☆ مذيعة برنامج ★★★★ The Vois

برنامج ذا فويس يحصل على ١٠٠ مليون مشاهد في الشرق الاوسط

http://t1.gstatic.com/images?q=tbn:A...Gu-iRWYqvMccER

حد شاف المذيعة الجديدة على برنامج ذا فويس ايه رايكم فيها !!!
انا بصراحة صدمني ادائها في اول حلقة
بس قلت لنفسي ماهي لسه طازة وباين عليها مش محترفة بس مدربة كويس

http://t1.gstatic.com/images?q=tbn:A...cWkjTEcyuwhegF

بس الغريب وانا بعمل بحث عنها ... كانت مذيعة فين دي ياترى كانت في الار تي ونقلت على mbc
ولاني مش مشترك في art فقلت اكيد هيا منها. بس تصوروا اكتشفت ايه
اسمها اروى جودة
عندها ٢٨ سنة. رغم ان شكلها بيدي على اكبر من كده
تصوروا بقة المفاجئة انها بنت اخت صفاء ابو السعود. يعني صفاء تبقى خالتها

وهيا ممثلة وعارضة ازياء مصرية رغم اني مش متابع اعملها

من الأفلام
الحياة منتهى اللذة.
مفيش غير كده.
على جنب يا أسطى.
العالمي.
زي النهارده.
الوتر.

من المسلسلات
المواطن x.
نابليون والمحروسة.
سر علني.
خطوط حمراء.

ههههههه بس انا مشفتش ولا عمل من الاعمال دي

@@@@@@@@@@@@@@@@

http://www.gololy.com/wp-content/gal...2-26_09084.jpg

ومن ضمن معلومات عن هذه المذيعة. انها مولودة في جدة ( السعودية)
ومن مواليد ٢٧ سيتمبر. يعني برج الميزان

http://t0.gstatic.com/images?q=tbn:A...-NtiT66LZwKKq_

بس ايه رايكم كادائها كمذيعة هل مناسبة ... !
رغم ان سبحان الله حاسس ان في منها من شخصية اناوشكا
(موضوع للدردشة ) وشكراً لمشاركاتكم

اتمنى سماع رأي جميع الأعضاء في هذا الموضوع الشائك الذي سيحدد مصير الوطن في الفترة القادمة

اقتباس:

---

المشاركة الأصلية كتبت بواسطة autotycoon

اتمنى سماع رأي جميع الأعضاء في هذا الموضوع الشائك الذي سيحدد مصير الوطن في الفترة القادمة

---

هههههههههههه.
والله دحكتني .... وانتا داخل النيت انشاء الله علشان تحدد مصير الوطن هنا .... هههه ولا علشان تتسلى ... وتروح وتنفس عن قلبك شوويتين .... عامة لو عاوز تحدد مصير الوطن .... وتخطط لمستقبل مصر ... في عندك لو مشيت على طول طوالي هتلاقي يوترن لف وارجع وخش في اول شمال في تاني يمين هتلاقي شارع اسموا الشارع المصري هنا في المنتدى. روح حدد مصير الوطن هناك .... اوعه تزعل بهزر معاك ... وتحياتي ليك وشكراً على مشاركتك احنا بندردش بس

قولي علي القناه اللي بيجي عليها البرنامج وترددها ومعاده
وان شاء الله شوف الحلقه الجايه ورد عليك

ادده معقوله يامزهر باشا مش متابع البرنامج
ده ياسيدي بيطلع على قناة mbc1 او mbc masr بيطلع كل يوم جمعة بالليل على الساعة ٩ كده بيجيبوا مجموعة من الشباب الي اصوتهم حلوة .... واربع نجوم وكل واحد يغني من غير مالفنان يشوف وش الشاب الي بيغني بحيث انهم يحكموا على الصوت بس مش على الشكل والي صوتوا يعجبهم ينضم لفريق حد من المغنين المشهورين ويبتدوا يدربوهم على الغنى وكده يعني كفكرت برنامج جميلة زي برنامج عرب اوف تالنت كده

والله انا شفت اول حلقة هى كانت قدمتها
كانت فى الضياع مش عارفة تجمع كلمة واحدة
انا حاسيس انى دافعة راشوة 150 جينة عشان تقدم البرناميج دة

