كورسيليه كامل نيو اكسنت

**the_bird5** · 17-11-2012 03:46 AM

كنت عايز اعرف سعر كورسيليه كامل نيو اكسنت 2011 واحد صحبى واحد قريبه عمل حادثة ومات الله يرحمه وصاحبى اشترى العربية والعربية مفيش فيها حاجه سليمه خالص ومحتاجه كورسيليه كامل يعمل كام ومنين وهوه اتعمل محضر بالحادثة وكنت عايز اعرف تاخد وقت اد ايه علشان يجى ويتركب وهل ممكن العربية تبقى اكسنت مانيوال ويجبها اتوماتيك وسبورت وفاتحة سقف مثلا وتعمل كام بعد ما تتعمل لو هيبعها

**the_bird5** · 17-11-2012 03:47 AM

ملحوظة العربية مش الار بى

**kaza** · 17-11-2012 08:42 AM

كلمة كورسلية (الشاسية)كانت بتطلق علي الفريم الحامل لجسم السيارة فيما مضي عندما كانت السيارات بتتكون من شاسية ثنائي وما زال استخدامة في بعض السيارات البيكاب والفان والرباعي الدفع اما سيارات الركوب فالشاسية بتاعها احادي من قطعة واحدة والاكسنت لا اظن انك هتلاقي ليها شاسية قطعة واحدة لكن ممكن تلاقي سيارة استيراد نصفين وسقف وتجمعها عند سمكري شاطر وتنقل ليها رقم الشاسية القديم والموتور لو سليم
بس مشكلة الموضوع دة ضعف اللحام لاننا لسة بنستخدم لحام الاستيلين ودة محتاج لحام (الارجون)migودة للاسف استخدامة محدود جدا في مصر

**broadband** · 17-11-2012 10:42 AM

لحام الارجون موجود فى مصر بس قليل جدا و لازم يكون السمكرى بيعرف يستخدمه لان مش اى صنايعى ممكن يلحم نصين و دى محتاجة وزن لكلا الجهتين و تجريب السيارة على سرعات عالية و مطبات قاسية

دور على ورشة متخصصة فى الحوادث