من ناحية الشكل النوعين نفس الشكل لكن بتختلف فى الأوم للملف الداخلى والبوبينة تحتوى على زيت بداخلها للتبريد ومعنى خروج زيت منها انها بيها شرخ يرشح زيتالسلام عليكم و رحمة الله
فكرت فى التحويل الشائع و تركيب منظومة اشعال اليكترونى الخاصه بالبيجو 505 فى 504 (المعلم عتريس العتره )
وبالرغم من ان التعديل ده شائع الا انى مالقتشى عنه اى معلومات على النت تساعد ان الواحد يعمله بنفسه
و لما كنت بسأل تجار الاستيراد كلهم يقولولى روح للكهربائى يركبهولك
مبدئيا حجات البيجو الاستيراد كلها ممكن تشتريها من شارع العشرين و الظاهر ان الشارع ده هو جنة الاستيراد بالنسبه للبيجو ( مش زى عزبة شلبى بالنسبه لليابانى )
نتكلم على نظام الاشعال الاليكترونى بشكل نظرى الاول
من وجهة نظرى اهم حاجه فى نظام الاشعال هى الموبينه المستخدمه - حيث ان الموبينه الاليكترونى بتدى فولت اقوى من الموبينه العاديه مما يؤدى الى قوه و سرعه فى الحرق عن الموبينه العاديه اللى حتنعكس بقوه فى العزم و نعومه فى الموتور
- طيب مادام كده مادامت الحكايه كده مانجيب الموبينه الاليكترونى دى و نركبها مع النظام القديم ابو ابلاتين و كوندنسر
حقولك ماينفعشى علشان قوة الشراره اللى حتطلع من الاليكترونى حتخلى الابلاتين يلدع بعد مده قليله من الاستخدام - و ده بتجربه العديد من الاعضاء
علشان كده قولنا الابلاتين و الكوندسر ماينفعوش و عاوزين بديل اليكترونى - و فى الواقع فيه اكتر من بديل كلهم بيطلع عليهم اشعال اليكترونى
1- وحده اشعال اليكترونى
و دى شكلها علبه من الالومونيوم و الشركة المنتجة له إسمها (ماس) وهى فى أخر شارع أحمد سعيد بالعباسية
و هى بتتوصل بالابلاتين اللى موجود فى الاسبراتير العادى و بتلغى الكوندنسر
طيب حتقولى ما اديك مستخدم الابلاتين اهه - حقول لا الابلاتين اللى مستخدمه الوحده علشان تظبط الtiming لكن التقطيع بيتم من الوحده نفسها
يعنى من الاخر الوحده دى عامله زى كتاوت العربيه و الابلاتين مجرد بيديها اشارة الفتح و القفل
2- القطعه الحمراء اللى بتركب فى الاسبراتير
[sor2]http://www.hot-spark.com/3bos4u1%20in%20009%20distributor.jpg[/sor2]
و فى الحاله دى بنستغنى عن الابلاتين و الكوندسر و بيتم عملة التقطيع بالكامل جوه القطعه الحمراء دى و هى بتحس بحركة الموتور عن طريق مغناطيس دائرى بيتحط حول عمود الاسبراتير
و المنظومه دى كانت اتشرحت قبل كده بالتفصيل فى الموضوع ده
http://www.nilemotors.net/nile/92011-a.html
و فيه اعضاء كتير مجربينها و هى كانت بتتباع فى الشركه المحمديه للتجاره خلف حديقة بدر - بس للاسف دلوقتى مابقوش يستوردوها لأختلاف مع المورد
يعنى ماتحولشى تفكر فيها لأن الشركه المحمديه دى كانت المستورد الوحيد
3- الاسبراتير الاليكترونى و المشط
[sor2]http://www.classicricambi.com/images/060-00018.jpg[/sor2]
و هنا فيه بنغير الاسبراتير بالكامل باخر اليكترونى (برضه بيحس بحركه الموتور من خلال مغناطيس جوه )و بيتوصل على المشط و المشط ده هو اللى بيتوصل بالاسبراتير
