504 مجنناني

**amer hassan** · 15-11-2012 12:33 PM

السلام عليكم يا رجالة.. دي اول مشاركة ليه غي الموقع و بجد انا استفدت كتيييير من المشاركات في قسم البيجو
معايا 504 79 جي ار
و عجزت و عايز اعمرها و اشدها شويتين و اعدلها....
الافكار في دماغي بس مش عارف تتنفذ ولا لاء... اله الجر ممتازة و عرفت بعض التعديلات من المنتدى تؤدي الغرض
المشكلة عندي في الفرامل و الجنوط.... انا عايز اقلب العربية قدام و ورا سكاكين .... وكلكم عارفين ندرة قطع الغيار الاصلية بتاعتها.... حد ممكن يدلني على طقم فرامل كامل سكاكين قدام و ورا يركب عالعربية بدون تعديل؟؟ قصدي اني اجيب بتاع موديل تاني وليكن نيسان او اوكتافيا او اي ماركة محترمة و اركبه من غير ما اخرط او اعدل
و انا عارف مقدما اني هغير الجنوط و الكاوتش عشان يركب على السرة الجديدة.... و بفكر في جنوط 17 او 16 .... انا شفت الصور بتاعت عربية حمادة بيجو في المنصورة... هو معدل و مركب جنط مش بتاعها... حد يعرف عدل و ركب فرامل بتاعت عربية نوعها ايه؟؟ قريت في المنتدى على موضوع الفلانشات و انا مش داخل دماغي الموضوع حتى لو هجيبهم من حد بتاع تعديل سيارات عشان العربية متغربلش على السرعات.. انا عايز ابقى مطمن و انا سايق.. لاني مش بمشي اقل من 80.. و معنديش استعداد فردة تنط من العربية وانا ماشي

الحاجة التانية
ايه الكراسي الي ممكن تركب عالعربية و تبقى مريحة اكتر من بتاعتها..... مثلا 307 او 405
اتمنى الاقي حد يفيدني في الموضوع و لكم كلكم الشكر مقدما على الاهتمام

**Unendlich** · 16-11-2012 03:49 AM

بالنسبة للفرامل
قدام هي already سكاكين و مش محتاج تغير فيها حاجة
تعديل افترا إنك تجبلها بتوع ال 505 ال 6 سلندر بس ده زيادة قوي و مش هتحس بفايدة ملموسة لأن فراملها حلوة بما فيه الكفاية
ورا بقى طنابير و هي كانت بتنزل بره بـ 4 ديسكات و بالتالي ممكن تقفش ديسكين ورا من عند بتوع الإستيراد
بس هتواجه شوية مشاكل بسبب المعاملة الزرايبي بتاعة التجار للبضاعة بتاعتهم زي مثلا انه يغرقها مية و يسيبها (بحجة النضافة) و طبعا صباح الصدأ. اللي هيحصل هو إن بسبب ركنة البستم بتاع السكينة اللي ورا + المية هتبقى حركته صعبة , و بالتالي مثلا تيجي تنزل الهاند تلاقي العربية لسة مكلبشة
نصيحة خليها على أبوها أحسن و ريح دماغك من عك و فتي الصنايعية
و مهم جداااا إن حالة كاوتشك تكون حلوة و ضغطهم مظبوط, لو كاوتشك ممسوح/قديم و الله لو جبتلها فرامل البوجاتي ما هتقف

بالنسبة للجنوط
مبدئيا كده فلانشات لأ لأ لأ لأ
ده في الدول المحترمة العربية مبتعديش الفحص عشان بتعتبر تهديد لسلامة الطريق
تخيل بقى الفلانشات الصيني اللي بتجيلنا هتعمل إيه, ده غير غربلة للصبح
يبقى كده نخلينا في الأصلي. ال 504/505/604 نزلهم 3 مقاسات,:

