع تكتفوه وتضربوه والشويتين دول اقولك انها ملهاش اى لزمة بالعكس هتتحول من مجنى عليه لجانى فى ثوانى ولو مضيته على وصلات غصب والكلام دا هيمضى واول ما تسيبه على اقرب قسم ويعمل محضر بالكلام دا بردوا انت ساعتها اتحولت لجانى وموضع تحليل سكر دا بيكون فى وقتها دلوقتى خلاص الحل يامى تستعوضوا ربنا يامى ساعتها كنتوا قلتوا يا الفلوس يا الموضوع يمشى رسمى جاب الفلوس خير وبركة مجبهاش هيتحجز ويترحل للنيابة وهيخرج من هناك الى استفدته بس انا بيته ليلة فى الحجز ورحلته على النيابة لكن بعد كدة هيطلع ولا هتاخد حق ولا باطل دا الى قدامك غير كدة مفيش والسكة الرسمى والمحامى ولا هيعملولك حاجة من الاخر لو طالبه معاك رخامة هى ليلة فى الحجز
سامحنى على كلامى بس والله دا الواقع ومش هتعرف تعمل اكتر من كدة مهما حاولت

لازم يكون فيه حل
الناس كده هتكفر بالقانون !!!!

اقتباس:

---

المشاركة الأصلية كتبت بواسطة see you

السلام عليكم بالنسبة لموضوع تكتفوه وتضربوه والشويتين دول اقولك انها ملهاش اى لزمة بالعكس هتتحول من مجنى عليه لجانى فى ثوانى ولو مضيته على وصلات غصب والكلام دا هيمضى واول ما تسيبه على اقرب قسم ويعمل محضر بالكلام دا بردوا انت ساعتها اتحولت لجانى وموضع تحليل سكر دا بيكون فى وقتها دلوقتى خلاص الحل يامى تستعوضوا ربنا يامى ساعتها كنتوا قلتوا يا الفلوس يا الموضوع يمشى رسمى جاب الفلوس خير وبركة مجبهاش هيتحجز ويترحل للنيابة وهيخرج من هناك الى استفدته بس انا بيته ليلة فى الحجز ورحلته على النيابة لكن بعد كدة هيطلع ولا هتاخد حق ولا باطل دا الى قدامك غير كدة مفيش والسكة الرسمى والمحامى ولا هيعملولك حاجة من الاخر لو طالبه معاك رخامة هى ليلة فى الحجز
سامحنى على كلامى بس والله دا الواقع ومش هتعرف تعمل اكتر من كدة مهما حاولت

---

اختلف معاك الحق بالدراع اسهل واسرع وسيلة وطبعا مش حيكتفوه ادام الناس مع زفة بلدي يعني

اكيد حيستدرجوه على جنب ويمضي على وصولات امانة بكل سهولة..... ووقتها لو اشتكى انهم كتفوه يقول اللي هو عاوزه فين الدليل؟

ده كمان حيرفعو عليه قضية نصب ونية للتهرب من الدفع وكمان حيدفع مصاريف المحكمة والمحاماة. لان بكل بساطة القاضي ملوش دعوة بأي حاجة غير الورق الرسمي

واللي حيكون موجود قدام القاضي امضاء الراجل على وصل الامانة واي كلام تاني حيبقى دردشة

معليهاش اي دليل

ده يتمسك ومكنش روح خالص ويروح عليه الأمتحانات عشان يعرف ان الله حق
اللانوس شكلها ضايع من ورا والحيوان التاني بتاع البيكانتو عربيته شكلها مش متبهدل قوي

بصراحه الموقف لو حصل معايا هي بتر بنزين من الخرطوم ويترش علي العربيه بتاعته ويروح يلحق يزاكر

قدر الله وما شاء فعل

اقتباس:

---

المشاركة الأصلية كتبت بواسطة hany63

لو كل واحد مستهتر عارف انه هيتخرب بيت اللي جابوه لما يبوظ عربيات الناس من التعويضات اللي يتبت فيها خلال 48 ساعه كان مشي في الشارع زي الجزمه
انما تقول ايه في القانون اللي ميعرفش غير يغرف من الناس وبس انما يجيب للناس الغلبانه اللي عربياتها اتكسرت حقها ---------- بلاش اكمل احسن

---

البلد باظت فعلا

لا حول ولا قوة إلا بالله
استهتار فراي ..

انت ممكن لو الواد دة مش من سكان الرحاب ترفع قضية على الرحاب لأن اى حد بقى يخش

انا لو منك مكنش اسيب الواد الــ......دا ولا خاله وميروحوش ولا امتحان ولا بتنجان يقعد ويصلح ما افسده
عالم قليلة الادب ومتهوره فعلاً الرك عالتربيه وعدم احترام الاخرين