مساعدة مستعجلة فى تغيير مياه الردياتير بميه خضرا

السلام عليكم

كان عندى سؤال من فترة كان حصلت مشكلة فى المروحة و العربية سخنت و الردياتير فضى بس ربنا ستر الحمد لله

بعد كده وديت العربية عند واحد بتاع ردياتيرات فك الردياتير و القربة و غسلهم من بره و جوه و كله تمام و كنت جايب معايا ميه خضرا موبيل تركيز 33% و مرضيش يحطها غير بعد يومين علشان لو فيه مشكلة فى الردياتير الميه الخضرا متروحش على الفاضى.

أما روحتله علشان أحط الميه الخضرا قاللى الميه مركزة و هنحط نص ميه عادية و نص ميه خضرا و فى الردياتير بس و القربة ميه خضرا زى ما هيه !!!!

هل الكلام ده صح و لا أرجعله و أخليه ينزل الميه و يملى الردياتير و القربة كاملين بميه موبيل الخضرا تركيز 33% ؟؟؟

الراجل ده كفتجى
المفروض الميه الخضراء تتزود ميه مقطره فقط لانها خاليه من الاملاح
انما اللى هو عمله كده كأنك ولا اشتريت ميه خضرا ولا حاجه

أيوه يعنى كده أنزل المياه كلها و أحطها كلها ميه خضرا موبيل 33% و لا أخلط خضرا على مقطرة ؟؟

حد يعبرنى يا رجالة ..أنا ماشى بالعربية و أنا مقلق من اللى فيها ده !!

اولا لا تقلق الموضوع سهل ثانيا لو رجعنا لكتالوج العربيه حتلاقيه بيقولك مياه ردياتير تركيز لا يقل عن 35 فى الميه اللى هو مش موجود واقرب حاجه ليه هى مية موبيل ال33 نزل الميه وحط موبيل وسيبك من كلام الراجل خالص ومتخافش مفيش حاجه حتحصل فى يومين تلاته

اقتباس:

---

المشاركة الأصلية كتبت بواسطة megaman

اولا لا تقلق الموضوع سهل ثانيا لو رجعنا لكتالوج العربيه حتلاقيه بيقولك مياه ردياتير تركيز لا يقل عن 35 فى الميه اللى هو مش موجود واقرب حاجه ليه هى مية موبيل ال33 نزل الميه وحط موبيل وسيبك من كلام الراجل خالص ومتخافش مفيش حاجه حتحصل فى يومين تلاته

---

تمام كده يبقى أنا هرجع للراجل المتخلف اللى غيرلى المياه و أخليه ينزل كل الميه و أحط فى الردياتير و القربة ميه موبيل ...ربنا يرحمنا من تخلف الصنايعية بقى:breakpc2:

اقتباس:

---

أيوه يعنى كده أنزل المياه كلها و أحطها كلها ميه خضرا موبيل 33% و لا أخلط خضرا على مقطرة ؟؟

---

حط الميه الخضرا كلها وزود عليها ميه مقطره بس