عندى كاسيت سى دى فى عربيتى وبقاله فتره
صوت السونجز بيقطع
وبعد كده مش بقه بيقرا سيديهات خالص
بيشتغل رايدوا ناو بس
عايزه اعرف مكان اقدر اصلحه فيه
بيتهيالى العيب فى العدسه ارجو الافاده
وميرسى بجد على المنتدى الجامد دا
dodo
عرض للطباعة
عندى كاسيت سى دى فى عربيتى وبقاله فتره
صوت السونجز بيقطع
وبعد كده مش بقه بيقرا سيديهات خالص
بيشتغل رايدوا ناو بس
عايزه اعرف مكان اقدر اصلحه فيه
بيتهيالى العيب فى العدسه ارجو الافاده
وميرسى بجد على المنتدى الجامد دا
dodo
اولا اهلا بيكي في المنتدي
ثانيا نوع الكاسيت سي دي ايه
و فيه بقي عندي ادريان في صلاح سالم و راي محطة بنزين موبيل
و فيه المركز الياباني في فريد سميكه قرب ميدان الحجاز
انا معرفش اكتر من دول ممكن الاخوه الافاضل يقولولك علي اي حد تاني
انا الكاسيت بتاعى بيونير
انا روحت ادريان بتاع الهرم
بس بصراحه اى مشكله بتقابلنى انا او اصحابى واروح لادريان بيريح دماه ويقولى نغير
وانا الكاسيت دا عزيز عليا موت
يعنى حتى لو ينفع يتصلح
هيقولى لازم يتغير
عموما ميرسى ليك وعلى سرعه ردك
Dodo
جربى تروحى المركز اليابانى فى ش فريد سميكه ميدان الحجاز
العدسة لما بتعمل كده بيبقى في أغلب الأحوال 99% التراب بيبقى رادمها ومش بتشوف التراكات على السيدي كويس
انا عموما بفك الكاسيت كله وانضفه بإيدي بقماشة ناعمة قطن وسبرتو
بس لو أي حد اللى بيفك ممكن يبوظه لو مش واخد باله كويس عشان بيبقى فيه سوست صغيرة ممكن تطير من مكانها بسهوله فهو محتاج حرص شوية
في حل تاني انا ماجربتوش بس هاجربه المرة اللى جاية عشان بصراحة زهقت من فك المسامير وتركيبها كل شوية ... وهوة انك تجيبي السي دي بتاع التنضيف هوة بيبقى عبارة عن سيديهاية وموجود عليها من سطحها اللامع فرش صغيرة الفرش دي وهية بتلف جوة على العدسة بتاعت الكاسيت بتنضفها معاها ... بس في من السيديهاية دي أنواع ياريت تكون اللى معاها سائل تنضيف بيتحط على الفرش قبل ماتدخل الكاسيت عشان تنضف العدسة أحسن من اللى من غير سائل
أعتقد الحل ده ممكن تجربيه قبل ماتروحي لحد يفك ويلعب ... لو ماجابش نتيجة انتي كده كده كنت هاتروحي
انا لى سؤال هو الكاسيت ده فى الضمان ولا؟؟؟؟؟؟؟؟
لو حتى خرج من الضمان ممكن تروحى بيه التوكيل بتاعه (شركه اولاد المبيض التجاريه ) عندهم جزء خاص بالصيانه واكيد هما بيفهموا فى شغلهم
ده رأيي او حتى تسأليهم عن مكان للتصليح
العنوان بتاعهم 10ش طلعت حرب ----- 5767360/5760504/5769400
162شارع26يوليو ميدان اسفنكس -----3471193/3039615
بجد ميرسى ليكم كلكم
وانا فعلا هكلمهم فى التوكيل
على الاقل قريبين منى
بجد ميسى مره تانيه على سرعه ردكم
وتعاونكم
dodo
ايه ده السياتاوية الجديدة تتسائل :d:d بصي يا هدير لو تعرفي تفكيه و تنضفيه و تنضفي العدسه بالراحة و بحاجة طرية كده اعمليه و ان شاء الله هيرجع تمام لو متعرفيش وديه التوكيل احسن و ربنا يوفقك :)
