الموضوع: ايه رأيكم فى اللى حصل قالمترو النهارده

المشاركة الأصلية كتبت بواسطة besso

هى الفكره مش فى حقوقهم الفكره فى انهم عايزين يصلحوا من حال المترو

بس فعلا فعلا المترو بقى حاله صعب اوى وكله اهمال

هما كانو بيجددوا محطه شبرا الخيمه من فتره ولسه مخلصين
عايز اقوللك ايه العك ده
رخام على بلاستيك وسور حديد معفن ومش مدهون حتى وعمدان نور شكلها زباله
المحطه اصلا بقى نصها قديم ونصها جديد

هو فيه إهمال بصراحة
دلوقتي لما كرسي في المحطة يتكسر أو يبوظ بتلاقي مكانه فاضي ومبيتجابش غيره

المشاركة الأصلية كتبت بواسطة a.saad

اللى شايف انهم عملوا ثورة مصغرة شايفين ان عندهم فساد واهمال من القيادات العليا يعنى نفس احداث الثورة معترضين ليه برده ايام الثورة ناس قفلت شغلها وناس قعدت عن العمل نفس اللى حصل فى المترو

معترض أيوة ومن حق الكل يعترض

لو الإضراب استمر أسبوع في المترو ناس كتير هتاخد الأسبوع ده اجازة لأنهم ببساطة مش هيعرفوا يوصلوا شغلهم، سواء بيستعملوا المترو ومبقاش موجود أو مبيستعملهوش وطرقهم بقت مقفولة
مفيش مجال للمقارنة بين المترو اللي لو وقف، القاهرة الكبرى هتقف بسببه وبين ميدان التحرير
وبعدين هما عايزين يشيلوا رئيسهم الفاسد --ده جدلا يعني، الله أعلم هو كويس ولا لأ-- يوقفوا حال كذا مليون؟!

وبعدين المكن الي بايز هو مكن الخروج بس مش الدخول

يعني اي حد لازم يقطع تذكره يدخل بيها انما يخرج ف مش لازم يخرج بيها

المشاركة الأصلية كتبت بواسطة mazagangee

ده كلام غير قانوني و غير صحيح
الاضراب و المظاهراات و الاعتصام حق قاوني

اسمًا نعم
لكن على أرض الواقع --على الأقل في دول معينة في أوروبا-- بيصيغوا العقود بشكل يمنع الإضراب والاعتصام في مكان العمل
وحضرتك اسأل أي حد عايش برة يقولك
وكله "قانوني"

وبعدين في حاجة مهمة: مسمعتش أبدا إن موظفين خطوط الجو الاسترالية أو الأيرلندية (والاتنين عندهم مشاكل بالهبل وشبه أفلسوا) مسمعتش إن أي حد فيهم عمل مظاهرة أو اعتصم أو أضرب عشان خاطر عايزين يمشوا رئيس شركتهم اللي غرقها وتسبب في إفلاسها!!!
ولا حصلت إن اعترضوا لما نقصوا المرتبات اللي هي أكل عيشهم في بداية الأزمة الاقتصادية العالمية وده اتطبق على كل شركات الطيران بلا استثناء تقريبا


ولا حصلت قبل كدة في أي مكان إن عمال أو موظفين كانت من مطالبهم إن رئيس شركتهم يمشي
ويا كدة يا هوقفوا المراكب السايرة
اللي حصل ده بلطجة وشغل عيال صغيرة

سمّه ما شئت لكن هو في حد ذاته غير قانوني
ولو عندنا نائب عام محترم كان جابهم بربطة المعلم وعملهم قضية تعطيل مصالح وممتلكات حكومية
وبالقانون ياأفندم