الموضوع: كارثة بجد محتاجة الخبراء (تغيير البوابة بعد التنظييف )

المشاركة الأصلية كتبت بواسطة smsmsmsm1983

بعد تنظيف البوابة بدا ال rpm فى التهييس يقرا اول ما ادور السيارة 2.1 فى الاول قولت يمكن علشان التنظييف اخدت السيارة مشوار كله قرص مافيش فايدة جربت idle learn مفيش اى فايدة اول ماتدور 2.1 واول ما احط الغيار الاول يقوم نازل 1.1 و ايضا مع تشغيل التكييف اليوم و ضعنا السيارة على الجهاز القراءة كله صحيح و العربية ما ينزلش rpm الا بعد فك خرطوم حساس المانفولد جربنا حساس بتاع اوبترا اتوماتيك ما فيش فايدة فصلوا كابل حساس البوابة لمبة check نورت و الصوت هدى و رجع ال rpm مكانه 0.9
فى الاخر استقر الراى ان العيب فى البوابة انا هتجنن ازاى و هل ده صحيح انا مش عايزهم يعكوا الا لما استشيركم الاول

ممكن بعد اذن حضرتك تجيب منتج Abro for electronics , وبعد كده تفك البوابه خالص من العربيه وترشها بالأسبراي ال Abro وبعد كده تنشفها وتشيل اي رواسب وتسيبها شويه لحد اما تنشف وبعدين ركبها ودور ان شاء الله البوابه هتظبط لوحدها
وده شكل المنتج في اللينك ده شوفه ومتوفر عند اي حد بتاع اكسسوار عربيات او البنزينات الكبيره

http://www.abro.com/products/consumer/?product=2025

جرب مش هتخسر حاجه بالعكس ممكن يفيدك بس التزم بالكلام اللي انا قولته
وعالفكره البوابه مافيهاش شحوم ولا حاجه علشان محدش يقولك اصل اللي رشيته ده ضيع الشحم فكده باظت ده انا كمان فكيت البوابه بمعنى ادق فكيت البلاستيكيه السوده اللي في البوابه من ورا وكان كلها تروس بس اما رشيت رشيتها بالأسبراي اللي انا قولت عليه
خير ان شاء الله وماتقلقش وما ترشش اي اسبراي تاني غير اللي انا قولته دلوقتي وفي المستقبل اه نسيت وبالمره رش الفيشه بتاعت البوابه يمكن تكون ملمسه وسيبها تنشف خد بالك ان ماده بتاعت الأسبراي ماده سريعه التطاير ياعني بتنشف عالطول وانا معاك لو احتجت اي حاجه

متاااااااابع

المشاركة الأصلية كتبت بواسطة smsmsmsm1983

بشرى سارة استمعت لنصيحة الاستاذ الفاضل hmada9009_99 واحضرت منظف للالكترونيات اسمه akai
لونه اصفر و رشيت داخل البوابة و السيارة دايرة و نشفت و سافرت مشوار بيها rpm رجع طبيعى و العربية رجعت هادية الحمد لله
شكرا اعضاء نيل موتورز الكرام نصيحتكم طمنتنى ونجدتنى من الفتايين

الحمد الله ان المشكله اتحلت