الى جميع اصحاب m 11
ايه اخباركم معها
تنصحونى بيها والا لا
اهم اعطالها ايه ومستوى الخامات والجودة ايه
اخبار قطع الغيار ايه واسعار ايه وموجودة خارج التوكيل والا لا
انا من محافظة نائية بعيدة عن القاهرة وكانت معايا لانسر بومة وبيعتها
ومعجب جدا ب m 11
ارجو الافادة عن اهم مميزاتها وعيوبها
وهتكون العربية معايا فى مستوى البومة والا لا
وشكرا ليكم جميعا وارجو الرد سريعا
انت بتتكلم بجداقتباس:
المشاركة الأصلية كتبت بواسطة moh_faheem
انت فعلا متوقع ان m11 تكون فى مستوى البومة السوبر اكشن
سبحان الله
m11-وبومه سوبر اكشن
مين الى جاب القلعه جنب البحر
كمقارنه بين عربيه جديده ( لسه زيرو) وعربيه مستعمله زي البومه ... اكيد ممكن يتساوو ... لو كانوا التنين جداد كنت أقولك فعلا ايه اللي جاب القلعه جنب البحر .... لكن دي جديده ودي قديمه ... زي مانقول كده مرسيدس قديمه ولا لانسر جديده ؟؟؟
طب وايش جاب المرسيدس لللانسر .... بس القديم حاجه والجديد حاجه معايير المقارنه تختلف ... وتختلف ايضا من شخص لأخر ... ممكن واحد يقولك لا ياعم انا اركب مرسيدس موديل 2000 (اهي مش قديمه قوي) ولا لانسر ع الزيرو دي وجهات نظر بقى ... اما بالنسبه للأم 11 فأقدر أقولك بإعتباري من ملاك ال 516 انها عربيه جيده جداااااا ... ولكن كل موديلات إسبرانزا بها بعض عيوب التقفيل اللي ماتضايقش قوي يعني ... عاديه ... لكن كعربيات بصراحه ممتاااااازه ... عربيتي عامله 22000 كيلو .
هو طبعا فى فرق بين اليابانى والصينى بس بصراحه شكل اللانسر البومه قديم بمعنى ان شكل m11 اشيك بس طبعا الخامات تختلف وحضرتك لوركبت m11 هتقدر تقيم ده بس من حيث الثبات والصاج والماتور بسم الله ماشاء الله معتقدش اللانسر بومه اللصاج نفس صاج m11 وده سبب ثبات m11 على الطريق وفى نقطه كمان
صـون سيـارتك تصــونك حتى لو صناعه مصرى
البومة اوسع طبعا ...
البومة خاماتها احسن في الصالون طبعا
البومة انعم علي الارض ....
اي حاجة تانيه ان شاء الله في صالح ال ام 11
للأسف وكالعادة .. الراجل بيسأل سؤال برىء وفوجئنا بأن الردود دخلت فى مقارنات بين البومة والام 11
ده بس عشان اول ناس ردت بصت على البروفايل بتاعه ولقيت معاه بومة وبدأت الذم والشتيمة فى الام 11 .. عجيبة والله!!
عموما ام 11 زى ما بعض الاخوة قالوا عيوبها سوء خامات الصالون وعفشة كل شوية محتاجة تربيط وناشفة على الارض انما غير كده شكل انيق وثبات وفرامل واداء جيد جدا مقارنة بالسعر .. اقصى سرعة ليا بيها 190 كم\ساعة بالتكييف وكانت ماشاء الله منتهى الثبات
استخر ربنا وهو اكيد هيوجهك للقرار الصح
بسم الله ماشاء الله بس ياريت ياخالد بلاش السرعه دى وربنا يسترها علينااقتباس:
المشاركة الأصلية كتبت بواسطة khaled_saga
شكرا لجميع السادة الافاضل الذين قاموا بالرد والافادة
وشكر خاص للاستاذ خالد
والله الموفق والمستعان
ربنا يسترها علينا وعليك وعلى كل الناس .. انت معاك حق السرعة مش مطلوبة بس كانت رجليا بتاكلنى اعرف اخر العربية فين خصوصا لما الطريق يكون سالك ومغرى.اقتباس:
المشاركة الأصلية كتبت بواسطة aftr
جبت 180 على الصحراوى والعلمين و190 على طريق القطامية\السخنة ... ان شاء الله مش هعملها تانى مظنش انى هحب اوصل لل 200 :bee5:
العفو يا استاذ محمد ده واجبنا ..اقتباس:
المشاركة الأصلية كتبت بواسطة moh_faheem
انا قولتلك رأييى بكل امانة وضمير وذكرت العيوب قبل المميزات عشان محدش يقول ملاك الاسبرنزا متحيزين ليها .ز نسيت كمان اقولك التوكيل زبالة لكن حقيقى العربية جميلة وحبوبة :glasses08:
