الموضوع: هيونداي ألنترا md مع بنزين 95 - أستمتع بالطريق

طريقة سرد الموضوع ممتعة

مع تحفظى شوية على التمجيد فى الالنترا لدرجة انى حسيت انها عربية من غير عيوب بس طبعا الحمد لله ان حضرتك شايفها ممتازة كده .. ديه اهم حاجة و الله ان الواحد يبقى مقتنع بعربيته لأن اكيد كل عربية و ليها عيوبها مفيش حاجة كاملة فأحلى حاجة ان الواحد يبقى حاسس انه مستمتع بعربيته و بتديه كل اللى عايزه و ان العيوب مش مؤثرة على استمتاعه بالعربية

و للاسف اهو الـ 95 مش هينفع نجربه تانى .. ربنا يخلى لنا الفكر الرجعى اللى هيجيب البلد لورا

و شكرا على التقرير الممتع

المشاركة الأصلية كتبت بواسطة mohab.nabil

طريقة سرد الموضوع ممتعة

مع تحفظى شوية على التمجيد فى الالنترا لدرجة انى حسيت انها عربية من غير عيوب بس طبعا الحمد لله ان حضرتك شايفها ممتازة كده .. ديه اهم حاجة و الله ان الواحد يبقى مقتنع بعربيته لأن اكيد كل عربية و ليها عيوبها مفيش حاجة كاملة فأحلى حاجة ان الواحد يبقى حاسس انه مستمتع بعربيته و بتديه كل اللى عايزه و ان العيوب مش مؤثرة على استمتاعه بالعربية

و للاسف اهو الـ 95 مش هينفع نجربه تانى .. ربنا يخلى لنا الفكر الرجعى اللى هيجيب البلد لورا

و شكرا على التقرير الممتع

متشكر جدا علي كلامك و فعلا أهم حاجة هي أن ترضي عن نفسك أولا و عن مقتنياتك و تكون قانعا بما قسمه الله لك أولا و باختياراتك ثانيا

طبعا مافيش حاجة مالهاش عيوب - الكمال لله وحده
لكن زي ما حضرتك قولت طالما أنك مستمتع بالمزايا اللي أنت شايفها مزايا في طريقة أستخدامك يبقي أكيد هاتقدر تغطي العيوب اللي فيها

المشاركة الأصلية كتبت بواسطة semsem kane

معلش ياباشا انا عايز اقول حاجة هو فعلا فية تجربة اتعملت من المنتدى وكانت من ضمنها فيات لينيا تيربو 120 حصان ةعربيات هيونداى كلها اتظبطت فى الشداية دية وغالبا كان موجود هيونداى النترا 2012 , 2010 وعربيات تانية
التجربة ماكنش فيها ألنترا 2012 خالص (هو انا مجنون أهين عربيتي أو أبهدلها و هيا كانت لسه في مرحلة التليين) التجربة كان فيها (ألنترا 2010 - فيرنا - تيدا - لينيا)
و الالنترا 2010 كانت ورا التيدا علي طول و تقدر تسأل يوكو و محمود عفيفي اللي يومها طير مراية سيفيك



ثانيا : معلش ياباشا انا بالذات فى هيونداى ماباخدش بالارقام بتاعتهم خالص لانى بحس انها غير الواقع تماما
عادي أنت حر تأخد او ما تاخدش أنا عن نفسي هأصدق شركة هيونداي اللي قدرت انها تعمل عربية تحقق كل المبيعات دي في أوروبا و أمريكا (اللي بيركبوا عربيات أمريكي و اوروبي وااااااو)




عموما ياباشا الهيونداى زى ماحضرتك قولت عربية مش race car دية عربية لل city use

وبردة ياجماعة بنتمنى عدم المبالغة فى السيارة لانها مش bmw انا الصراحة ومن غير زعل

اكتر قسم بلاقى فية كلام بمبالغة غريبة هو قسم هيونداى وتحديدا عن الالنترا 2012 بسمع كلام غريب كأننا مابنعرفش نسوق ولا بنفهم عربيات
ماحدش قال أنكوا مش بتفهموا في العربيات و لا بتعرفوا تسوقوا لكن أنتوا مش عايزين تصدقوا أو تقتنعوا ان العربيات الكوري طالعة للقمة و بسرعة و دي مشكلتكوا



عربية مش عارف استهلاكها 5 لتر / 100
فعلا دي حقيقة أومال لو عرفت أني عملت بيها 4.7 لتر / 100 كم هاتقول ايه ؟


و بتوصل ل200 فى لمح البصر
بتوصل لل 200 كم/س و تعديها لكن مش في لمح البصر و لا حاجة هيا ممكن تطلع من 140 لحد 180 فعلا بسرعة جدا لكن بتغيب بعد كده لحد ال 200


ثباتها خرافى على سرعة 200 كيلو وغرز عادى جدا ولا الهواء
ثباتها معقول لكن مش خرافي و لحد 180 كم/س بعد كده بيكون فيه صعوبة في التحكم فيها
أما الغرز علي 200 مافيش حد قال كده أو عمل كده أو انا شخصيا ماشوفتش علي الطريق حد عمل كده