معاك حق والله يا حسام باشا ...
بالك انتا البت المذيعة اللبنانية الي بتشوف التصويت .... متمكنة اكتر من المذيعة المصرية ، عندها سرعة بديهة وكلمتها حاضرة انا عاجبني الواد محمد كريم بصراحة. شاب ممتاز ومحترف بمعنى الكلمة وكلمتوا حاضرة على طرف لسانوا ده غير حضوروا على المسرح. قوووي

http://t3.gstatic.com/images?q=tbn:A...7iTKfhh7O5o4z3

بس الغريب الانتكاسة الي بتتعرض ليها ال mbc حتى في قناتها الجديدة ام بي سي مصر
يعني مثلاً برنامج بتاع منى الشالزلي الجديد ( جملة مفيدة )

http://t0.gstatic.com/images?q=tbn:A...EC9JvQx_5_Bhug

حاسس انو برنامج فاشل ... فين زمان منى لمن كانت بتقدم برنامج العاشرة مساءً كانت متالقة اكتر من كدة ... والواحد حتى وهو شغال ولا بيعمل حاجة كان يفتح على برنامجها ويقعد يسمع بتقول ايه .... بس لمن نقلت على الام بي سي ... حاسس ان مستواها نزل قوي ... كانوا فاكرين انهم هيعملوا برامج توك شو زي برامج لبنان كده والجمهور يتفاعل ويسقف ويهيص ... بس اغلب الجمهور جي متنكد ومكلضم وتحس سبحان الله ان البرنامج خالي من اي مضمون او روح

ده غير برنامج هاني رمزي ( الليلة مع هاني )

http://t3.gstatic.com/images?q=tbn:A...7pRRjMW8YoSy2g

كمان برنامج تحسوا مش قاد كده والكوميدية فيه معدومة .... والجمهور قاعد بيضحك ضحكات مصطنعة وتسقيفوا كمان مصطنع وواضح جداً ... عارف لو عملو mbc لبنان كانت هتبقى اقوى من ام بي سي مصر .... ده كفاية الجمهور الي هيبقى متفاعل ويظحك من قلبوا ويهيص ويرقص وجو شبابي كده بخلاف جمهور مصر الي قاعد على اعصابوا ومتنكد وبيسئل نفسوا يترى رفعو الدعم عن البانزين ولا لسه .... بس ده طبعاً ده ميمنعش من قوة برامج ام بي سي .... زي برنامج نجوم العلوم او ارب اوف تالنت او من سيربح المليون او برنامج ذا فويس الي بيقولك وصل عدد نسبة المشاهدة ل ١٠٠ مليون مواطن عربي بيتابعوه

@@@@@@@@@@@@@@@

وتحياتي

هيا بصراحه وشها يقطع الخميره من البيت وممكن يقطه الخميره من القناه كمان هههههه

الاداء بيتحسن وان كان سىء

عندك حق عن انطباعك عن برنامج منى وهانى


برنامج هانى على وجه التحديد برنامج تافه وفاشل وحشو كلام وعبط وهبل من هانى ومعد فاشل ابن فاشل جايب حاجات من الفيس بوك والجرايد الهبله

هو ده الفشل بعينه

http://t0.gstatic.com/images?q=tbn:A...xjgE5ezgVhZXnA

لا بس بصراحة البت شرين. مبدعة في البرنامج
وبسم الله مشاء الله عليها يوم عن يوم عماله تحلووو ... وتحس كده في صوتها صوت الاصالة المصرية
والشجن والسلطنة ... وتحسها كتكوته كده

