-
هو أنا اللى واصلنى من ناحية زرار الستوب
أول ما بتدوس على الفرامل الزرار بيطلع لقدام الدايرة بتوصل العربية بتدور إنت أثناء تدوير العربية العربية بتكون دايس فرامل لو رفعت رجلك والعربية بتقوم هتبطل
ممكن يكون الزرار بيوصل ويفصل تانى على طول قبل ما ا لعربية تقوم والله أعلى وأعلم دا تخمين مش أكتر
طيب لما العربية بتتوصل بجهاز كشف الأعطال هل ممكن تدورها من غير ما تدوس على الفرامل خالص او تدورها عن طريق الجهاز نفسه ؟؟؟ ولا لازم من العربية نفسها أتوقع انه لازم من العربية ( دا سؤال كدا من دماغى عايز أعرفه :) )
-
وديها لخالد الزيني في الرحاب..عندي احساس إن في فيشة مكسورة..لما بتحط الكمبيوتر بتعمل Bypass لها...في واحد اعرفة كان عنده مشكله شبه دي (بس مش بالظبط) اكتشف في الأخر إن العازل بتاع سلك حساس السرعة اتاكل بسبب الزيت ودا طبعا غيير قراية الحساس وصعب الدوارة..
-
اللي بيحصل بالظبط ان العربية بتكون مش بتدور
بيتم توصيل اللاب بالفيشة اللي تحت عند الولاعة
بعد دقيقتين من البحث عن اعطال الراجل بيخش يدورها عادي جدا بالطريقة المعتادة عن طريق الدوس على الفرامل و زرار الستارت ، و بتدور من اول مرة و كأن شيئا لم يكن .
عاوز أقول كمان انها قبل ما أغير البطارية العربية كان ممكن أقومها ببطارية تانية بس في حالة واحدة ، ان البطارية اللي راكبة فيها تبقى على مشارف الانتهاء ، يعني كنت اقعد احاول اقومها ١٠ دقايق مثلا لحد ما البطارية تخلص و تبدأ تسمع صوت المارش بس و انوار التابلوه تلعب ، و بعدين اجيب بطارية تانية و تقوم بالكابلات عادي
بس طبعا البطارية اللي فيها حاليا جديدة و مش سهل اعمل الموضوع ده غير ضرره على المارش .
أنا حاولت أفك قواطيش البطارية ٥ دقايق كده و اركبهم تاني برضه مافيش جديد
اعتقادي ان زي ما الاخ الكريم قال ممكن الكاسيت او حاجة تانية تكون بتعمل قفلة او بترجع شحنة كهربة للكمبيوتر أو حاجة مشابهة ، و أول ما الشحنة دي تتفرغ اما عن طريق اللاب أو تفريغ البطارية القديمة العربية بتقوم.
أنا بفكر في حاجة افرغ بيها شحنة الكمبيوتر دي ،، أي اقتراحات ؟ مش حل نهائي بس أي حاجة تدورها في الوقت الحالي
-
طيب ما تفصل القواطيش ونضفها كويس وركبها تانى يمكن تدور
-
طيب حاول الأول فى اللى هقوله
1- فك قواطيش البطارية.......و أغسلها كويس
2- صنفر القواطيش كويس سواء اللى نهاية الأسلاك أو اللى فى البطارية نفسها.......و جرب بعد كده.
لو محصلش تحسن أعتقد انها ممكن تكون حاجة بتهرب شحن.
-
طيب بعد المغرب هانزل أنضف القواطيش مع اني منضفهم عند واحد كهربائي من شهرين تقريبا
كنت بكلم الراجل اللي بيشتغل فيها و هو بيتكلم ان ممكن تكون محتاجة كمبيوتر ، تقريبا هو شاكك ان ايسيهات الكمبيوتر فيها حاجة مش مظبوطة
-
هاوافيكم بالتطورات ان شاء الله
-
لو عايز تتاكد من الموضوع اذا كان تهري كهربة او قفلة هتعمل الاتي
بعد ماتركن العربية ةتخلص مشاويرك وتبيتها افصل القواطيش بتاعت العربية وسيبه ليلة اة اتنين علي حسب ما بيحصل عندك وبعدين ركبها تاني لما تيجي خارج بيها وجرب لو دارت عادي يبقي اتاكد ان كدة عندك تهريب كهربة وهو دة الي بيفضي البطارية وعلي الاعراض دي لما حصلت عندي كانت بعد شراء بطارية جديدة بيوم واحد وخد بالك الفلة بتبقي من حاجات هبلة اةي زي نور الشنطة او درج لتابلوه وربنا معاك وابقي عرفنا وصلت لايه
-
سلام عليكم ، أنا عندي نفس المشكلة بالظبط فالعربية. ومش عارف هل دة uch ؟ ولا تسريب كهربا ولا إيه؟ فممكن بعد إذنك تقولي إيه الحل ؟ عربيتي كل يوم لازم حد يجي ببطارية عشان تقوم.
الكمبيوتر مش قارئ حاجة. الموضوع سخيف وأبعد من تخيلتكم! والواحد ليس في حاجة إنه يعد يجرب و يضيع في فلوس.
-
متابع - بالرجاء الافادة المشكلة كانت فين لتعم الفائدة
ولك جزيل الشكر
Content Relevant URLs by
vBSEO 3.6.0 PL2