انا محتار !!! عايز اشتري عربية في السعودية جديد قسط ولا مستعمل كاش

السلام عليكم
انا في السعودية ومحتاج اشتري عربية ومش عارف آخد قرار نهائي
مستعمل وعلى قد لحافك مد رجليك واستحمل الميكانيكية والورش هنا واسعارها الغالية ولما ابيع ممكن ما اخسرش كتير

ولا جديد قسط وتبقى حالة جيدة وصيانة دورية في التوكيل بس هدفع اجمالي مبلغ كبير وهخسر عند البيع مبلغ كبير برضه بس هبقى محافظ على نفسي من قرف الميكانيكية وقطع الغيار ووجع القلب
مع العلم انه لو جديد قسط 5 سنين ولو لا قدر الله لاي سبب مكملتش في السعودية وحبيت انزل نهائي هيبقى لازم اشوف حد اتنازله عن العربية وساعتها هتبقى الخسارة كبيرة شويتين

المستعمل اللي في دماغي فورد اكسبلورر 2005 او شيفروليه كابريس 2005 او سوناتا 2008

الجديد آخري علشان اقلل الخسارة بقدر الامكان اكسنت

لو مكاني تعمل ايه ؟

مستعمل طبعا بس إجتهد تجيب حالة كويسة و الكيلومتر قليل
كده تبقى جمعت الحسنيين ... السعر و الرفاهية

ياراجل حد يحتار فى السعودية بردو !!!!
اللى بيشترى زيرو فى الخليج علشان يرجع بيها مصر ويدفع جمركها وسمعت ان السيارات الأوروبيه جمركها اقل من الأسيوية
انما لو هتشترى علشان فترة وجودك فى السعودية فقط طبعا اشترى مستعمل

دور على كرولا أو كامرى 2005 وأنت طالع عربيات أعتمادية جدا جدا خصوصا فى الخليج انا كان معايا كامري 2006 لحد 2010 فالكويت 4 سنين فحت و كسبت فيها وانا ببعها بس اهم حاجه الحالة

اقتباس:

---

المشاركة الأصلية كتبت بواسطة أبو صلاح

السلام عليكم
انا في السعودية ومحتاج اشتري عربية ومش عارف آخد قرار نهائي
مستعمل وعلى قد لحافك مد رجليك واستحمل الميكانيكية والورش هنا واسعارها الغالية ولما ابيع ممكن ما اخسرش كتير

ولا جديد قسط وتبقى حالة جيدة وصيانة دورية في التوكيل بس هدفع اجمالي مبلغ كبير وهخسر عند البيع مبلغ كبير برضه بس هبقى محافظ على نفسي من قرف الميكانيكية وقطع الغيار ووجع القلب
مع العلم انه لو جديد قسط 5 سنين ولو لا قدر الله لاي سبب مكملتش في السعودية وحبيت انزل نهائي هيبقى لازم اشوف حد اتنازله عن العربية وساعتها هتبقى الخسارة كبيرة شويتين

المستعمل اللي في دماغي فورد اكسبلورر 2005 او شيفروليه كابريس 2005 او سوناتا 2008

الجديد آخري علشان اقلل الخسارة بقدر الامكان اكسنت

لو مكاني تعمل ايه ؟

---

اال3 عربيات اللي حضرتك مختارهم اختيارات سيئة!!
الاكسبلورر ممن موديل 2003لحد2005 كله عيوب وهم وقرف غير انك مش هتلاقي منه حاجه نضيفه مطلقا وعلى يدي كنا مطلعين 2003 زيرو وغيرناله مكنه ووضبنا الجير مره وفصلنا الدبل وكل ده ويدوبك مشي 230 ألف!!
خش عالكابريس ونا ادراك مالكابريس...
هتدوخ وتتعب ويجيلك اسهال في صباع رجلك الصغير وهترميها وتدي اللي ياخدها فلوس!! والكلام عليها وعاللومينا والاوبل اوميجا...
السوناتا حلوة لكن عربية هتكون هلكت وخصوصا انها عربية الشباب بيحبوها في التفحيط...
لو حضرتك بتفكر في المستعمل(والذي لا انصح بيه في السعودية) اما انك تنزل بنفسك حراج السيارات وتصطادلك حاجة نضيفه يا اما تاخد من التوكيل المستعمل بالضمان والافضل من الاكسنت طبعا الكورولا اللي تعتبر شيك على بياض في جيبك ووقت متحب تبيع هتبيعها هوا وفلوسها مضمونه وعربية ممتازه ويكفي انها تويوتا....
وشوف الافيو والاوبترا...
انا من فترة شفت 2011 فل اوبشنز ماشيه 26 ألف وبضمانها وبتبرق وبجد كانت حالة نادرة وكان سعرها واصل 25
ده في السوق طبعاً مش في معرض ولا توكيل...
وشوف الفورد فوكس جديد...
حاولت افيدك شوية...
تحياتي

