الموضوع: نفسي افهم البنزين والغاز راحو فين

المشاركة الأصلية كتبت بواسطة misoalex

طب طالما كده احنا بنصدر غاز وبترول ليييييييه
حد يقوللى ليه
ولا هو احنا نجى على المواطن اللى طافح الدم ونقفله محل اكل عيشه بدرى ونسيب الغاز والبترول يتصدر ويتهرب وكله عشان خاطر عيون الحبايب ؟؟؟

مبنصدرش بترول
إحنا بنستورد البترول
بالإضافة لبعض الإنتاج القليل اللي بيسد نسبة من إحتياجاتنا
وخلال سنوات تعد على الأصابع سيكون إحتياطي مصر من البترول صفر ونستور 100% من إحتياجاتنا من البترول
وهذا سيحدث لو كان مرسي أو عباس أو غيره في الحكم

الغاز الطبيعي المفروض كنا بصدره للأردن وإسرائيل من أيام السجين مبارك
ومرتبطين معاهم في إتفاقيات

يقال إن تصدير الغاز وقف
لكن لا أصدق هذا الكلام


-

المشاركة الأصلية كتبت بواسطة misoalex

ازاى مبنصدرش بترول يا باشا امال شركات البترول الاجنبيه جايه مصر تعلمنا ازاى نطلع بترول ؟؟؟؟

بالظبط كده
ياريتهم جايين يعلمونا إزاي نطلع البترول
دول جايين يطلعولنا البترول مقابل حصة في البترول
حصتهم في البترول بيعملوا فيها اللي هما عايزينو

لكن الجزء بتاعنا مبنصدرش منه كباية واحدة
كله بيتم طرحه في السوق المحلي وبرضه في عجز
وبنستورد فوقه كمية من الخارج لسد الإحتياجات

كنا زمان زمان زمان بنصدر كمية بسيطة
لكن كان زمان وجبر

وجت فترة صدرنا شوية مازوت لما إستخدمنا الغاز
وبعد فترة صدرنا الغاز لإسرائيل وبعتنا المازوت لمحطات الكهرباء

المشاركة الأصلية كتبت بواسطة misoalex

وعلى فكره موضوع ان مصر مفيهاش بترول والاحتياطى حيخلص ده شغل افتكاسات واشتغالات من الحكومه عشان محدش كان يدور وراها ولا يعرف بترولنا بيروح فين زى الاشتغاله بتاعه الغاز مبيتصدرش كده بالظبط

يا ريت كان الكلام ده صح على الأقل نرتاح نفسياً

لكن مش هيفيد إننا نضحك على نفسنا

الإحتياطي هيخلص هيخلص
ولابد نعد لذلك من الآن

على الأقل نبدأ بإنشاء عدد من المحطات النووية على التوازي
والضبعة معدة لينشأ عليها تسعة محطات نووية

لأن المشكلة الحقيقية مش العربيات
المشكلة الحقيقية في محطات الكهرباء اللي كانت بتقطع علينا كلنا السنوات الماضية بسببين

السبب الأول والمسموح بمناقشته في الإعلام بحرية جداً هو زيادة الأحمال

السبب التاني هو عجز الوقود وتشغيل بعض المحطات التي بنيت لتعمل بالغاز يتم تشغيلها بالمازوت وبالتالي تعطي نسبة من قدرتها

بعد عشر سنوات الوضع هيبقى إيه لو مفيش محطات نووية ؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

هو ده التفكير الصح

غير كده يبقى بندفن راسنا في الرمال

-

ahmed1981 شكرا على التوضيح بس معنى كده ان برضه اننا فيه نسبه من البترول بتاعنا بيطلع بره واظن النسبه دى تكفينا وتغنينا عن الاستيراد طب ليه سايبين الشركات الاجنبيه دى تمص فى خيرنا واحنا اصلا بنستورده منهم او من اى دوله اخرى حسب الاتفاقيات وخلافه

احنا ليه ماشيين بنظام ودنك منين يا جحا على طول كده ؟

وبعدين فى فرنسا مثلا مفيش حاجه اسمعا عربيه تمشى بالبنزين كللللللله سولار والرينو والبيجو هناك سولار وده حاجه كويسه فى ان عندك وقود من نوع واحد البلد كلها بتحط منه ولا تقوللى بنزين 80 ولا 90 ولا 92 ولا 95 وكمان سولار يعنى الحكومه على كلامها اللى عماله تزلنا بيه انها بتدعم كل الشرائح دى
طب ليه ميحصلش زى اى دوله محترمه ونبتدى نعدم العربيات القديمه اللى عامله زى بلاعه البنزين ونستورد عربيات جديده تمشى بالسولار او بنزين 92 مثلا وكده فى ظرف 10 سنوات مثلا حيبقى كل عربياتنا سولار او بنزين 92 مثلا وكده هو نوع واحد من الوقود بس اللى حيتم دعمه والباقى يتصدر او نعمل مبادله نديهم اللى مش بنستعمله وناخد بداله اللى احنا عندنا عجز فيه

بص اللى شايفه ان فيه افكار كتيييييير ممكن تتعمل لكمن للاسف يبقى الوضع كما هو عليه