سؤال لمحترفى الفيرنا

**arshidoc** · 18-11-2012 03:41 AM

انا أسف يا جماعه على التأخير ده بس ظروف الشغل .........
المهم انا جربيت اللى حضراتكم قلتوا عليه و فضل الوضع كما هو ...... فقلت يبقى لازم اشوف الميكانيكى ..... و فكينا البوابه و كانت الصده الكبرى
.
.
.
البوابة مكسوره .......
.
.
فطبعا انا بلمت و رضخت للأمر الواقع و سلمت امرى لله و اشتريت بوابه و انا زى الشاطر ......... ب 300 جند من عند البنا .............
.
.
.
بس لما ركبت البوابه حاسس ان العربيه عاليه على السلانسيه لدرجة انى لما برفع رجلى من على الدبرياج من غير ما المس البنزين العربيه بتمشى ........
تقولش اتوماتك ..... طبعا مش دافع فيها 300 جنيه .......
.
.
ايه العمل يا فرناويه ........... ؟؟؟؟؟؟؟؟؟؟؟
أه نسيت اقول لكم ان الواد الصبى لاقيته بيحوم كده حوالين البطاؤيه قمت ماسكه من قفاه و قلت له هو انت فكيت الكابل و لا ايه ؟؟؟؟ و وشه جاب ميت لون .............. فهل ده ممكن يكون السبب ؟؟؟
و لو كان يبقى ايه الحل؟؟؟

**m7mda7md** · 18-11-2012 09:31 AM

طبيعي في الفيرنا انك اول ما تشيل رجلك من علي الدبرياج العربيه تمشي.... لو ال rpm اعلي من الطبيعي من تنقصه عن طريق المسمار ال الشباب وصفولك مكانه في مشاركه سابقه

**amrelsaqqa** · 18-11-2012 11:18 AM

هو الواد ممكن يكون شال كابل البطارية عشان يعمل زي idle learn
يعنى يخلى الكمبيوتر يتعرف على البوابة من جديد و يظبط البنزين على حسب كمية الهوا اللى داخلة

**arshidoc** · 18-11-2012 02:57 PM

هو انا معنديش rpm لأن العربيه مش كامله ........... طب هو لو اتعمل الايدل ليرن ( هو بيتعمل ازاى الأيدل ليرن ده ؟؟ انا سمعت عنه كتير بس عمرى ما قابلته )
ممكن يتعرف على البوابه و لو فضلت عاليه يبقى أوطى من المسمار اللى حضراتكم قولتوا عليه ؟؟؟
و لا احطها على جهاز كشف الاعطال ؟؟ و لو كده هو ممكن الجهاز يبين اذا كان عيب البوابه و لا اى واحد من الحساسات ؟؟؟