-السلام عليكم ياشباب .... معلش هطول عليكم بس استحملوني بقي عشان الحوار ده عاملي هسهسة في دماغي ...
-امبارح مشيت بالعربية وهي مافيهاش نقطة مية مالا يقل عن 40 كيلو وانا علي طريق مفتوح محستش بحاجة خالص ولا علي مؤشر الحرارة ( ممكن الهوا اللي بيخبط فوش العربية كان بيبردها ) ولما وصلت البيت وبركن ( مفيش هوا يبردها بقي ) شميت ريحة شياط بسيطة كدة والحرارة معدية النص.
-فتحت القربة لقيتها فاضية وسامع صوت كدة ( كانها بتشفط مية بس مش لاقية مية تشفطها عشان تعوض الرداتير )... قمت بطلت العربية وجازفت وفتحت الرداتير ... طلعت دخان كتير فسبتها عشان تبرد وتهدي ... وبعدين دورت العربية وحطيت فالرداتير لحد ماتملت ومليت القربة.
- خليتني جنبها بقي عشان اتاكد من مروحة التبريد ... لاني شكيت انها تكون هي السبب تكون مبتشتغلش ومابتبردش وهي السبب ان المية تتبخر كلها ... بس اووووووووووول ماشتغلت حسيت احساس ( واحد عاد من الموت بعد صدمات كهربا لانعاش قلبه ) و سبت العربية شغالة شوية عشان اتاكد ففصلت واشتغلت 3 مرات للتاكيد والتوكيد ( لاني موسوس )..
- وغيرت مكانها عشان لو فيه حاجة في دورة التبريد او الخراطيم ونزلت المية اعرف ... بس الحمد لله نزلت للجمعة ومالقتش مية تحت العربية ...
- دلوقتي بقي ياشباب انا ( موسوس برده ههههههههههه ) وعايز اعمل اتشيك علي دورة التبريد كلها فاخلي الميكانيكي يشيك علي ايه غير الخراطيم والتسريبات ... لاني مقلق يكون عملت حاجة فالمكنة نفسها ....
- وبالمرة بقي بفكر اروح انضف الراداتير واشوف مكان يكون بينضفه واغير المية اللي حطتها بمية خضرا فافضل نوع ايه ؟؟؟؟... فهل الاسلوب انه يشيل الطبة بتاعة الراداتير ويحط خرطوم فالراداتير وهي دايرة بحيث تبقي الدايرة مفتوحة عشان تنزل الرواسب والمية القديمة..
تحياتي يارجالة ....
المفضلات