http://t1.gstatic.com/images?q=tbn:A...sU8Hihj98fMAEv

بتفكرني ... بايام الزمن الجميل زمن سعاد حسني وشقاوة سعاد حسني

معاك حق والله يا حسام باشا

http://t1.gstatic.com/images?q=tbn:A...sYAzIfbKSXXeoQ

ده انا قعدت اتفرج على البرنامج الحلقة مع اشرف عبدالباقي. هههههههه وحلفت ما هتفرج على البرنامج ده تاني ... قمة الفشل. .... يعني انا افتكرتوا هيبقى زي ادم شو كده بتاع الفنان احمد ادم .... كان بيوقعد صحيح يهرتل في الكلام بس بيقول كلام مفيد. او يحكي حجات تدحك. .... يعني بتتسلى وانتا بتتفرج عليه بس هاني رمزي ... رغم انو فنان جميل ... بس بصراحة البرنامج الي عملوا ده مش من مقاموا خلاص .... وياريت يغيروا معد البرنامج لان كام برنامج هابط على القناة كده هيخسرها مكانتها وهيخسرهم عدد المشاهدين عليها. يعني لولا مسلسل عمر الي بيطلع على القناة انا مكنت فتحت عليها نهائي ....

بس الغريب ان الكل بقه يقلب عيشو مغني يشتغل ممثل ... وممثل يشتغل مغني ... ملقوش فايدة في التمثيل او الغنى يقوم يشتغل مذيع .... ده حتى المذيع بيشتغلوا ممثلين .... بيفكروني بواحد دكتور فتح صيدلية قام جاب علب مكياج ولعب اطفال وقعد يبعهم. ملقاش في فايدة قام جاب تلاجة حاجة ساقعه وحطها قدام الصيدلية وبقه. يبيع حاجة ساقعة صاروخ هههههههه. ده غير كروت شحن. وشحن على الهوى ههههههههه

حبيبي والله
بس خلي بالك اني ميزان بردوا ههههه

http://t3.gstatic.com/images?q=tbn:A...jaXphv58sBYKGw

هههههههه ده برج الميزان ده برج العظماء والمشاهير يابوحميد ... لا هو حد يقدر يقول حاجة على برج الميزان ياباشا ... ماهي البت شيرين برضو ميزان .... انتا طلعت هوائي زي يا احمد ههههههه

http://t1.gstatic.com/images?q=tbn:A...DqEJxmjoOkz_pw

كان في البت مريم شجري تونسية ولا مغربية برضو برج ميزان ... بس اما بنت يا جدع ... بجد فور باي فور ... ومركبة سوبر اتشارجر وباور استيرنج.كمان وبجد بجد بت سوبر تيربوووو وفل اوبشن هههههههههه. معرفش طلعوها ليه برة المنافسة ... واللهِ لو كانت فضلت كنت صوطيلها ورقعت بالصوت كمان ههههههه ... بس بجد البت دي ليها مستقبل !
حبيبي يا بوحميد ههههههه

هههههههههههه
هو برج الميزان كده كل حاجة فيه اختـــراع :babypregnant:

اقتباس:

---

المشاركة الأصلية كتبت بواسطة s o p h o s

هههههههههههه
هو برج الميزان كده كل حاجة فيه اختـــراع :babypregnant:

---

ههههههههه.
حبيبي يا بوحميد ... لا هو بجد المرأة الميزان. مميزة ومن اجمل النساء وأذكاهم ... يكفي اني اقولك ان عالمها عالم الموضة والجمال والاناقة. والفن ... واكتر امرئة حساسة جداً ... يعني كلمة حلوة تئثر فيها وكلمة وحشة حتى لو بدون قصد تاخود على خطرها منك ... المرأة الوحيدة الي محتاجة حب غير عادي وغير تقليدي ... ده غير الدوبلامسية الي بتتمتع بيها والعدل ... يعني حقانية .... وتلاقيها جدعة جداً ... وممكن توقف جمبك برغم انها متعرفكش لمجرد انها حسيت انك مظلوم ... وممكن نظرة كده صغيرة من عنيها تسحرك وتخليك تمشي تكلم نفسك .... بخلاف اي امرئة اخرى ... حتى من صوتها بتعرف انها ميزان على طول بتلاقيه صوت مميز وحنون كده .... بخلاف بعض المرأات الاخرى الي تلاقيها بتجعر في التيلفون واحلى سفرة واحلى اكل تاكولها من ايد المرأة الميزان .... يا اخي يا اخي ده حتى طبق السلطة. بيبقى ليه شكل تاني تلاقيها مقطعالك الخياراية او الطمطماية كدة على شكل وردة او شكل قلب بخلاف الابراج التانية تلاقيها مقطعة اوطه على طماطم على خيار على فصوليا على جزر واديها ادي هههههه

