امبارح فوجئت بارتفاع فى درجة الحراره والروحه شغاله على طول والميه مش بتنقص الا حاجه بسيطه فده ممكن يوكن جوان وش سلندر ؟؟؟؟؟؟؟؟؟؟؟؟
عرض للطباعة
امبارح فوجئت بارتفاع فى درجة الحراره والروحه شغاله على طول والميه مش بتنقص الا حاجه بسيطه فده ممكن يوكن جوان وش سلندر ؟؟؟؟؟؟؟؟؟؟؟؟
18 مشاهده ومحدش رد وأسفاه على منتدى لادا انا بجد زعلان مش عشان محدش رد عليا بس لان كل واحد بيخش يقضى مصلحته وخلاص وعلى فكره انا عامل عضويه فى منتدى دايو طبعا الفرق كتير فى مشاركات وردود وتجارب وتعاون ولقاءات شهريه اتمنى ان الوضع يتحسن ونبقا اكتر تعاون وتحياتى لكل الاعضاء .
الاعراض
خلط الزيت بمياه الريداتير
2خروج مياه من الشكمان
3ارتفاع ضغط المياه فى الريداتير
تجربه بسيطه افتح غطاء الريداتير وقم بالضغط غلى بدال البنزين وانظر على المياه فى الريداتير لو لقيت تقليب المياه عادى فتاكد ان الجوان سليم اما لو لقيت الضغط عالى والميه بتطرد بسرعه من الريداتير فاعلم ان الجوان تلف ومطلوب تغييره
بص يــأستاذ / محمد
الموقف ده حصل لي العــام الماضي..وكــانت الإعراض كالتالي :
1- إرتفــاع فى درجــة الحــرارة غير المعتاد..وخصوصا بالنهار المؤشر يصــل إلي العلامة الحمراء
2- خروج مياه من الشكمــان
3- مــلاحظة وجود ســائل يشبة "الطحينة " عند غطــاء الموتور مترسب علي الغطــاء
4- بالضغط علي دواسة البنزين مع فتح غطــاء الرادياتير تلاحظ خروج المياه بغزارة
طبعا أنا قولت فى بداية الامــر ده عيب رادياتير...وذهبت لبتاع الردياتيرات.........
بص ليا وقــالي ده يــاأستاذ عيب سربنتينة...هتلاقيها مسدودة علي الأخر دي هتكلفك 60 جنيه ..قولتله ماشي
أخرج الرادياتير وحط خرطوم مع أعلي الردياتير فوجأت بالمياه نازله بنفس ضغط الخرطوم مما يدل علي عدم وجود إنسداد إطلاقا...وطبعا طلع أدامي إنه مش فاهم حــاجة ....
راح قــالي دي السربنتية عــاوزة تتغير ....طبعا أنا عرفت أنه نصــاب ومش فاهم حــاجة
قولتله رجع كل حــاجة مكــانها و أخذت العربية ومشيت ....
علي فكرة الراجل ده فى الحي السابع ...جنب رضا الكهربائي..
رحت للميكانيكي الله يباركله أول مافتح غطاء الموتور ولقي الطحينة دي قــالي ده جوان وش السلندر
وتم تغيرة وإختفت الحرارة فورا..
دي كــانت تجربتي وأتمني أني تكون أستفدت من هذة التجربة
الف شكر على الردرو المفيده يا استاذ اشرف وانا روحت امبارح لبتاع الرداتير علشان اشوف سبب الضغط جوه الرداتير طلع من الغطاء واتحلت المشكله الحمد لله وشكر خاص للاستاذ مكاوى واتمنى بجد تنظيم مقابلات للتعارف
الف مبروك
الله يبارلك يا باشا