يا جماعه عندى سماعه الباب اليمين فى زنه ورنه كده مش كويسه لما بعلى صوت الكاسيت زى ما يكون فيها حاجه سايبه يا ترى اعالجها ازاى وعند مين ولا لازم فى التوكيل ؟؟؟؟؟؟؟؟
عرض للطباعة
يا جماعه عندى سماعه الباب اليمين فى زنه ورنه كده مش كويسه لما بعلى صوت الكاسيت زى ما يكون فيها حاجه سايبه يا ترى اعالجها ازاى وعند مين ولا لازم فى التوكيل ؟؟؟؟؟؟؟؟
من كام يوم فكيت الباب عشان اشوف السماعة عندى نفس مشكلتك بالظبط
بس معرفتش اعمل معاها حاجة السماعة بيبقى جواها زى حتة قماش أو كرتون اللى بتعمل ذبذبات االصوت مع علو الصوت بتتحرك لقدام ولورا اللى لاحظته إنها فلتت من ناحية ودا سبب الاهتزاز
وأعتقد إن صعب تصليحها والله أعلم بس أنا محاولتش أصلحها
والتوكيل هيغيرها طبعا ومعرفش سعرها كام
انا بفكر اروح شارع دمشق كده لانى كنت عاوز اسألى على ديفيدى بلاير يركب مكان كاسيت العربيه الاصلى ولو لقيت حاجه كويسه ممكن اشتريه واركبه وبالمره اشوف السماعه البايظه دى
السماعة دى كده باظت وللأسف مفيش حاجة فى السوق تركب فى التجويف اللى فى الباب بنفس المقاس فإما تشوف واحدة استيراد حتلاقى تمنها حوالى 60-70 جم او بيغيروها بسونى اكسبلود 150 وات سعر الجوز 165 جم بس بيقوروا جزء فى البلاستكة اللى موجودة وراء السماعة حتى يستوعب التجويف السماعة الجديدة لأن عمق السونى أكبر من السماعة الأورجينال
طب هل موجوده فى التوكيل ؟؟؟؟؟؟؟
السماعه بتتصلح عادى جدا وانا عندى كانت بتزن عشان مقطوعه والحل بسيط اى صمغ نوع كويس او كله والسماعه تتفك وتتلزق عادى وتبات بره يوم من غير ما تشتغل عشان اللزق ينشف كويس والنتيجه عادت كالجديده وده فيديو للتوضيح
How fix a blown speaker - YouTube
والفيديو ده للحالات الميئوس منها
Restoration Tips 4: Speaker Repair - YouTube
هجرب فى القريب العاجل إن شاء الله
هو العيب يا أستاذ حسام من الرق اللى فى السماعة نفسها هو زى كرتون كدا المشكلة عندى انه مش مقطوع أو جايز أنا مركزتش فيه لأنى كنت بفك بالليل ومش طايق نفسى
طيب بالنسبه للسماعات الفي التابلوه بتتغير ولا لأ
السماعات اللى فى ال تابلوه تغيرهم بسهولة جدا تشيل الغطاء اللى عليهم بإيدك وتشيلهم وتجيب غيرهم
انا مغير الاربعه بسونى اكسبلود و كلفونى 350 جنيه بالتركيب والصوت احسن كتير
طب يا ترى غيرتهم فين يا استاذ احمد وهل احتجت انك تعمل تعديل فى الباب عشان تركب السماعات السونى الجديده
بص يا باشا شهل فكها جدا والورق داه هتلاقيه اتقطع من مكانه الي هوه جوه السماعات روح لحد بتاع كاسيت ويلحمه لك بس بطريقه كويسه بـ سيليكيون نضيف وهاتلاقيها رجعت زي الأول
او ريح دماغك واشتريها استيراد بـ 100 جنيه
اناعندي عيب و مش عارف ده يعني لما بشغل الكاسيت السماعات تبقي عالي عادي و فجاه كده لوحدها الاقيها بقت واطيه بس الصوت موجود ده ممكن يبقي عيب ايه
الكلام دا بيحصل مع كل الاسطوانات ؟؟
هل إنت مركب وصلة aux ?? ومتأكد من مصدر الجهاز ؟؟؟
هل حضرتك مشغل خاصية علو الصوت مع سرعة العربية ؟؟؟
انا مش مركب وصله ومش عارف اذا كنتمشغل خصيه علو الصوت ولا لأ ممكن تقولي ازاي اقفلها لو كانت مفتوحه
الخاصية بتقفلها كالآتى
من زرار العلامة الموسيقية اللى مكتوب جمبه expert تضغط ليه كام ثانية هيصفر ويفتحلك قائمة تقلب فيها من الزرار اللى بتقلب منه الأغانى لحد ما توصل ل speed وتختار صفر عن طريق الزراير اللى بتعلى وتوطى منها
طب يا جماعه حد يقولنا طريقه فك فرش باب العربيه عشان اعرف اطلع السماعه واصلحها
حاجات تاخد بالك منها