هههههههههه
دي ايه كل ده علي كده المنتدي كله هيدور علي الميزان
خلي بالك رجل الميزان اكثر حبا اكثر صدقا وبيهتم بزوقه جدا واهم شئ ان بيحب مراته لدرجة تتعدي حبه لاولاده
انما المراة الميزان فراي تتغير الابراج والمراة واحدة والخناق واحد وحب النكد والصداع واحد
ههههههه
اظن دي مفيش عليها اختلاف زي اعتمادية تويوتا كده :babypregnant:

وانا ااااااااااشهد
لا انا معاك فعلاً ان. الرجل الميزان فعلاً. بيتكيف مع اي امرأة .... وبيحاول يحتويها .... سواء هوا او الرجل الجوزاء .... كمان الرجل الجوزاء بيحتوي زوجتوا قووي. .... بس بيني وبينك توافق الابراج مهم جداً في الجواز بالزات .... وكل حلة ليها غطاها ... ده احنا لسه في عرسان جداد في العمارة الي قدمنا. وكل يوم كل يوم لازم ننام على صوتهم يوماتي وخناقتهم ... يعني انا اعرف اي حد لمن يكون عريس جديد. بيتخانق مره مرتين كده يعني تفاريحي مش يوماتي ... ياسيدي اتخانق مره في الاسبوع. او مره حتى كل شهر اما كل يوم كل يوم .... ده بجد بيبقى هو من طينة غير طينتها ولا طبعوا زي طباعها ولا ده قادر يطبع بطباعها ويحتويها ولا دي قادرة تطبع بطباعوا وتحتويه ... فالخناق وارد يابوحميد بس المهم انك تقدر تسيطر عليه في النهاية ... اما بالعكس المرأة الهوائية مش نكدية خالص ده بالعكس مرحة ولزيزة .... بس زي ماقلتلك كل أمرءة. وليها واحد مناسب ليها ان محتوهاش هتفضل تنكد عليه طول عمروا ....

اما بالنسبة لتويوتا خودها مني حكمة ياعزيزي للناس الي بتهاجمها
نعيب في تويوتا والعيب فينا وما لتويوتا عيب سوانا
ونهجوا الكورلة بغير ذنبٍ. ولو كان للكورولة لسان لقالت فيه ماهجانا هههههه
وفعلاً المرأة الميزان اعتمادية زي التويوتا واصيلة ههههههه حبيبي يا بوحميد وتحياتي

والله عندك حق 100 في ال 100
عارف الهجوم علشان الشكل والطيبة وكده
عارف لو فوانيس بطول العربية وتخش جوا نور فكل مكان وتصميم من برا كله خطوط كان قالك دي عربية رهيبة
المشكلة ان في ناس كتير بتسيب الجوهر وتقولك لا دي فلوس علي الفاضي وفي غيرها وماتور جميل
وكمليات وفالاخر بيعرف ان لكل شئ قيمة لو مش فشكله الخارجي ممكن تكون جواه او فقلبه ..

اقتباس:

---

المشاركة الأصلية كتبت بواسطة y a r i s

http://t0.gstatic.com/images?q=tbn:a...xjge5ezgvhzxna

لا بس بصراحة البت شرين. مبدعة في البرنامج
وبسم الله مشاء الله عليها يوم عن يوم عماله تحلووو ... وتحس كده في صوتها صوت الاصالة المصرية
والشجن والسلطنة ... وتحسها كتكوته كده

http://t1.gstatic.com/images?q=tbn:a...su8hihj98fmaev

بتفكرني ... بايام الزمن الجميل زمن سعاد حسني وشقاوة سعاد حسني

---

بس بينى وبينك بعد ما اتطلقت طريقتها وكلامها وضحكتها بقت شماااااال والله كاظم ده عسل هههههه

