الموضوع: هل يوجد مايمسي بالجن العاشق ؟

هو ده Thursday nights' Horror وللا ايييه؟!! نياهاهاهاها!! lol

أنا الصراحة لا أؤمن تماماً بأي شيء من الحاجات دي حتى لو شفت مثال حي بعينيا هفضل غير مصدق طبعاً لتلك الهلاوس..
الحاجة الوحيدة اللي هفضل مصدقها و مآمن بيها هو أن ربنا موجود و هو الوحيد اللي ليه القدرة و السلطان على أقدارنا نحن البشر... فبالنسبالي أي حاجة تخرج عن هذا الأطار فهي ليست إلا محاولة من الشيطان لزعزعة ايماني في قدرة الله...

المشاركة الأصلية كتبت بواسطة lanos2004

انا فضلت عايش عشر سنين فى فيلا مسكونه
المشكله ان كان فيه جنى بيحب واحدة وحشه قوى -اصله مغفل
المهم صديق ليا جه بات عندى اسبوع والبنت دى كانت جارتنا
وقع فى غرامها معرفش ازاى
اول يوم بات عندى كان بيقلى انا حاسس ان فيه حد بيكلمنى وانى مش لوحدى-طبعا انا عارف الى فيها فكبرت دماغى وقلت له تلاقى بس مخك مشغول-
فيه يوم لقيته بيتنفض وبيصرخ وقايم مفزوع وبيقلى كان فيه حد بيحسس على جسمى
المهم هديته وقلت له انته مش هتبطل جنان تعال نام معايا وخلاص
وبعد اليوم دة وقع فى غرام البيت دى وهيه ما صدقت واحد وكمان ظابط جيش ووسيم وقع فى غرلمها
وحصلت مشاكل كتير وكان بيسيب شغله ويجى علشانها -واصلا البنت دى كان سلوكها مش تمام لانها فاقدة الامل فى الجواز فانحرفت
المصيبه لقيته بيقول انه عاوز يتجوزها
-الغريب ان بعد اليوم الى اتفزع فيه بيقه بيعرف حاجات من غير ما حد يقوله عليها-لدرجه انه كان بيعرف انا طابخ ايه ومعايا فلوس كام ومين عندى فى البيت-
طبعا انا قلقت انه يتجوز البنت دى
فقلت له انته يا ممسوس يا مسكون
طبعا مصدقش لانه كان مغيب-وكان مستقبله بيضيع
كلمت حد من اخواته وعرفته الموضوع-وهمه اتصرفوا بس بعد وقت طويل جلسات علاج وحاجات زى كدة-ومنعوة انه يجى البيت عندى تانى او يقابلنى-لحد اما اتجوز وخلف
-الفيلا الى كنت ساكن فيها صحبتها كانت عايشه لوحدها فيها وجناينى
صبحتها اتقتلت ومعرفوش مين قتلها
بعدها الجناينى اتقتل ومعرفوش مين قتله
الورثه
كانوا مبيقدروش يناموا فيها ساعه
مافيش حد جه وسكن فيها اكتر من يوم
انا لما جيت سكنت فيها اول يوم
هيه ليها سلم داخلى وفيه نوم تحت وفوق
انا كنت تحت علشان اكون جنب المطبخ ميه شاى كدة يعنى
بليل الاقى اثاث البيت عمال يتحرك وصوته بيرج الصقف اولع النور واطلع ملقيش حاجه
ادخل الحمام اسمع صوت خافت عمال يقول -احمد---احمد-
اقف فى المطبخ الاقى خبالى بيتحرك قدامى يانهار اسود-صراحه اتخضيت
قمت منور نور الفيلا كلها وطلعت نمت فى الجنيته
والصبح دخلت وشغلت قراءن-بعدها بطلوا ينزلوا تحت ولو طلعت نمت فوق جسمى كله بيتكتف -واحس ان فيه ناس جنبى بس انا مش شايفهم وعنيا تدمع لوحدها
المهم عرفت ان صاحبه البيت كانت بتعذب القطط وتربطهم فى شجرة لحد اما يموتوا وبعدين تدفنهم تحت الشجرة
كان فيه شجرة لمون فى الجنينه -مافيش حد هيصدق انها مكنتش بتطرح لمون الموسم بتاعها وبعد اما ينتهى الموسم الشجرة تزهر وتلاقى فيها الاف اللمون وعندى شهود
المهم فضلت مستحملهم وعشت معاهم وخلاص -اكتر حاجه كانوا بيعملوا يخبوا حاجات منى وارجع الاقيها تانى
الى يصدق يصدق والى ميصدقش ميصدقش
شجرة اللمون دى انا قطعتها لان كل اما ادخل الجنينه لازم الشوك بتاعها يدخل فى جسمى وكان مؤلم جدا-فانتقمت منها -وجبت ليها سماد كيماوى كميه كبيرة جدا وحرقتها بيه ماتت من كترة

مصدق حضرتك بالثلث ... لاني حصلي حاجة في شقة برضة زيك كدة

بدون دخول في التفاصيل

من يحدث له هذه الأشياء عليه بالآتي:
* قراءة سورة البقرة كاملة كل ثلاثة أيام
* المحافظة على أذكار الصباح والمساء كاملة يومياً
* المحافظة على أذكار قبل النوم كاملة

ومش هيحتاج حاجة تانية

لكن ضمنياً يكون محافظ على الصلاة ومستقيم

.

جد والدتي الله يرحمه كان راجل خير جدا ودائم الصلاة في اوقاتها بالجامع وقراءة القرءان
من الكلام اللي كان بيتحكيلي ان الجن كان بيقفله علي باب الخلاء وقت الفجر لمنعه من الوضوء بس كان بيستعيذ منه فمكانش يقدر يعمله حاجه
بس الكلام ده كان من20 او 30 سنة
فاللي مداوم علي الصلاة وقراءة القرءان مش هيهمه حاجه والله لو طلعله فريق كورة بحاله

واحد صاحبى عمة راجل كبير ومحترم جدا
وعندهم بيت فى العياط
محدش ساكن فيه
وهو نادر اما بيبات هناك
لما بيروح هناك ويتغطى كل شويه الغط يتشال من عليه ويوقع على الارض ويلاقى حد بينده عليه " يا حاج احمد :d"
طبعا انا صاحبى حكى لى كدا " وانا متاكد منه انه مبيشتغلنيش عشان هو ملوش فى الحوارات دى "
بس هل فعلا دا بيحصل؟!
كل شىء جايز والجن فعلا موجود بس هل بيتدخلوا فى حياة البشر ؟