العمر الإفتراضى للتيل و الطنابير .. مستنى رأيك يا استاذ ممدوح

أعضاء المنتدى الكرام .. أتمنى تكونوا بخير ..

دلوقتى التيل الامامى عندى بيصفر رغم انه لسا ماكملش 10 الاف كيلو ..

انا بجد مش عارف ايه حكاية قطع الغيار المضروبة اللى مالية البلد دى ...

إستفسارى بخصوص العمر الافتراضى للتيل و الطنابير الاصلى خلفى و امامى ..

التيل و الطنابير الاصلى اسمهم ايه و بيقعدوا فى العربية اد ايه ..

منتظر اراء الخبراء و بالاخص استاذ محمد ممدوح ..

و شكراً

التيل والطنابير حسب طريقة سواقتك
بس فى الاغلب التيل 20 -30 الف
الطنابير 60-90 الف

والله مابقت فارقه اصلى من مضروب انا جبت الاصلى ب 160 جنية وباظ بعد 3000 كيلو والتقليد ب 45 جنية وباظ بعد 7000 كيلو

ممكن صوت الصفارة
من شوية تراب او رمل
او من اثار غسيل الكاوتش بالماء
فك الاطارات و اكشف عن حالة التيل ان كان متاكل غيره وان كان سليم فاغسل الطنابير والتيل بالبنزين

بلاش تربط التيل بالكيلوهات اربطه بطريقة سواقتك و استخدامك للفرامل و كمان طبيعة الطرق اللي بتمشي فيها ممكن تكون معظم مشاويرك طرق مفتوحه و قليل اما تستخدم فرامل و بالتالي التيل ممكن يعيش معاك او ممكن تكون معظم مشاويرك في الزحمه ووسط البلد و تكون هاري التيل بتاعك

على حسب النوع والخامة وطريقة السواقة ليس بعداد الكيلو متر

مفيش عمر افتراضى للتيل و الطنابير... الموضوع مرتبط بطريقة سواقتك و طبيعة استخدامك

MMamdouh