1- 14 و ده منتشر جدا و راكب في عربيات كتيييييير
مقاس كاوتشه 195/70/14 لكن 175/80/14 على الجنط الحديد الأصلي (تاني صورة)

2- 15 و ده كان بينزل في ال 505 ال GTI أو ال V6 و صعب إنك تلاقيه
مقاس كاوتشه 195/65/15 (و ده أسهل مقاس كاوتش يتلاقي في الوجود)

3- 15.5 و ده له وضع خاص و نفس شكل ال 15 اللي فوق ده بالظبط و كان بينزل في ال 504 ال convertible
صعوبته و كارثته في الكاوتش, ميركبلوش الا كاوتش واحد بس من Michelin اسمه TRX و ده صعب جدا يتلاقي رغم إن الجنط سهل جداااااا يتلاقي و في تجار بيحاولوا يستهبلوا الزبون و يفهموه انه 15

بالنسبة للكراسي فأنا بصراحة يعني مندهش
أنا الحمد لله ركبت عربيات تمنها 20 مرة أغلى من ال 504 لكن في حياتي ماشفتش في جمال و راحة و دلع كراسيها و تليها بعد كده ال 605

عامة أنا عايز أقول حاجة منتهي الحيادية
واضح إن حضرتك متوقع من العربية حاجات هي متعملتش عشانها, دي كانت حمالة قسية و long distance cruiser من الدرجة الأولى و عربية كلاسيك و سنها مش صغير على التعديلات اللي حضرتك بتتكلم فيها دي
العربية و هي كلاسيك على أبوها و متصانة بما يرضي الله بتبقى الله اكبر ملهاش حل
دي كان سايقها راجل كبير على اسكندرية الصحراوي, منظرها يشرح بصراحة, ربنا يحفظهاله

أعتقد الأسهل حضرتك تشوف سيفيك موديل أوائل التسعينات و روش فيها زي ما تحب, لأنها عربية شبابي فمفيش مشكلة
أرجو إن تتقبل كلامي بصدر رحب و لك مني كل التقدير

**amer hassan** · 17-11-2012 10:53 AM

@unendlich
متشكر جدا لرد حضرتك و شرحك الوافي... بس الفكرة اني قلبت الدنيا على الديسكات بتاعت ال505 و ال 504 الsr مش موجودين.... و الي لقيتهم حالتهم زباله خالص ... صدى دي اقل مشكلة فيهم... و برضه المشكلة في عدم توافر قطع الغيار .... الغرض من التعديل تحسين اداء الفرامل و تحسين شكل العربية شوية... انا مش هدخل بيها سباقات ولا ناوي احطلها تربو (ولو ان الفكرة جت على بالي :) ) ..... بس عايز امشي و انا مطمن ..... انا موتوري و اله الجر الحمد لله ممتازين (اللهم لا حسد) و البودي ان شاء الله اما تخلص اختها العمرة الدور عليا (اصل الوالد معاه اختها اوتوماتك) و انا مراتي بهدلتها شويتين و هي بتتعلم... المهم انا بس محتاج احط رجلي الاقي حاجة بتمسك العربية ... الكاوتش كويس و كده كده لو التعديل اتنفذ هيبقى في جنوط و كاوتش جديد ... شاكر مرورك و رايك الكريم... و لو في امكانية تفكر معايا في الموديل الي ممكن يتوفق اكون شاكر جدا... انا في دماغي الهيونداي سوناتا او الميجان ال 2000 سي سي

**pop2107** · 20-11-2012 07:47 PM

504 ti 77 78 79 فرامل خلف ديسكات دور عليهم فى الاستيراد ويارب تلاقيهم

**amer hassan** · 21-11-2012 09:41 PM

تسلم يا بوب .... دورت و مش موجودين ... و ربنا كرم و جربت الامامي بتاع الميجان 2000 و يركب من غير تعديل خالص
... الفكرة بقى في اني اجرب السرة بتاعت الميجان و الجهاز بتاع الميجان امامي و خلفي يركبوا ولا لاء .. عايز اشوف حد استعمال اجرب الحاجات دي عنده...... و عايز اجهز ميزانيتهم :)
ربك يوفق
متشكر لاهتمامك و ردك

