الموضوع: حد يقدر يفيدني عن الشحن الجوي لبضاعة من تركيا

السلام عليكم و رحمة الله و بركاته

اخوتي في منتدانا الكريم
انا ناوي باذن الله اني اسافر تركيا قريب و استورد ملابس من هناك بس مش كمية كبيرة لان دي ال مرة فمش عايز المخاطرة تكون عالية
فكنت عايز اجيب الحاجة معايا طيران لاني عرفت ان فيه اصحاب محلات ملابس بيعملوا كده فعلا.
فياريت لو حد عنده فكرة عن الموضوع دا بتفاصيله (اسلم البضاعة لمين هناك - تكلفة الشحن و الجمرك - مشاكلها ايه ..........)
في انتظار نصايحكم الغالية
و جزاكم الله عنا كل خير

لو كميه كبيره يعني لو بتتكلم على طن مثلا يبقى نقل بحري لان الجوي مكلف جدا ده غير الجمرك العالي في قرية البضائع في المطار d:

لاكن لو بحري الجمرك اقل + الشحن اقل

ومتنساش طالما حتسورد كميات يبقى لازم سجل تجاري

وطبعا زي ما انت بتقول يدوب مش حتجيب كميه كبيره وحتجبها عن طريق المطار معاك وانت جاي لمصر

مش عارف انت حتسافر على خطوط ايه بس سمعت ان مصر للطيران ليك 46-50 كيلو على التذكره

والي يزيد بيحسبوا يا اما بالكيلو يا اما بالشنطه ايوه بالشنطه ده الي سمعته من واحد عمل نفس موضوعك

وقال والوزن الزايد مش بيتحسب بالكيلو بل بالشنطة يعنى لو فيه شنطة .اكتر من23 كيلو تدفع عليها 50 دولار اما لو

شنطة ثالثة تدفع 100 دولار ده بالنسبة وانت فى تركيا وهتشحن على الطائرة

وممكن تاخد معاك جوه الطائرة شنطة لا تتعدى 10- 15 كيلو

وطبعا زي ما انت عارف ان لازم يكون معاك فاتورة الشراء خصوصا لو حتسيب الملابس بالتيكت بتاعها

وغلاف المصنع الخ الخ فا حتبان انها كميه + انها جديده فا ليك انك تجيب هدايا او استعمال شخصي

في حدود 1500 - 2000 جنيه مصر وما يزيد عن ذلك يدخل في الجمارك وطبعا كل قطعه بتتفلى

وتتقسم هههههههههههههههههههه وممكن يطلعلك واحد رخم وميدلك ال 1500-2000 جنيه هدايا

ويقولك حجمرك كله بس عموما من تجربتي شخصيا الجمرك في المطار بطيخ

يعني مفيش نسبه معينه ممكن يقولك حدفعك 5000 جنيه ,, لو فاصلت ممكن يخليهم 3000 ولا 2000 جنيه هههههههd:

وطبعا متنساش لو انت رايح شهر بس غير لما تكون قاعد هناك سنه ولا اتنين فا بتفرق في الجمرك طبعا

لان حيديك خصم كبير ويمكن يفوت الكميه كلها على اعتبار ان بقالك فتره كبيره هناك

ونازل بهدايا او حاجات استعمال شخصي فا ممكن متدفعش الا مبلغ بسيط جدا

ولو عايز شركات شحن في تركيا لقيتلك الشركه ديه

اول شركة اسمها دنيا جان .. صاحب الشركه بيتكلم عربى اسمه ابو احمد

مكان الشركه في تركيا طبعا في عثمان بيه ممكن تجبها من الدليل التركي d:d:

وعلى فكره لو عايز تجيب الملابس ديه عشان تبعها وتكسب عندك مصانع ملابس في مصر تعملك الي انت عايزه

والخامه الي عايزها والكميه + السعر الي انت عايزه بس يكون مقبول يعني وخليك في الصناعه الوطنيه

حتلاقي المكسب اكتر + مفهاش تعب اكتر وانت براحتك طبعا

وجووود لك