الموضوع: سؤال فني عن الرادار , وآخر عن سداد المخالفات

بسم الله الرحمن الرحيم


بعد إذنكم ياشباب .... كنت عايز اعرف حاجتين محتاجين دقة شوية


1- على المحور فيه رادار اشتغل وسبق اني بلغت بيه الناس هنا .... الأستاذ رادار بيلقط صورة لما يرصد سرعة فوق 90

اللي بيحصل ان فيه ناس بتحاول تتداري في عربيات تانية أو الرادار يلقط صورة بسبب واحد سريع معدي جنبي, وباكون أقل من السرعة القانونية كمان , وبكدة بقت الصورة جماعية للصف كله

سؤالي هنا, هل بيتم تمييز العربية المسرعة عن العربية اللي ماشية قانوني وقت فرز المخالفات ؟ ولا الموضوع بيتاخد كدة بالبركة وعاطل في باطل؟؟


2- العبد لله مش بيفتري في السرعة , لكن أشك والله أعلم ان رادار يكون لقط العربية في إحدى الصور الجماعية وصورتها عجبته وقرر انه يتعرف عليها , وبالتالي بقى عليا مخالفات

ولسة بدري على تجديد الرخصة, لكني مش عايز يتراكم عليا غرامات

السؤال هنا: هل ينفع اروح استعلم واسدد غرامات العربية لحد اللحظة الحالية , وذلك قبل ما يحين ميعاد تجديد الرخصة؟؟


معلومة على الهامش: العربية مترخصة 2013 ولسة بياناتها مش داخلة على موقع الاستعلام عن المخالفات على الإنترنت


متشكر جدا لكل من قرأ وشرفني بالرد

سلام عليكم