الاعضاء الكرام
دي اول مره ليا هشتري عربية و طبعا هجيب مستعمل اتعلم فيه شوية فكنت عايز اعرف من حضارتكم ايه الحاجات الي بستلمها من الي هشتري منه غير العربية طبعاً هههههه و لو في نصايح ابقى شاكر ليكم
و شكرا جزيلاً
الاعضاء الكرام
دي اول مره ليا هشتري عربية و طبعا هجيب مستعمل اتعلم فيه شوية فكنت عايز اعرف من حضارتكم ايه الحاجات الي بستلمها من الي هشتري منه غير العربية طبعاً هههههه و لو في نصايح ابقى شاكر ليكم
و شكرا جزيلاً
اول واهم حاجة لازم تاخد حد معاك فاهم فى العربيات او توديها التوكيل تكشف عليها
وحذارى تشتريها لوحدك عشان متندمش
اول حاجه الاستبن والطفاية والكريك ومفاتيح الكاوتش
الإستبن و تتأكد أنه خاص بالعربية مش اى استبن و خلاص - يعنى تشوف مقاسه فعلا مقاس العربية و فتحات المسامير هى هى ولا لأ
ثانيا الكوريك
ثالثا مفتاح فك مسامير كاوتش العربية - و أحيانا بيكون صليبه
ثالثا طفاية الحريق
رابعا ولاعة السجائر
خامسا المفروض بيكون فى عده فى العربية على حسب نوع العربية بس أساسى فك صليبة وأخر عادة
سادسا ممكن يكون فى مثلث عاكس - وده مش اساسى
سابعا الكتالوجات
ثامنا مفتاح إحتياطى أصلى للعربية و بيكون ريموت لو هى نازلة بريموت بيكون فى نسختين الاصلى والاحتياطى ريموت و مشفر - طبعا بيختلف على حسب نوع العربية و موديلها و انهى فئة
تاسعا إتأكد إن العربية لو مش مجنطه يبقى غطيان الجنوط الاصلى
عاشرا الكاسيت الاصلى و وش الكاسيت يكون موجود
عاشرا إتأكد إن الفوانيس اللى راكبة هى الاصلية علشان فى ناس بتشيل الأصلى و تحط تقليد حفاظا على الاصلى من الخدوش و التكسير
بيتهيألى مفيش شئ تانى
طبعا الاهم من كل ده حالة العربية و ماتورها و الشاسيه و كل الباقى كماليات ممكن تشتريها حتى لو إستيراد
اتاكد من الرخصه باسم المالك اللي راح تشتري منه ولو فيه توكيل اتاكد من التسلسل وياريت افضل شي تشتري بعقد مسجل لان اكتر شي بيخلي بتوع الشهر العقاري يركزو بصحه الورق هو العقد المسجل
متشكر جدا ليكم