هاى يا محمد ازيك
والله انا لسه مكلماهم من ساعه
قالولى تصليحه لو لغايه 200 جنيه هنعلمك بتمن التصليح بعد ما يخلص وهياخد يومين او تلاته
لكن لو تصليحه هيتكلف اكتر من 200 هنقولك الاول نصلحه ولا لا
بصراحه حتى لو 200 بيتهيالى كتير
اصل 200 كنت اشترى واحد جديد احسن
المشكله إنه الكاسيت دا غالى عندى اوى
مش عارفه هدور على مكان تانى بره التوكيل
بصراحه محتاره
يعنى لو مثلا كانت المشكله تنضيف العدسه يشتغلونى فى 200 جنيه
حوار بجد
ميرس على ردك يا جميل
dodo
انا كان عندى نفس المشكلة مع واحد صاحبى و صلحناة عند امبير اللى فى عباس العقاد هما غاليين شوية بس بيفهمو كويس و المشكلة كانت و قتها ان قاعدة من بتوع العدسات كانت مكسورة و خد 50 جنية تصليح اما لو الحوار مجرد تنظيف عدسة فممكن تجيبى سى دى تنضيف من اللى بيبقى بريشة ومحلول تنضيف هيبقى حوالى 10 -15 جنية من اى مول كمبيوتر او راديوشاك.
بس لما تيجى تستعملية عشان يدى افضل نتيجة هتلاقى عندك حاجة زى الكاوتش على باب السى دى و دة عشان التراب ميدخلش على العدسة المهم انت تبلى الريشة بالمحلول و تحاولى تفتحى الكاوتشة بأى حاجة عشان تعرفى تعدى الريشة بتاعت السى دة من غير ما الكاوتشة تمص المحلول. ودة صورة الريشه اللى على سىدى التنضيف.
http://users.telenet.be/mimesis/lens...%20%285%29.jpg
طب ممكن توصفلى اروحله إزاى امبير دا بالظبط
عشان انا مش اوى فى مدينه نصر اخرى لغايه المنصه وسيتى استارزومش اعرف حتت كتير فى مصر او حتى اسامى شوارع
dodo
جرب السي دي بتاع التنضيف وشوف الأول ايه النتيجه وابقي قولنا عليها لأن كده العدسه محتاجه تنظيف فقط
خلاص هنزل النهادره اسال عليها
مع إنى مش عارفه اسأل فين
ميرسى مووت upnemo
السى دى موجودة عند مولات الكمبيوتر او ممكن تجبيها من راديو شاك بس طبعا هتبقى اغلى.
ولو عاوزة تروحى امبير هوصفلك هو فين .ادخلى عباس العقاد و لفى من اخر الشارع عند جاد قدام شوية هتلاقى على يمينك بيتزا بلس او بيت الدونتس ادخلى الشارع دة يمين هما هناك فى الصنية بعد ما تحودى عالطول.
سي دي التنظيف موجود في إي محل أكسسورات و تمنه حوالي 20 جنيه
بلاش السي دي مش حيعمل نتيجه
انا جربته بصراحه و ما نفعش
هيا المشكله كلها في العدسه اي حد كويس بيفك السي دي و ينضفه و خلاص
بس انا مش من القاهرهه ف ما اقدرش اقول مين يعملها:)
لا 200 جنيه ليه
السي دي عندي بلوبنكت وكان بيعمل الحركه ديه ومكنش السي ديه بيطلع بسرعه و كان بيعلق في الخروج روحت لي ادريان غير العدسه و المكنه ديه بتاعة خروج السي دي بي 130 جنيه و الله العظيم
و كان زي الفل روحي لي ادريان لو تعرفي تروحيله الي ورا موبيل الي في صلاح سالم