الموضوع: اداره المحرك

المشاركة الأصلية كتبت بواسطة screamseko

الافضل انك تستني عشان متحملش عالمارش مش اكتر
يعني في الثواني دي الطرمبه بتحضر البنزين اللازم للدواره وتجهزه في غرف الاحتراق عشان بمجرد متدور تلقط معاك
لكن لما بتدور علي طول انت كده بيفضل المارش شغال لغاية البنزين ميوصل ويتحرق ويلقط

الموضوع مبياخدش اكتر من 3 ثواني
بس بتقلل العمر الافتراضي للمارش والبطاريه لان اكتر وقت بتستهلك فيه البطاريه وقت الدواره

وعندي في اللوجان اللمبه دي برضه مبدورش الا اما تطفي حتي لو بطلت مني في نص الشارع بقفل المفتاح وافتحه واستني اللمبه تطفي وادور 3 ثواني بلظبط
تحياتي

المشاركة الأصلية كتبت بواسطة semsem kane

الصح الانتظار ثلاث ثوانى ثم تشغيل المحرك
الموضوع مش موضوع بنزين بس
فية حاجة اسمها check voltage بيعملها ال ecu قبل ادارة السيارة بيعمل كدة check على ال sensors الموجودة بالمحرك

المانيوال بتاع السيارة مش هيغطى كل حاجة

فية كدة حاجات بديهية لازم نكون واخدين بالنا منها

1+

بالظبط دة اللي كنت عايز اقوله
يجب الأنتظار لمدة من 3 - 5 ثواني (حسب كل عربية) علشان الecu بيعمل تشيك علي الحساسات بتاعة المحرك

اما عن الصوت

المشاركة الأصلية كتبت بواسطة aymn6666

انا في الفيرنا لما بدور المفتاح علي تاني لفه قبل الدواره بستني شويه
بستني اسمع صوت طرمبه البنزين الاول بعدين ادور
الصوت بيبقي باين وبذات لما بكون واقف في مكان فاضي وفاتح الباب

دة صوت البوابة وليس صوت طرمبة البنزين - صحيح الطرمبة بتعمل صوت ولكن الصوت اللي حضرتك بتقصده دة صوت فتحة بوابة الهوا ودة صوت الsteper motor بتاعها تحديداً