يامحاسن الصدف انا برضه ميزان و6 اكتوبركمان ههههه

بس تصدق انا مابعتقدش فى الابراج دى خالص

تصدق انا خايف عليك
:36_8_1[1]:
اظن الرساله وصلت

ههههههههه

بصراحة هو اللى لفت نظرى اللبس اللى بتلبسه غريب اوى و مضيع شكلها خالص

بس ادائها مش قد كده فعلا كمذيعة

و بعدين يا جماعة حرام عليكما لو ديه وحشة يبقى اللى بنشوفوا كل يوم ده ايه ؟

بطلوا تعيشوا فى الافلام الاجنبى بقى xD

اقتباس:

---

المشاركة الأصلية كتبت بواسطة mohammedabdallh

تصدق انا خايف عليك
:36_8_1[1]:
اظن الرساله وصلت

---

هههههههههههه. اه. يامحمد ياعبدالله .... انتا الوحيد الي فاهمني .... لا ما انا خدت بالحلة قبل كده فوق دماغي ههههههه دماغي اتعودت من كتر الحلل هههههههههه
على فكرة عمالين انا وانتا نتصل ببعض. بالوقت الي بنكون مش جمب الموبايل حبيبي يا محمد

اقتباس:

---

المشاركة الأصلية كتبت بواسطة Mohab.Nabil

ههههههههه

بصراحة هو اللى لفت نظرى اللبس اللى بتلبسه غريب اوى و مضيع شكلها خالص

بس ادائها مش قد كده فعلا كمذيعة

و بعدين يا جماعة حرام عليكما لو ديه وحشة يبقى اللى بنشوفوا كل يوم ده ايه ؟

بطلوا تعيشوا فى الافلام الاجنبى بقى xD

---

ههههههه
هيا بيني وبينك البت عووود وطول منقدرش ننكر والباور هورس عندها عالي ... بسم الله. مشاء الله عليها عارضت ازياء مصرية .... بس مش متمكنة نهائي بالكلام الارتجالي .... اعتقد حاسس انها خايفة بحكم انها طالعة قدام جمهور وعلى الهوى مباشرةً .... بس هيا محتاجة شوية ثقة بالنفس .... ده غير انها مش مدربة كويس بس ليها طلة حلوة واشراقة

@@@@@@@@@@@@@

شوفت لمن شرين وقعت من على المسرح ههههههههه

http://sphotos-a.ak.fbcdn.net/hphoto...26298882_n.png

المسرح معمول اكليرك تقريباً مع الكعب العالي. بتزحلق من عليه .... ياعيني كل ما تقوم دلوقتي بيمسكوها خايفين لاترجع توقع تاني

شكلك معجب بيها وعايز تتجوزها ههههههههههههههههههههههههه ههههههههه

انت مركز اوى كدة ليه
وفى الاحر تقول .......مركزين معايا وبيعملوا ويسوا
والله شكلها مظلومة وانت اللى مفترى
ههههههههههه

أروى جودة

ممثلة أكتر منها مذيعة ..عجبتني كممثلة ..لكنها فشلت كمذيعة
لا على قد الحدث ولا حتى فى مستوى المذيع اللي معاها برغم انه غلس ولا تقارن بكل تأكيد
بالمذيعة اللبنانية فدي طبعا متمكنة ولبقة وجريئة وأنيقة وذات حضور..
لسة من يومين انا واصحابي كنا قاعدين بنقول لو كانت داليا البحيري قدمت البرنامج ده
أكيد كان بقى افضل كتير......
حتى لبسها سىء ..بمعنى انه هو شيك لكن غير مناسب ليها
فهى المفروض تخليها ممثلة افضل وتسيب موضوع مذيعة ده لغيرها

تحيتي للجميع
توتاااااااااا

عجبكم كده ... جالي انذار من المدام ...
وممكن اخود وقف اسبوع عن النيت كلو مش بس المنتدى ههههه

ههههههههههههه
ربنا يستر عليك ويتشال لانه الاول من نوعه
ويكون تحذير شفوي فقط .. :cat06:

اقتباس:

---

المشاركة الأصلية كتبت بواسطة y a r i s

هههههههههههه.
والله دحكتني .... وانتا داخل النيت ان شاء الله علشان تحدد مصير الوطن هنا .... هههه ولا علشان تتسلى ... وتروح وتنفس عن قلبك شوويتين .... عامة لو عاوز تحدد مصير الوطن .... وتخطط لمستقبل مصر ... في عندك لو مشيت على طول طوالي هتلاقي يوترن لف وارجع وخش في اول شمال في تاني يمين هتلاقي شارع اسموا الشارع المصري هنا في المنتدى. روح حدد مصير الوطن هناك .... اوعه تزعل بهزر معاك ... وتحياتي ليك وشكراً على مشاركتك احنا بندردش بس

---

اقولك داخل اعمل اية ... داخل اهرب من التليفيزيون اللي بقى كله إعلانات تقرف و كله دا فويس و اكس فاكتور و اراب ايدول و الهطل دا... و لعلمك بقالي فترة كبيرة مدخلتش هنا و دخلت لقيت دا فويس في وشي برضه

تستاهل الانذار ووقف عن التليفزيون

ههههههههههههه

عقدتونا فى الجواز من قبل ما الواحد يفكر فيه

بس بذمتك مش البوسة كانت تستحق الانذار ولا لا :p ?

اقتباس:

---

المشاركة الأصلية كتبت بواسطة autotycoon

اقولك داخل اعمل اية ... داخل اهرب من التليفيزيون اللي بقى كله إعلانات تقرف و كله دا فويس و اكس فاكتور و اراب ايدول و الهطل دا... و لعلمك بقالي فترة كبيرة مدخلتش هنا و دخلت لقيت دا فويس في وشي برضه

---

بص يا اوتو يا عزيزي .... النايل سات فيه حوالي ٢٠٠٠ قناة يمكن اقل يمكن اكتر معدتهمش بصراحة ... فاذا الدش عندك رايحة منوا قنوات. هاتلك مهندس دش يزبطلك الطبق عندك ب ٣٠ جنية

المنتدى كزالك فيه حوالي يومياً مالايقل عن ١٠٠٠ موضوع فانا على حسب مافهمت انك بتدايق. او بتتحسس من موضوع ذا فويس وبرامج ام بي سي .... والي انا شخصياً مش راضي عنها .... بس في حجات حلوة فيها يعني انا مثلاً انتقدت منى الشذلي في برنامجها .... ايه رايك بقه اني دلوقتي قاعد بكتبلك المشاركة دي ومشغل منى الشازلي بصراحة بصراحة مسواتها رجع يتحسن. ورجعت لمستواها المعهود .

المهم الي عاوز اقولوا ان الموضوع هنا مفتوح لاخذ اراء الاعضاء للترفيه عن الاعضاء .... اتكلم وانا واصدقائي الي اغلبهم بيدخلو مواضيعي وانا بدخل مواضيعهم وندردش سوى ... فاهم ازاي. .... فحضرتك انتا مثلاً مبتحبش ذا فويس او مش عجبك قول رايك. قول كل الي انتا عاوزوا براحتك في حرية محدش هيصادرها عليك ... بس انتا انتقدت الموضوع وكنت اول واحد يشارك وحسستني بتفاهت الموضوع وان المفروض نتكلم عن مستقبل مصر ووضع البلد وكانك بتلزمني اني اعمل مواضيع ايه او معملش مواضيع ايه .... وهو ده الي دايقني بيني وبينك رغم اني خدت الموضوع بدحكة وبساطة .... فكرتني حضرتك ببرنامج عمر اديب ... (بهدوء) عمر اديب مره كده في الاسبوع بيفتح موضوع في برنامجوا للكبار فقط وبيتكلم عن مشاكل الازواج .... المهم الي دحكني وحزني بنفس الوقت واحد مكلف نفسوا واتصل على البرنامج واكيد فضل ساعة ولاساعتين على السماعة التيلفون والدقيقية بجنية ونص كل ده علشان يقولوا ياريت نتكلم في مشاكل البلد ومتتكلمش في المشاكل الزوجية ... طيب قولي المتصل ده ايه محلو في الاعراب ؟؟؟؟

كانوا حرقينوا الكلمتين قووي ... اهو بوظ طعم الحلقة الجميلة بتاعت عمر اديب .... واحرج عمر اديب وحرق دموا وقالها باسلوب مستفذ يعني ياريت قالها باسلوب كده بدحكة. بابتسامة بترجي لا قالهالوا كانوا بيامروا وكان عمر اديب شغال عندوا والمفروض يعملوا الحلقة الي على مزاجوا ههههه وكان ابسط حاجة عاملها انوا وفر فلوسوا وقتوا ومسك الريموت كنترول وغير القناة .... كزالك هو الحال مثلاً انا مينفعش اخش قسم الشارع المصري واقولهم انتو. بتتكلموا ليه في السياسة .... ومينفعش كزالك اخش القسم الاجتماعي اقول للناس الي فيه انتوا بتتكلموا ليه عن الفن او المجتمع متتكلموا عن السياسة ووضع البلد .