يعنى هنا الاسبراتير و المشط تعادل القطعه الحمراء و المغناطيس اللى كانت بتتحط فى الاسبراتير فى النظام السابق
بس طبعا هنا الحجات حتبقى اكثره دقه و اكثر تحكما
4- نظام الاشعال الليكترونى اللى فى العربيات الحديثه
[sor2]http://www.jbugs.com/store/graphics/00000001/9420%20.jpg[/sor2]
و دى بتبقى وحده كامله متوصله على كمبيوتر العربيه من من البدايه و بتحس بال timing من الكمبيوتر و ماتنفعشى تتركب فى عربياتنا القديمه
دى كانت نبذه سريعه على انظمة الاشعال اليكترونيه و اللى الصنايعيه مره يقولك اليكترونى و مره يقول نصف اليكترونى بمزاجهم
نجي بقى لحالتى و هو تعديل المعلم عتريس العتره (بيجو 504) و انا قررت انى اركب فيها النظام رقم 3 و اللى كان متركب فى 505
طبعا اشتريت المكونات
1- اسبراتير اليكترونى من عزبة شلبى ب275 جنيه
2- بوبينه اليكترونى و مشط و الضفيره و دى كلهم ب 300 جنيه من شارع العشريني
اسواء حاجه فى الموضوع ده هو التوصيل لأنه بيديلك الضفيره متقطعه و ماتعرفشى التوصيل صح - انا كنت جايب مشط 7 طرف وتوصيله كده
[sor2]http://megasquirt.free.fr/sources/ms/manual/ms2/bosch_124ew.gif[/sor2]
انا جربتهم فى الشقه عندى على مجول 12 فولت و كانو شغالين .... بس لسه ماجربتهمشى فى العربيه علشان عاوز اخرم خرمين مكان تثبيت المشط
ملاحظات للى عاوز يركب النظام ده على البيجو 504
1- الاسبراتير الاليكترونى بتاع 505 نوعين زى بعض فى الوظيفه لكن مختلفين فى الشكل الخارجى
و منهم نوع ماينفعشى يركب فى مواتير gl علشان فيه 3 مسامير بارزين بيربطو نصفى الاسبراتير و بروز المسامير دى بيمنعك من تحريك الاسبراتيروظبطه على مواتير gl
انا كده كده gr فماكنتشى فارقه معايا - وهما تجار الاستيراد عارفين المعلومه دى كويس فماتنساش تقوله على موديل العربيه
2- انا مركب مشط 7 طرف لكن فيه نوع تانى 6 طرف الاتنين مافيش فرق بينهم لكن هو الاختلاف فى الضفيره بس - و ارقام الاسلاك اللى على المشط فى الرسمه حتلاقيها على المشط من بره علشان ماتخلفشى فى التوصيل
3- الاسلاك 5 و 6 و 7 بيتوصلو بالاسبلاتير الاليكترونى و بيبقى ليهم فيشه فى الضفيره بتتوصل مع فيشة الاسبراتير و دى مافيهاش مشكله - لكن التوصيل اللى تاخد بالك منه حيبقى فى الاسلاك 1 و 2 و 4 لأن دى بتبقى اسلاك مفرده لوحدها كده و ماتسمعشى كلام البياع الغبى اللى بيقولك دى تتوصل بكذا عن طريق لون السلك
4- الاشعال اليكترونى بيركب على البوبينه الاليكترونى او العادى مافيش مشاكل و ماتسمعشى للتجار اللى بيقولو الاشعال الاليكترونى يبقى لازم بوبينه اليكترونى
صحيح المفروض تغير البوبينه لبوبينه اليكترونى (علشان تستفيذ بقوة البوبينه ) لكن ده مش شرط حتمى
بالمناسبه ماحدش يعرف ازاى اميز البوبينه الاليكترونى عن البوبينه العاديه من الناحيه الشكليه
البوبينه الاليكترونى اللى اشتريتها فيها زيت على فكره و البياع نفسه قالى ان مادام فيها زيت تبقى سليمه !!! بس مش مصدقه بصراحه
المفضلات