سلام عليكم
الاخ سامح والاعضاء الكرام
عايز مشورتكم ورائيكم ومستعدتكم ان امكن
انا هقولكم ظروفي وانتوا فيدوني برأيكم
انا معايا 33 اول عن اخر وعايز اركب سيفيك 92
استخدامي قليل خالص ومش هسافر بيها غير نادرا
مفيش امكانيه حاليا لشد السيارة او تصليحها ان وجد بها اي عطل كبير
الفكرة من الشراء اني لما افوق من شوية حوارات عندي هلاقي اني معايا عربية سيفيك
وهبتدي اظبطها واحده واحده
عايز اسمع رأيكوا
ان شاء الله ربنا يحققلك حلمك وتبقى هونداوي ونتشرف ببيك هنا علطول
انا شايف ان المبلغ ممكن قليل لانك دلوقتي بالسعر ده هتبص على الفئه ال ex
دي بتنزل في الاغلب بمكنه 1500 كربراتير ومن غير فتحه سقف ومانوال و الزجاج مانوال غير لو صحبها مثلا مغير بيبان وقالب كله كهرباء
ده اللي انت مفروض تدور عليها ممكن تلاقي بس انك تلاقيها فبريكه دواخل بالسعر ده صعبه او انهامحتاجه تمشي هتلاقي اعطال كثيره هتطلعلك فيها علشان السعر ده
انا مش بعجز حضرتك بس ممكن تلاقي بس قليل ان حد عايز يبيع باي سعر
حضرتك ان شاء الله اما تركب هتحس انك مش هتعوز تنزل من العربيه دي خااالص بجد
فلي هيبيع بسعر ده هيطون زهقااان منها ومن حاجه معينه وعايز يخلص فهيبيع بسعر قليل زي ده !!!!
وان شاء الله تلاقي حاجه كويسه يا رب
بالسعر دا صعب تلاقى حاجة 92 حالتها كويسة
لو قدرت تزود المبلغ شوية ممكن تجيب ex ان شاء الله
ياجميل صعب تلقي بي المبلغ ده خالص
ولو لقيت هتلقيها كنبة جدآآآ ومش هتعرف تمشي بيها خالص لغاية السوبر ماركت
اذا كان العربية الي تلقي صحبها طالب فيها 50 الف تلقيها كنبة بس هو طالب 50 علشان العربية فتحت منه علي اخرها فا تخيل بقا لو جبت هوندا سيفك بي مبلغ 33 الف هتبقا عاملة ازاي ؟؟؟؟؟؟؟؟
ارشحلك الجولف 2 وقطع غيارها والماتور بتعها ارخص مليون مرة من الهوندا سيفك وعربية جمييلة والماني
اولا اهلا بيك ياباشا
طبعا زى ماتكرموا الاخوة الاعضاء السعر دة مايجيبش ex حالتها كويسة ولو جيبت سعر 33 الف جنية هتلاقيها خلصانة على الاقل محرك
فانت ممكن تدور على el اعلى سعر فيها بيكون 38 الف جنية للنظيف اوى والحالة الكويسة بيكون 35 الف جنية , انت ممكن 33 الف جنية دول تدور على واحدة هتكون محتاجة مصاريف بس ماشية وتمام
شكرا يا باشا كلامك مظبوط 100% بس انا استعرضت كل الانواع اللي ممكن اركبها بالتمن ده وملقيتش حاجة عجباني مستخسر الفلوس والله فقلت مفيش الا الهوندا والفكره اني عليا شوية التزامات وديون لما افوق منهم هلاقي معايا عربية هوندا هبتدي ابقي افوقلها واشدها وانتوا معايا بنصايحكم بردو ولا رأيك ايه؟اقتباس:
المشاركة الأصلية كتبت بواسطة ahmed_hamdy
ارخص مليون مرة؟؟؟؟ هيا السيفيك قطع غيارها مرسيدس اوي كده :))اقتباس:
المشاركة الأصلية كتبت بواسطة wassof
انا بس وجهة نظري المتواضعة اني هجيبها ولو ركنتها شوية مش مهم لحد اما افوق لها لان احتياجي ليها مش ضروري جدا الفترة دي فبدل ما افوق الاقي معايا جولف2 لأ هلاقي سيفيك مفيش مقارنة طبعا ولو فيها حاجة هصلحها وللاسف المبلغ مينفعش يزيد عن كده :) ربنا يكرم بقي....