Sent from my LT18i using Forum Runner

خليك في التويوتا وتكون حالتها نضيفة وكيلومتر قليل
وان شاء الله مش هتروح لميكانيكية خالص

الزيرو هاتخسر فيه كتير لما تبيع + انك هاتدفع فيه اكتر من تمنه عشان القسط + انك مش هاتركب حاجه عاليه

رأيى طبعا مستعمل , ومش لازم تجيب حاجه قديمه وتتعبك عند الصنايعيه , انت ممكن تجيب حاجه حديثه شويه 2010 مثلا وماشيه قليل مش هاتكون مكلفه فى الصيانه

انا من راى انك عايز عربيه تقضى الغرض
فا انا بقول تشوفلك ياريس مستعمله فى السةق بتعمل 13 15 بالكتير و هتكون بحلتها
1600 هتقضى الغرض و تصلحها سهل و لما تبيع مش هتخسر
و تيوتا هنا زاى منتا عارف جنيه دهب

بس خلي بالك من المستعمل لو انتا في جده لان كل اللي بيتباع كان غرق في السيل ،،،

فيه فورد ماكليز محبوبه وعمليه فى السعوديه

مستعمل امتر من 4 سنين هايتطلع عينك وهتكره اليوم اللي اشتريته فيه

ابعد عن Expedition و Explorer اعرف ناس كتير اتقلبو بيهم خليك في الجراند ماركيز او هوندا اكورد و ابعد بردو عن الكامري و خصوصا لو استعمال شاب لان الكامري مشهوره بالتفحيط فالسعوديه

لو حضرتك ماشاء الله مستقر في عملك وعندك رغبة في الاستمرار لمدة 5 سنين فخد سيارة زيرو تقسيط منتهي بالتمليك وسجلها في السفارة وان شاء الله تاخدها ووانت نازل بعد 5 سنين او تكمل اقساطها وتنزلها قبل كدا وتستفيد من الاعفاءات الجمركية وغالبا انها هتتيسر اكثر من كدا في الفترة الجاية ان شاء الله ولو انت محافظ عليها وجيت تبيعها مش هتخسر حاجة لان قسطها معداش 1000 ريال شهريا
اما انك وضعك غير مستقر او انك عاوز شغل احسن او حاسس انك هتمشي لظرف ما فخد حاجة مستعمله نضيفه وهتلاقيه كتير بس الحالة دي اسمع ان مفيش غير هيونداي وتويوتا هم اسهل صيانة وارخصها واسهل بيع واكثر اعتمادية زي مااخوانا مابيقولو وهتلاقي لها مشترين كتير في وقت قليل ان شاء الله
اهم حاجة الماكينة والجير وابعد عن الشيفرولية تماما (حبيبة الورشة علي راي المصريين)
وربنا ييسر لك حالك

جديد طبعا وماتقللش الخساير زى ما سياتك قولت
هات كورولا زيرو سعرها كويس وسعر اعادة البيع عالى

صلى على النبى كدا و اهدى و شوفك عربية اوربى على الاقل جماركنا بتنزل 10% سنويا يعنى بعد 5 سنين هتدفع نص الجمارك و هتكون سددت القسط بتعاها و هتثقف عليك ببلاش

نصيحة من اخ اعمل اللى بقولك علية

من الاخر سيبك من اى حاجة غاليه هاتلك اكسنت 2006 ب 15 الف مثلا حاله نظيفة حتلاقى قطع الغيار ببلاش و فى كل مكان

لو مستعمل خليك فى الكورولا او الكامرى للانتشار وسهولة الصيانة ورخصها