[gdwl]رينو لوجان طورت الموتور و اصبح تقريبا موازي لمواصفات البرتون و العربيه بنفس الحجم تقريبا و فرق السعر بين اللوجان الاوتو و بيرسونا مانوال متقارب الي حد ما
اذن ايهما تختار ولماذا ؟؟؟؟[/gdwl]:Copy of majd(4):
عرض للطباعة
[gdwl]رينو لوجان طورت الموتور و اصبح تقريبا موازي لمواصفات البرتون و العربيه بنفس الحجم تقريبا و فرق السعر بين اللوجان الاوتو و بيرسونا مانوال متقارب الي حد ما
اذن ايهما تختار ولماذا ؟؟؟؟[/gdwl]:Copy of majd(4):
الأوتوماتيك نفسه ميزة قوية جدا و مريح في السواقة .
بس كعربية البرسونا .... أفضل و فئة أكبر حجما ..... ثبات أحسن و شكل أحسن و أعتقد برضه أن كماليتها أكتر
بس اللوجان فيها مميزات .
توكيل كويس و الناس كلها تقريبا بتشكر فيه ..... و العربية مجملا كويسة. معرفش حاجة عن قطع الغيار و لكن معدل انتشارها يقول أن قطع غيارها هاتكون متوفرة و أي عربية منتشرة في مصر هاتلاقيلها قطع غيار من كله ... مضروب و أصلي و متوسط الجودة و هكذا .
إنما البرسونا ركوبة أحسن و ثبات أحسن و عن تجربة .
بُص في الآخر ... هما الأثنين كويسين و اللي عاجباك أكتر أشتريها .
متشكر علي اهتمامك يا استاذ توت بس فعلا الامر محير لان زي ما قلت الاثنين كويسين ؟؟!!
انا بالطبع بحب البيرسونا لكن مع ميزة الاوتوماتيك و السعر الاقل يبقي الامر محير .. يعني مفيش اي عامل ترجيح مؤثر بينهما ؟؟ اللوجان شكل قديم و هتتغير 2014 بس في نفس الوقت موتور رينو و فتيس رينو و عافشة انعم من البيرسونا .....
العفو يا فندم .
موتور البرسونا و فتيسها ممتازين و مفيش فيهم مشاكل .
الموتور تطوير بروتون و لوتس ....... و صناعة ماليزية محترمة 100 % و موجود في العالم من 2005 و مفيش منه مشاكل نهائيا .
و الفتيس صناعة يابانية (ميتسوبيشي )
بالنسبة للعفشة .......... عفشة اللوجان مش أنعم من عفشة البرسونا ..... عفشة ناشفة برضه .....
أو على الأقل العربية اللي جربتها (مع أنها كانت جديدة - كانت عاملة تقريبا 5000 كم بس )
الثبات و الشكل و الصالون الداخلي لصالح البرسونا بالاضافة لقوة الصاج و سماكته .
لو الفلوس فارقة معاك قوي ........ هات اللوجان .... و في الآخر هي عربية حلوة برضه و جميلة .
لو تقدر تزود شوية و تجيب البرسونا الأوتتو ........ صدقني حاجة تانية و مختلفة تماما عن اللوجان .
