مساعدة عاجلة من الاخ سامح والاعضاء المحترمين بخصوص شراء هوندا سيفيك 92

**AHMED_HAMDY** · 15-11-2012 03:46 PM

92 هاتش باك هتسمع اسعار خياليه ومش تفكر فيها لانها نادره جدا والنادر اكثر انك تلاقي اللي معاه بيبيعها
انا واحده كتباعه قدامي ب 52000 وعليها مكنه 1500 فتيك واما بقول للي شاريها قالي انا دافع من 5000 ل 6000 زيادده بس عايز اركبها وكفايه ان دي نضيفه !!!!!!!!
وما شاء الله معاه بقالها سنتين ونص وعمره مهيفكر يبيع على لامه

الهاتش اللي قصدك عليها دي ممكن تكوت ال 91 شكلها ببقى اكنها 4 باب بس هيا 2 باب

مفيش سيفيك هاتش 4 باب !!

**SAMEH_FOUAD** · 15-11-2012 04:14 PM

المشاركة الأصلية كتبت بواسطة f.omar

اهلا بيك يا متخصص الهوندا
بالنسبة للفرق بين ال el وال ex & Si مفيش فيها ار بي ام وبتبقي زجاج عادي مش كهربا ومفيش احزمة امان ورا ومفيش سماعات خلفية
كلامي صح وياريت تضيفلي فروقات المكنة او تكتب الفرق بين التلاته من اول بقي :))

1- مافيش rpm

2- مافيش سماعات خلفية هما اتنين امامين بس

3- الشنطة مش بتتفتح على الصالون زى ال ex

4- مقابض اليد اللى فى السقف ثابتة

5- المفروض انها بتنزل مرايات مانيوال مش اوتو

6- العربية بتنزل مانيوال مش اوتو زى 90% من ال ex

7- بتبقى ابوابها اوكر مش زراير بس دية متعدلها

8- مش هتلاقى حامل اكواب

المشاركة الأصلية كتبت بواسطة f.omar

انا بعتلك رسالة علي الخاص يا سمسم

تم الرد ياباشا

المشاركة الأصلية كتبت بواسطة f.omar

طب السيفيك الهاتش باك او الكوبيه بتبقي ارخص من السيدان ال 4 باب ولا اغلي وفيه فرق في مساحة الشنطة جامد بين الاتنيين؟؟؟ وفيه هاتش باك 4 باب؟

سعرها اغلى من ال ex , وطبعا فرق فى مساحة الشنطة كبير جدا

مافيش هاتشباك 4 باب كلها اتنين باب

**م/اكرم** · 15-11-2012 07:51 PM

المشاركة الأصلية كتبت بواسطة f.omar

سلام عليكم
الاخ سامح والاعضاء الكرام
عايز مشورتكم ورائيكم ومستعدتكم ان امكن
انا هقولكم ظروفي وانتوا فيدوني برأيكم
انا معايا 33 اول عن اخر وعايز اركب سيفيك 92
استخدامي قليل خالص ومش هسافر بيها غير نادرا
مفيش امكانيه حاليا لشد السيارة او تصليحها ان وجد بها اي عطل كبير
الفكرة من الشراء اني لما افوق من شوية حوارات عندي هلاقي اني معايا عربية سيفيك
وهبتدي اظبطها واحده واحده
عايز اسمع رأيكوا

اهلا بيك معانا ياباشا.... انا رأيي انك طالما بتقول مش هتحتاجها قوي الفتره الجايه يبقى تستنى وتستحمل شويه عشان تركب حاجه كويسه ..... يعني انت فرقك عن ال si حوالي 10000 ج بس....حرام تجيب عربيه نص لبة وتصرف عليها عشان تخليها عربيه ....وقفة الصنايعيه رخمه جدا...دا غير انك هتمشي بيها قلقان انها تغدر بيك ف اي وقت....وربنا يوفقك للخير :)