اللي شوفته هوندا سيفيك أخد غرزة علي طريق الاسماعلية في رمضان اللي فات علي حوالي 140 و العربية طارت في الهوا و أتقلبت علي جنبها و أتكسرت و اكصطدامها طار و دخل كسر لي الكارتيرة البلاستيك


نعومة عفشة ماحصلتش
عن تجربة و مقارنة بالكورولا .... أه و ده مش كلامي بس
ده كلام الخبير العالمي (م/ خالد عمر - سبعاوي) اللي ساق الالنترا
و كلام (تريبل درش) اللي كان معايا امبارح و أحنا في العجمي بمطباته


خامات سوبر وتحفة
هيا مش سوبر و لاتحفة و لاحاجة و لكنها عادية زيها زي باقي العربيات اللي نازلة حديثا انا ماشوفتش الخامات الواو اللي بيحكوا عنها في الاوكتافيا و لا حتي الهوندا و ماتنساش أنه كان معايا 2 كورولا و ياريس يعني عارف يعني أيه خامات و تقفيل


/ فرامل ممتازة ورهيبة
الفرامل فعلا ممتازة و ده عن كذا تجربة و كذا موقف و برضه أمبارح جربتها علي الطريق و أنا علي 160 و العربية سرعتها نزلت بشكل سريع دون أن تفقد أتزانها و كان معايا مصطفي و قال أومال ايه اللي بيقولوه عن العربية ده


/ وسع رهيب وتشيل فيل مستريح
بصراحة هيا دي كدبة مش لدرجة فيل لأ هيا تشيل 3 مش واحد بس
ههههههههههههههه


/ شكل وتصميم سابق عصرة ب30 اربعين قرن قدام
هانشوف بعد 40 سنة بس يديك و يدينا طولة العمر


/ سعر قطع غيار عند البقال ونسمع الاسعار نلاقيها اغلى من اليابانى
كان فيه موضوع فيه جدول بأسعار قطع الغيار و أنا نزلت مقارنة به اسعار قطع غيار الالنترا , مازالت ارخص بكثير بالرغم من أرتفاعها عن الموديلات السابقة , و ياريت تكلمنا عن اسعار قطع غيار الهوندا و عن توافرها


/ اعتمادية فوق الوصف والعربية ممكن تقعد سنين من غير ماتغير غير الزيت والفلتر
ايه رأيك في الاكسيل و الاكسنت و الالنترا موديل التسعينات اللي ماشية الي الان في الطرق المصرية
و ايه رأيك في عربيتين ألنترا عندي في الشغل بقالهم أكثر من 30 ألف كيلو ماغيروش زيت (شل ألترا) و لا فلتر و و لا ربطو عفشة و لا بيكشفو علي كاوتش و لا تيل فرامل و لا اي حاجة و العربيات ماشية زي الفل


واللى بنشوفة عطلان على الطريق دة حالات فردية صح ولا غشومية سواقة ؟؟؟؟
طيب لما نشوف هوندا و لا تويوتا و لا نيسان و لا فيات و لا لانسر واقفة يبقي ده ايه ؟
هيونداي متنكرة ؟


/ فتيس سلس وناااااااااااعم جدا وبيفهم السائق هو عايز اية قبل مايفكر يدوس على الدواسة وهو اصلا فتيس متخلف ومش عارف اصلا هو فتيس اتوماتيك ولا مانيوال
فعلا فتيس ناعم و سلس و بيديك أحسن أداء للمحرك و أحسن أستهلاك للبنزين مش عارف منين أنت حكمت أنه متخلف و لو أنت مش عارف أنه اوتو و لا مانيوال أنصحك تدخل القسم التعليمي علشان تعرف الفرق أو تيجي مقابلة هيونداي تيم و أحنا نقولك يعني أيه فتيس ....




معلش اعذرونى بس ياجماعة مش معقولة العربية ب170 الف بعد السرقة
هو مش كان فيه هوندا أتسرقت برضه و كنتوا عاملين عليها محزنة و القسم كان مغلق للحداد عليها و لا أنا مش فاكر


وفيها كل دة يأما الناس اللى بتشترى العربيات اللى ب300و 400 الف دول مش فاهمين يعنى اية عربيات او بيضحك عليهم , يأما الناس بتاعة الكورى ماركبتش عربيات قبل كدة عشان يطلعة كل المميزات دية فية عربية واحدة
اللي ركبوا كوري ركبوا عربيات و عربيات ممكن ناس كتير ماتسمعش عنها لكن هما عارفين كويس هما بيعملوا أيه و لما واحد كان راكب سيفيك يبيعها علشان يشتري ألنترا و فئة أولي اكيد هو عارف هو عايز أيه و بيعمل أيه و مش عايز يرمي فلوس زيادة في الشارع



امال بتقولوا غالية لية وهية فيها كل المميزات دية ؟؟؟؟؟؟؟؟؟؟؟؟؟ دية صفقة رابحة ياخوانا

والعربية لحد 2020 سعرها زى ماشتريتة هتبيع بية واحتمال تبيعة اغلى , ارحمنا يارب

ربنا يستجيب منك و يرحمنا فعلا برحمته و من اللي مش عارفين و اللي بيقولوا أي كلام عن حاجة هما مش عارفينها أو مش عايزين يعرفوها

و لك كل تحياتي و تقديري