وبطريقه تبين انو مواضيعنا تافهه .... والموضوع ملهوش بالنسبه لي او بالنسبة للناس المحترمة دي كلها الي شاركت اي قيمة .... غير الدرشة وراجع ساعتك موضيع الناس دي كلها بما فيهم انا هتلاقي اننا عندنا رصيد كبير وجميل من المواضيع المفيدة. لكل الناس ... بس بنعمل مواضيع زي دي او بنشارك في مواضيع زي دي كنوع من الترفيه عن النفس.

هل حضرتك بقه بتطالبني اني ارفه عن النفس اني اتكلم في وضع البلد واخطط لمستقبل مصر ... هل بتطالبني اني ارفه عن نفسي اني اتكلم في السياسة هو السياسة والمشاكل بالنسبة لحضرتك اصبحت ترفيه !!!!

اقتباس:

---

المشاركة الأصلية كتبت بواسطة autotycoon

اتمنى سماع رأي جميع الأعضاء في هذا الموضوع الشائك الذي سيحدد مصير الوطن في الفترة القادمة

---

فممكن حضرتك مشكوراً زي ما تفضلت ونورت موضوعي وقلت ( انا نفسي اعرف راي الاعضاء في الموضوع الي يهم البلد. ومستقبل مصر ). في مواضيع جمب موضوعي عن الجني العاشق اكتب فيه نفس الكلمتين دول. وفي موضوع لحبيبي وصديقي الاستاذ اسد بيتكلم عن الراوتر اكتب فيه الكلمتين دول وقلوا يا اسد يا حبيبي بدل ما تتكلم عن الراوتر روح اتكلم عن مستقبل مصر. .... وان كان عندك وقت برضو ممكن تخش على قسم السيارات ... وهتلاقي ناس عاملة موضوع اشتري عربية فضي ولا بيضة ولا سودة ولا حمره ... خوش قولوا انا نفسي اعرف راي الاعضاء في الموضوع الي يهم مصر ومستقبل مصر .... وشوف ردت فعلهم ايه ارجو ان تكون رسالتي وصلت. ... كما ارجو متكونش شايل من خاطرك مني .... وانا كمان مش شايل من خاطري منك لان في الاول والاخير احنا داخلين نتسلى ولا انا ولا انتا ولا السادة اعضاء المنتدى الافاضل هيحددوا مستقبل مصر من خلال النيت والدردشة والشات. وتقبل تحياتي واسف على الاطالة

يارب تــــــــــــــــــــــــ ـــتوقـــــــــــــــــــ ـــــــــــــــــــــــــ ـــــــــــــــــــــــف علشان تعرف تكتب اسمى صح وسيب موضوع الراوتر اللى مش باين له مجى فى حاله

المزيع و المزيعه ضايعين

اقتباس:

---

المشاركة الأصلية كتبت بواسطة a.saad

يارب تــــــــــــــــــــــــ ـــتوقـــــــــــــــــــ ـــــــــــــــــــــــــ ـــــــــــــــــــــــف علشان تعرف تكتب اسمى صح وسيب موضوع الراوتر اللى مش باين له مجى فى حاله

---

هههههههههههههههههههههه
حبيبي. يا عم اسد هههههه واللهي اسد احلى واشيك .... وبعدين ياعم احمد بدل ما تتكلموا عن انواع الراوتر اتكلموا عن مشاكل مصر خططووووو كده لمستقبل الوطن وانتوا قاعدين هههههه. حبيبي يا احمد باشا .... تسلملي مشاركاتك ومرورررك. يا غالي ههههههههه