**khaled sabry** · 22-11-2012 03:50 PM

انا برضه معايا 504 gr مو 83 ... و بفكر ازود الاداء لكن
هى راكب فيها كربراتير سوليكس (راكب على مسمارين) و بصراحه حاسس انه ملخبط لأنه عمل معايا 140 كيلو فى الصفيحه (جوه البلد)
حاسس ان ده معدل عالى و من خلال قرائتى لاقيت واحد مركب كربراتير ويبر 34ADF
فهل حد جرب الموضوع ده على مكنه gr - (اللى اعرفه ان مكنه ال gr غيرgl)
ياريت حد يأكدلى المعلومه لأنى لو جبت الكربراتير ده حجيبه جديد مش استيراد

**amer hassan** · 23-11-2012 10:45 PM

خالد... اعمل صيانة للكاربراتير... 140 كيلو في الصفيحة معدل عالي .... انا معايا نفس الكاربراتير و بيعمل 180ك في الصفيحة جوة البلد
الويبر يركب بدون تعديل على الجي ال.... عندك يا اما تغير وش السليندر بتاعك بواحد بتاع جي ال يا اما تروح عند خراط شاطر يعملك للكاربراتير الجديد قاعدة على نفس الوش بتاعك.....و الفكرة موجودة و التنفيذ بعد تجهيز الميزانية برضه :)
بس عندي الاسبراتير الاول... و هو الي يخلي العربية انعم مش الكاربراتير

**khaled sabry** · 23-11-2012 11:44 PM

المشاركة الأصلية كتبت بواسطة amer hassan

خالد... اعمل صيانة للكاربراتير... 140 كيلو في الصفيحة معدل عالي .... انا معايا نفس الكاربراتير و بيعمل 180ك في الصفيحة جوة البلد
الويبر يركب بدون تعديل على الجي ال.... عندك يا اما تغير وش السليندر بتاعك بواحد بتاع جي ال يا اما تروح عند خراط شاطر يعملك للكاربراتير الجديد قاعدة على نفس الوش بتاعك.....و الفكرة موجودة و التنفيذ بعد تجهيز الميزانية برضه :)
بس عندي الاسبراتير الاول... و هو الي يخلي العربية انعم مش الكاربراتير

انا على العموم ركبت الاسبراتير الاليكترونى
http://www.nilemotors.net/Nile/319137-a.html
و العربيه عندى كانت كده كده ناعمه ... اللى قارفنى معدل استهلاك البنزين
انا سألت الناهرده على كربراتير الويبر بتاع 132 قالى موجود يوغسلافى ب 600 جنيه
هل اليوغسلافى ده كويس و لا اجيب الايطالى الاصلى بتاعه ؟؟
و الاصلى منه بكام ؟

**amer hassan** · 24-11-2012 01:32 PM

خالد... مظنش هتلاقي الايطالي... لو لقيته قولي....... اليوغسلافي مش وحش..... بس عمره مش زي الايطالي...... و على ما اعرف الايطالي في حدود 850-950 جنيه

**pop2107** · 24-11-2012 06:30 PM

انا معايا جى ال وركبت كربراتير ال جديد باب واحد و القاعدة 4 مسامير بتتباع جاهزة وزى الفل

اتكلف كله 500 ج

الموضوع: 504 مجنناني

LinkBack

أدوات الموضوع

عرض

-

المواضيع المتشابهه

الكورسا مجنناني

عربيتي مجنناني

نجوم اف ام مجنناني

الفيلشيا مجنناني

البرايد مجنناني

الكلمات الدلالية لهذا الموضوع

المفضلات

المفضلات

ضوابط المشاركة