اهلا بيك يا متخصص الهوندااقتباس:
المشاركة الأصلية كتبت بواسطة semsem kane
بالنسبة للفرق بين ال el وال ex & Si مفيش فيها ار بي ام وبتبقي زجاج عادي مش كهربا ومفيش احزمة امان ورا ومفيش سماعات خلفية
كلامي صح وياريت تضيفلي فروقات المكنة او تكتب الفرق بين التلاته من اول بقي :))
انا بعتلك رسالة علي الخاص يا سمسم
طب السيفيك الهاتش باك او الكوبيه بتبقي ارخص من السيدان ال 4 باب ولا اغلي وفيه فرق في مساحة الشنطة جامد بين الاتنيين؟؟؟ وفيه هاتش باك 4 باب؟
92 هاتش باك هتسمع اسعار خياليه ومش تفكر فيها لانها نادره جدا والنادر اكثر انك تلاقي اللي معاه بيبيعها
انا واحده كتباعه قدامي ب 52000 وعليها مكنه 1500 فتيك واما بقول للي شاريها قالي انا دافع من 5000 ل 6000 زيادده بس عايز اركبها وكفايه ان دي نضيفه !!!!!!!!
وما شاء الله معاه بقالها سنتين ونص وعمره مهيفكر يبيع على لامه
الهاتش اللي قصدك عليها دي ممكن تكوت ال 91 شكلها ببقى اكنها 4 باب بس هيا 2 باب
مفيش سيفيك هاتش 4 باب !!
1- مافيش rpmاقتباس:
المشاركة الأصلية كتبت بواسطة f.omar
2- مافيش سماعات خلفية هما اتنين امامين بس
3- الشنطة مش بتتفتح على الصالون زى ال ex
4- مقابض اليد اللى فى السقف ثابتة
5- المفروض انها بتنزل مرايات مانيوال مش اوتو
6- العربية بتنزل مانيوال مش اوتو زى 90% من ال ex
7- بتبقى ابوابها اوكر مش زراير بس دية متعدلها
8- مش هتلاقى حامل اكواب
تم الرد ياباشااقتباس:
المشاركة الأصلية كتبت بواسطة f.omar
سعرها اغلى من ال ex , وطبعا فرق فى مساحة الشنطة كبير جدااقتباس:
المشاركة الأصلية كتبت بواسطة f.omar
مافيش هاتشباك 4 باب كلها اتنين باب
تسلم ياحمد علي المعلومة بلاها الهاتشباك خلينا في السيدان ال 4 باب علي الاقل عائلية وشنطه اوسعاقتباس:
المشاركة الأصلية كتبت بواسطة ahmed_hamdy
انا بفكر في الهاتش علشان السعر فقط مش حبا فيها :)
شكرا علي التوضيح ياسمسم طب لو الواحد جاب LE ميزعلش..... قصدي انه ممكن يخليها ex او si ماعدا فتحة السقف طبعا ولا الفروقات مش قوية.. كفاية انه راكب هوندااقتباس:
المشاركة الأصلية كتبت بواسطة semsem kane
اهلا بيك معانا ياباشا.... انا رأيي انك طالما بتقول مش هتحتاجها قوي الفتره الجايه يبقى تستنى وتستحمل شويه عشان تركب حاجه كويسه ..... يعني انت فرقك عن ال si حوالي 10000 ج بس....حرام تجيب عربيه نص لبة وتصرف عليها عشان تخليها عربيه ....وقفة الصنايعيه رخمه جدا...دا غير انك هتمشي بيها قلقان انها تغدر بيك ف اي وقت....وربنا يوفقك للخير :):Bravo:اقتباس:
المشاركة الأصلية كتبت بواسطة f.omar
موجود
بس هتصرف علشان ترجعها هوندا لانك لو ركبتها على هذا الحال
هتكره يعنى ايه عربيه مستعمله
^_^