لازم يكون معاك مجموعة ألانكى نجمة
بعد ما تقرأ الموضوع اللى فوق كويس جدا تبدأ التنفيذ يستحسن فى النهار لو أول مرة
بعد ما تفك فرش الباب نفسه هتفك الغطاء البلاستيك الكبير اللى فيه السماعة بترفعه لفوق من على اليمين خد بالك
لما تيجى تركب تانى الغطاء تبص فى نصف الغطاء هتلاقى فتحتين على شكل مكعبين كل واحدة منهم بيدخل فيها حتة حديدة فى صاج الباب لازم تدخلهم الأول عشان تركب الباب صح وركز شوية وأنت بتركبه
وخد بالك فيه تحت سلكة رايحة للمبة الباب لأحسن وإنت بتركب تضغط عليها
عشان كدا بقولك فك فى النهار
أى حاجة تعاكسك وإنت بتفك قولى
حاجات تاخد بالك منها
لازم يكون معاك مجموعة ألانكى نجمة
بعد ما تقرأ الموضوع اللى فوق كويس جدا تبدأ التنفيذ يستحسن فى النهار لو أول مرة
بعد ما تفك فرش الباب نفسه هتفك الغطاء البلاستيك الكبير اللى فيه السماعة بترفعه لفوق من على اليمين خد بالك
لما تيجى تركب تانى الغطاء تبص فى نصف الغطاء هتلاقى فتحتين على شكل مكعبين كل واحدة منهم بيدخل فيها حتة حديدة فى صاج الباب لازم تدخلهم الأول عشان تركب الباب صح وركز شوية وأنت بتركبه
وخد بالك فيه تحت سلكة رايحة للمبة الباب لأحسن وإنت بتركب تضغط عليها
عشان كدا بقولك فك فى النهار
أى حاجة تعاكسك وإنت بتفك قولى
والله يا جماعه انا مش عارف من غيركم كنت عملت ايه ،،، والله انتوا السبب انى حبيت الميجان لان ماشاء الله عليكم عارفين كل كبيره وصغيره فيها
انا قريت الموضوع اللى حضرتك حطيته والحمد لله ان السماعات اللى بايظه عندى فى البابين الامامى بس فطلع فكهم سهل جدا جدا زى الشرح المصور فى اللنكه اللى حضرتك حطيتها متشكر اوى وربنا يجعله فى ميزان حساناتك لانك رحمتنى انى اروح لحد مخصوص عشان يصلحهم ورحمتنى من استغلال الصنايعيه
فكيت السماعتين اللى قدام ولحمتهم بسيلكون زى مع الاخوه قالوا وركبتوهم تانى ورجعوا زى الاول بالضبط الف شكر ليكم يا رجاله
ما نوع السيليكون المستخدم ؟؟
مش فاكر نوعه ايه بس انا جبت سيليكون بكتريا بيقوله عليه انظف نوع.... وفى حاجه انا لاحظتها وانا بركب السماعات انا كنت غاسل العربيه قبل ما ابتدى شغل فى السماعات ولاحظت طراطيش ميه داخله فى مكان السماعات فى البابين اللى قدام متهيألى هو ده سبب بواظان السماعات بتاع الميجان والله اعلم
لأ لأ المياه ليها مجارى خاصة ومينفعش تدخل للسماعة بشكل أو بآخر غير من جوا العربية من الخروم بتاع السماعة التقفيل كويس جدا
طيب قولى حضرتك شكل السماعة كان عامل إزاى ؟؟؟ وكانت مقطوعة فعلا ؟؟ ومنين بالظبط ؟ من الداير بتاعها ؟؟؟
نصيحة للى هيعمل كدا ويلحمها
يسيب السماعة برا شوية ع بال ما السيليكون يشد عليها وميشغلش السماعة لمدة يوم لأحسن يكون نوع السيليكون مش كويس ومبينشفش بسرعة
سمعت إن فيه سيليكون حرارى بيجف بسرعة وأشد من السيليكون العادى لكن مجربتهوش
السيليكون اللى معايا عادى نوع باين عليه من علبته أنه على ما تفرج بس هو كويس جدا بصراحة فى الشغل معايا وبيشد بس مش بسرعة
العلبة جبتها ب 7 جنيه وبصراحة نفعنى جدا وعملت بيه أكتر من حاجة فى العربية وبرا العربية
انا كان قدامى نوعين سيليكون عادى ب 7 جنيه وسيلكون بكتريا ب 15 جنيه جبت ابو 15 جنيه ولما فكتيت السماعات كانت مقطوعه فعلا من الداير بتاعه نظفتها بالهواء كويس ولحمتها بالسيلكون وسبت السماعات يوم كامل قبل ما اركبهم فى العربيه عشان السيلكون ينشف براحته وركبتهم النهارده الصبح وماشاء الله الصوت رجع تمام من غير اى زنه
ماشاء الله مش كنت تصورلنا هههههههههه