هحكيلك حكايتى مع العربية دى عشان تعرف ان موضوع الاستخارة مهم جدا مادام هتحط مبلغ فى عربية .. انا كنت هتجنن واجيب بريليانس fsv وكان الكلام ده بعد الثورة مباشرة لكن بسبب سوء الاحوال الاقتصادية كان الاستيراد واقف حبتين وبم ان العربية تقفيل صينى ووارد الصين مية فى المية فملحقتش منها الا حتة واحدة عند احمد موتورز الهرم وكان لونها زهرى وكان مغلى فى تمنها 10 الاف (85000 جم) فطبعا استحرمت خصوصا انى كنت هشترى تقسيط .. المهم اتجه نظرى للبروتون ساجا كنت معجب بأداءها بس كانت ضيقة عليا عشان انا طويل شوتيتين مكنتش بقعد فيها مستريح فكان ده مضايقنى وشكلها من ورا مضايقنى بردو وفضلت اقارن وادور ومكنتش حاطط اسبرنزا فى حساباتى لان المدام كانت رفضاها رفضا بتا بتا معرفش ليه والمشكلة انها بتسوق وبتفهم شوية فى العربيات فكان ليها جزء من القرار .. المهم وقفت واحد معرفوش راكب ام 11 وسألته عنها واقنعت المدام واستخرت ربنا ولقيتنى مرتاح جدااااا لما اخدت القرار ده واتوكلت على الله واشتريت .. مفيش شك كان فى اول ما اشتريتها هوسهوس الصينى بيراودنى وكل ماتسمع صوت تفتكره طالع من عربيتك لكن بعد سنة ونص (20 الف كم) اكتشفت ان كل مشاكلها كانت كلام فارغ وسببه سوء التقفيل ورداءة الخامات انما كأساسيات العربية صاج متين بسم الله ماشاء الله وثبات عالى وفرامل وشكل جذاب .. العيوب زى ماقولنا فوق بقا.
مش هطول عليك وربنا يوفقك فى الاختيار
انا بقي يا خالد جبت 190 صحراوي و 200 علمين ... بس لما بصيت علي معدل استهلاك البنزين مشيت 140 لان علي 200 العربية كانت بتسحب من 21 الي 23 لتر لكل 100 كيلو .....
صباح البنزين اللي في الهوا ....
السلام عليكم
احب انقل تجربتى حيث ان السياره كانت معايا لمده شهر وانا مأجرها وماشاء الله كانت تحفه وماكنتش مصدق انها صينى لولا خامتها الضعيفه شئ ما ولكن بصراحه انا سافرت بيها من القاهره مطروح وكان قمه الثبات وانا ماشى تقريبا 180 وانا مشغل التكييف بتاعها الى فعلا ممتاز بالنسبه لبعض الكورى وبعد كده بالنسبه للعفشه كويسه لحد ما لانى اخدت شويه مطبات غصب عنى بس كانت ناشفه شويه بس اعتثد ان الصيانه اسعارهاغاليه شويه وده من صاحب العربيه
والله الاجمل من السيارة m11 هو اصحاب هذه السيارة لان مشاركتكم جميلة جدا ومفيدة ومقنعة جدا
وبأذّن الله هأستخير ربنا
والله يفعل ما يريد
طب سؤال للاخ </B>TAMERMEGAHED اللي معاه اوبترا و سيراتو كوبيه اللي اجر العربية شهر...
لو هنديهم ارقام هما ال 3 ... تدي كل واحدة كام من عشرة ؟؟؟؟
و لو قيمناهم بالنسبة لفلوسهم ؟؟؟ مين فيهم احسن واحدة بالنسبة لفلوسها ؟؟؟؟
النهارده ياهيما اقسم بالله كان ورايه ابترا حب يشد معايه والله العظيم حسيت انه هيموت عشان يحصلنى بس مين يامعلم بسم الله ماشاء الله ربنا يحرص العربيه دى بجد الثبات فوق الممتاز المهم خلاص وصلنا لحد الكارته لقيته بص عليه اكنه بيقول الصينى يعمل كده فيه اه والله فضلت اضحك قولت ربنا يسترها
الاستاذ الكريم هيمااقتباس:
المشاركة الأصلية كتبت بواسطة hemaa_82
انا كان معايا اوبترا وكانت مستعمله بس بصراحه العربيه ماشاء الله عليها عربيه ثابته وقطع غيارها متداوله وتقفيلها الداخلى خامات جيده وكنت دائما اشعر ان موتورها قوى عن البودى بتاعها وفعلا عربيه محببه الى قلبى واعتقد انها سعرها مقبول جدا بالنسبه لامكانيتها
اما بالنسبه للسيراتو الكوبيه فهى معى الان الحمد لله وهى عربيه جيده لكن بالنسبه لسعرها اعتقد ان سعرها غالى بالنسبه لامكانيتها وخصوصا انها كوبيه فسعرها اغلى من السيدان شويه ولكن خاماتها الداخليه جيده جدا
اما بالنسبه لل m11 لما اجرتها لانى كنت نازل اجازه القاهره لانى اعمل فى السعوديه فاعتقد ان هى انسب سعر ولكن خاماتها الداخليه ضعيفه ولكن موتورها قوى ومناسب لحجم العربيه وثبات جيد
والله ده انت اللي كريم :)
الا نظام الشغل في السعودية ايه :) ...... ربنا يوسع عليك وعلينا