اخيرا غيرت مساعدين الشنطه

**matrix012** · 15-11-2012 07:43 PM

قبل الكلام فى الموضوع احب اوجه الشكر طبعا للمهندس محمد سيد المنسق العام للقسم وده مش غريب عليه خالص الصراحه
اولا هوا جابلى المساعدين بعد ما لفيت عليهم ولقيت ارخص حاجه الجوز ب 140جنيه هوا جابهم ب 75 بس
ثانيا هوا مكتفاش بكده ده هوا الى ركبهملى كمان والصراحه تركيبهم سهل قوى قوى ماخدش 3 دقايق
وانا حبيت اعرض المشاركه ديه للمساعده
اولا الاعراض ومن غير مبالغه انا ببقى فى نص هدومى وانا بفتح الشنطه علشان يا كنت بفضل ماسكها يا اما كانت بتقفل على دماغى لو بجيب حاجه منهم
ثانيا تخيل مثلا معاك 3 شنط فى العربيه وكل ما تجيب واحده وتطلعها الشنطه تقفل وتفتح تانى علشان تجيب التانيه والتالته كان الموضوع محرج قوى ياله الحمد لله كانت ايام
العده المستخدمه مفك عاده بس

هنا بنفتح حته حديده ماسكه علشان نقدر نخرج المسمار الى فى المساعد الى فى الشنطه

وده شكلها بعد ما خرجت من الشنطه بسلام

وبنفس الطريقه الى بنفك بيها المساعد هيا هيا بنركب بيها يعنى بنشيل الحديده وندخل المساعد جوه المسمار وبعد كده بندخل الحديده تانى

ودقه خفيفه على الحديده وبس

النتيجه عمال افتح واقفل فى الشنطه وانا فرحان ماسكه نفسها كويس تقيله فى القفل ويدوب تفتح القفل وتمسك الباب الشنطه تلاقيه بيفتح لواحده سبحان الله R

**SYD** · 16-11-2012 11:15 AM

الف مبروك يا مصطفي باشا المساعدين

**mahmoud ghanem** · 16-11-2012 01:40 PM

الف مبروك التغير ..

**matrix012** · 17-11-2012 03:31 AM

المشاركة الأصلية كتبت بواسطة sam_eh420

الف مبروك يا درش
هما جداد ولا استيراد

الله يبارك فيك
هما جداد يا باشا مش استيراد

**Ahmed_Gallant** · 17-11-2012 01:23 PM

سبقتك فى دى يا درش
كانت اول حاجه جبتها هى المساعدين وواير الكبوت كانوا استيراد
الواير 55 والمساعدين 60 بس حالتهم نضيفه
بدون مبالغه انا فرحت بان الشنطه بقت تفتح توماتيكى توماتيكى اكتر ما فرحت بالمكنه اللى سقطتها عشان كانت عندى المشكله دى فى الجولف القديمه وكنت بسندها بعضايه مقشه وتقع على دماغى
محدش بقى عنده فكره سوسته اول ما نفتح الشنطه تروح طالعه على فوق على طول زى الاوكتافيا الجديده كده ويا سلام لو نغير نظام الكالون مع السنتر دوسه واحده تنظ على فوق على طول عشان الواحد ساعات بيبقى شايل حاجات كتير فى ايده ومش عايز ينزلها فى الارض
مبروك يا صديقى

**matrix012** · 17-11-2012 11:09 PM

المشاركة الأصلية كتبت بواسطة acoal

سبقتك فى دى يا درش
كانت اول حاجه جبتها هى المساعدين وواير الكبوت كانوا استيراد
الواير 55 والمساعدين 60 بس حالتهم نضيفه
بدون مبالغه انا فرحت بان الشنطه بقت تفتح توماتيكى توماتيكى اكتر ما فرحت بالمكنه اللى سقطتها عشان كانت عندى المشكله دى فى الجولف القديمه وكنت بسندها بعضايه مقشه وتقع على دماغى
محدش بقى عنده فكره سوسته اول ما نفتح الشنطه تروح طالعه على فوق على طول زى الاوكتافيا الجديده كده ويا سلام لو نغير نظام الكالون مع السنتر دوسه واحده تنظ على فوق على طول عشان الواحد ساعات بيبقى شايل حاجات كتير فى ايده ومش عايز ينزلها فى الارض
مبروك يا صديقى

ديما سباق يا باشا ربنا يباركلك
بس انا جبت المساعدين جداد

ومش عاوز اقولك فرحت بيهم ازاى عمال افتح واقفل في الشنطه واحط حاجات واشيلها تانى بمزاجى بقى
والله العظيم الاول كنت بحط الحاجه على الكنبه علشان الاحراج لما ااجى اطلعها
وعارف لو الاختراع الى بتتكلم فيه ده نفع

يبقى الواحد ارتاح خالص من موضوع الشنطه ده
ومبروك عليك يا صديقى الواير والمساعدين