بعتهولك برساله على الخاص
عرض للطباعة
شوف يا صديقي العفشة قدام ملهاش علاقة ورا خالص لأنهم منفصلين عن بعض لذلك انت ممكن تفك ورا و تظبط حالك و تخلصها خالص و بعدين تشوف قدام
توقعي الشخصي ان المساعدين لو مش بتتمرجح تبقي سليمة لكنها خفيفة و مع اي ثقل بتنزل يبقي انت محتاج مساعدين و ده في بداية نزول العربية لتحت و الباقي سوست المفروض هيا كمان تتغير لأنها اعتقد انها اتكبست و مبقتش ترد مع المساعدين
يعني انت تكشف الأول و تشوف الواقع بيقول ايه و استشير قبل التغيير و ياريت لو تغير جلب الكاوتش بتاعت الدنجل الخلفي كمان عشان اكيد اتقطعت و لو لقيت القصة فيها حاجات كتير انصحك تجيب جنبين استيراد نضاف ورا و تركبهم احسن بالمساعدين و السوست
و الله الموفق
ان شاء الله بعد الكشف هشوف ايه المناسب لو سوست بس هسال عليها جديد لو المساعدين مسافرن وفرامل اليد مش راضيه تتظبط يبقى جنبين ان شاء الله على بعض بس مش هجيب من الهرم لان اسعار العفشه فيها حبه استغلال هنا ممكن انزل الحرفيين ان شاء الله
بالنسبه لموضوع الكهربا انا هستنى تعمل الموضوع بتاع عربيتك وترد كمان على المشاركات وتبقى فاضى بعديها بقى هتزهق منى انا ناوى ان شاء الله انى اعمل شغل الكهربا بايدى لانى اكتر ناس بخاف منهم هم الكهربائيه وعندى دايما فال سئ من ناحيه احمال السلوك وانها ممكن لاقدر الله تؤدى لحريق ربنا يعافينا يا رب بس هى حصلت معايا فى العربيه الجيب وكنت على طريق الاسمعاليه الصحراوى والكونكت ولع من جوه وسلوكه ساحت وشغلت العربيه زى الحراميه وكملت طريقى وكل ده بسبب سلك لمس فى كهربه الموبينه
باشا انا نازل اجرب موضوع النور ده بس تصدق ان الموضوع ده عمره ما جه على بالى مع انى شايف علامه الشبوره على زرار النور بس مجاش فى دماغى ابدا ان الزرار فيه شده لبره كل واحد وعلامه بقى
لو المساعدين تمام هبقى ممنون جدا لانهم ناعمين معايا فى المطبات لما بكون ماشى لوحدى وخايف انى اغيرهم يبقوا ناشفين او سعرهم غالى بس ان شاء الله ده دور العفشه فمش مشكله بقى تاخد الوقت والفلوس اللى عايزاها يللا ان شاء الله ما حد حوش :)
باشا
اسمحلي هوضح كلامك لأن فيه بعض الغموض
دور المساعد والسوستة
العربية محملة علي مين ؟؟
اولا العربية وهي نازلة بتحمل علي المساعد (عشان كدة بيسموه ممتص الصدمات) :36_2_49[1]:
وطب وبعد مانزلت، مين هيطلعها لفوق؟؟ السوستة
طب لو انا ماشي في طريق مدقات وحفر وطالع نازل ؟؟؟
يجي تاني دور المساعد وهو الأبقاء علي اتزان العربية والحفاظ علي مستواها
بمعني..
لو المساعد بايظ العربية هتبقي مرجيحة - السوسست هتلخيها طالعة نازلة :7_9_6v[2]:
ولو المساعد سليم ؟ هيخلي العربية تنزل وتطلع وتنزل ..... وماتطلعش تاني
ايه هتفضل تحت ؟؟ لاء هتطلع بس بشويش زي كدة لما بتفتح شنطة العربية وتطلع بشويش لأن المساعد سليم وشغال بفعالية
طب لو السوستة مش تمام ؟؟؟
العربية هتنزل ومش هتلاقي حد يطلعها :N_no[1]:
طب لو السوستة والمساعد بايظين ؟؟؟
ربنا معاك :_Alshmokh22[1]:
تحياتي
:bye2:
يبقى ان شاء الله كل حاجه متوقفه على الكشف ولازم الراجل يبص كويس لحسن يكون المساعد جايب زيت يبقى نستنى لما اكشف عليها تانى حاجه انا جربت موضوع زرار النور لقيته شده واحده بس مش اتنين ومفيش حاجه نورت ورا وانا معنديش فوجات قدام كاورجينال يعنى ال clk مفيهاش فوجات قدام مقفوله بطبب
ممكن تكون الشده الواحده دى بتاعه ورا وانا عندى مشكله فى الكهربا ولا انا اصلا راكب عربيه تانيه غير الابيزا وانا فاكرها ابيزا ودخلت المنتدى هنا غلط :)
باختصار يا ابو السيد احنا مشكلتنا في ان العربية بتسقط مع التحميل فده يا اما مساعدين + سوست يا اما سوست بس يا اما مساعدين بس لأن الاتنين هما القاسم المشترك في موضوع التحميل
مش لازم كل حاجه في عربيتك تكون هي فعلا بتعتها بمعني ... ممكن يكون زرار النور متغير قبل كده و ملقيش غير اللي فيه نور شبورة خلفي و أمامي لأن كل واحد ليه شده
و ممكن يكون عندك شده للخلفي و مش شغال عشان الزرار متغير و الفانوس و الضفيرة مفيهاش وصلة
بما ان عربيتك فيها لعب في الضفيرة و اكيد متغير فيها حاجات كتير و محتمل يكون من ضمنهم الفوانيس الخلفية ووو فمشتغلش بالك بتفاصيل ممكن متعرفش تشغلها او هتحتاج تغير في الضفيرة
اكيد فهمتني
لكن كونك راكب ابيزا و بتتكلم عنها في سيات نايل موتورز فده كله واقع و عايشينه و شايفينه و مش غلط لكن العربية محتمل يكون فيها حاجات كتييييييييير غلط احنا مش شايفينها :b4_556:
و بالتوفيق يا صديقي