المقارنة الحقيقية بين الساجا واللوجان مش البيرسونا واللوجان
كدة ظلم كبير للوجان لان البيرسونا احسن في كل حاجة
الساجا الاوتو ارخص من اللوجان اوتو
لو جينا نتكلم بالعقل البرسونا افضل من اللوجان فى الشكل ( دى ازواق ) ان فيها abs معتقدش انها اكبر فى الحجم من جوه نيجى للرينو احسن فى 1- وكيلها احسن بكتير
2- قطع غيارها متوفره اكتر
3- سعر اعاده البيع اعلى
ومتنساش حاجه مهمه ان فى فرق بين الاتنين 20000 يعنى مبلغ كبيييييير اوى يعنى لو كانت البرسونا احلى و هى فعلا عربيه محترمه بس متستهلش الفرق ده كلو عن اللوجان و فى النهايه القرار ليك انا كنت فى حيرتك و كنت مدخل كمان الصنى صليت الاستخاره و لقيت نفسى رايح للوجان
حضرتك شايف ان الفرق ميسواش ال20000 جنيه؟
يعني فرق ال2 ايرباج وال abs وال ebd والكماليات والثبات والموتور والتسارع والخامات والتقفيل وكووووووووووووول ده ميسواش الفرق؟
لعلم حضرتك قطع غير البيرسونا ارخص من اللوجان زي المرايات والفوانيس والاكصدامات والعفشة
نقطه نقطه بس البرسونا اه فيها واجده ايرباج زياده ونظام الفرامل بس ايه الكماليات تانى الزياده دى نقطه
النقطه الثانيه التسارع اه انا عارف البروتون سريعه جدا لكن اللوجان برضو نزله بموتور 110 حصان 16 صباب يعنى لو انا مليش فى الشد و الجرى مش هاحس بالنقطه دى
قطع غيار البرسونا ارخص انا معرفش على اساس ايه ده الفانوس الامامى بتعها معدى ال 600 جنيه
و بالنسبه لمشكله اعاده البيع تبقى جايب عربيه 100000 و تيجى تبعها بعد سنتين او تلاته تسمع فيها 60000 ده كمان غير وكيل ملوش اى لازمه ده هو الى مبهدل العربيه
وفى النهايه هى عربيه كويسه و ممكن تكون احسن من اللوجان لناس معينه الى عايز يشد وجرى على سرعات عاليه
لكن انا بدور على الاعتماديه 1 وكيل محترم 2 سعر اعاده بيع 3 قطع غيار
و فى النهايه العربيتين ممتازين بجد و احسن من عربيات كتير اغلى منها زى الريو مثلا
يا أستاذ أحمد تعالى أنقشك نقطة نطقة
1 الأعتمادية ............ الحمد لله متوفرة في بروتون و السيارة ممتازة و بتتباع في أسواق بريطانيا الصهيونية و أستراليا الفاشية و جنوب افريقيا و دول تانية كتيرة و السيارة ممتازة و أغلب العربيات اللي موجودة في السوق دلوقتي هي سيارات أعتمادية (كلمة أعتمادية كلمة مطاطة شوية )
2 وكيل محترم ......... ماشي وكيل الرينو أحسن من وكيل البروتون .
3 سعر اعادة البيع ..... لو كل الناس بصت على سعر اعادة البيع مكنش حد ركب سوباورا .... بي أم .... مرسيدس .... أي عربية ثمنها معدي 100 ألف (ما عدا التويوتا ) بتخسر في اعاة البيع
عندك الرينو ميجان
سعر اعادة بيعها واقع .......... هل اللوجان أحسن منها ؟؟
فيه ناس بتدور على ركوبة ......... فيه ناس تدور على الأقتصادية ........ فيه ناس تدور على المزاج و أنا حابب الحاجة الفلانية فأهجيبها بغض النظر عن أي شئ تاني .
إنما لما نيجي كعربية * عربية تانية ....... الموضوع مختلف .
و أنا قلت رأيي لصاحب الموضوع فوق .
العربيتين مجملا كويسين جدا ......... و لكن زي ما فيليكس قال
البرسونا في فئة حجمية أصلا أكبر من اللوجان ............ ولكن مفيش مشكلة من المقارنة لأن في الآخر الاثنين عربيتين عاجبين صاحب الموضوع و هو بيفاضل بينهم .
فأحنا بنفكر معاه بصوت عالي
+1111111
اتفق معك تماما و بالمناسبة انا مقولتش ابدا ان البيرسونا تساوي اللوجان انا قارنت مانوال البيرسونا مع ستيب ترونك اللوجان و في فرق تاني ظهر لي لان اللي كنت اعرفة ان اللوجان اوتو فيها ABS لكن اتصلت بالتوكيل و قالوا مفيش اي موديل لوجان فيه ABS :Copy of rfds:
انا مقلتش البروتون وحشه انا مقدرش اقول كده لكن الى بقولو الفرق مش يستاهل 20000 الكماليات تقريبا زى بعض بالنسبه للوكيل صحبى بيشتكى منه اوى الريسيل مش عارف شيفو ضعيف اوى كنت في السوق و لقيتها اقل سعر فى الريسيل لو مش فارق معاك الفرق فى الفلوس هاتها علاطول
الاسعار الجديدة لبروتون تخلي المقارنة لصالح لوجان :(
انا مش عارف ليهم غلي السعر حوالي 7000 جم رغم ان العربيه بنفس مواصفات 2012 هوا كان بيلعب في ملعب من 80000 ل 100000 تقريبا لوحده دلوقتي دخل معاه منافسين اقوياء زي صني و اكسنت